Гайхалтай сонин, содон уран барилгуудаараа дэлхий дахинд түүх болон үлдсэн алдарт архитектор Заха Хадидын нэгэн содон бүтээл сүндэрлэж, нээлтээ хийлээ. Уг барилга нь ойролцоогоор 194.15 м өндөртэй, 45 давхар бөгөөд дэлхийн хамгийн өндөр атриум төв орон зайтай барилгаар нэрлэгдэж байна. 

Төв хэсгийн атриум нь 190 метрийн өндөр, бүх давхарт байгалийн гэрлийг тусгахын тулд атриумыг 45 градус эрчилсэн, мушгиа байхаар төлөвлөжээ. Мөн тус атриумаар барилга хоёр хэсэгт хуваагдсан байх бөгөөд архитекторууд метроны үйлчилгээний хонгилыг бэхэлхийн тулд ийм шийдвэрт хүрчээ. Гэхдээ тус хоёр хэсгийг холбосон тойрог хэлбэрийн дөрвөн гүүрийг давхар шийдэж өгсөн байна. 

Уг цамхаг нь өнгөрөгч 2019 онд ашиглалтад орсон Бээжингийн Дасин олон улсын нисэх буудлын урд, Фэнтай бизнес дүүрэгт баригдсан бөгөөд байгаль орчинд ээлтэй, ногоон барилга гэдгээрээ мөн онцлогтой. Жишээлбэл, ус цуглуулах байгууламжийг бий болгож саарал усыг дахин ашигладаг. Түүнчлэн дулаан алдагдалгүй фотоэлектрик хавтан бүхий ногоон дээврээр тоноглож, сэргээгдэх эрчим хүч ашиглан гадны бохир агаарыг шүүн цэвэршүүлж, дотор агаарын чанараа хэвийн хэмжээнд барьдаг аж. Энэ шийдлийг үнэлэн АНУ-ын Ногоон Барилгын Зөвлөлөөс (USGBC) Эрчим хүч, байгаль орчны дизайны манлайлал (LEED)  гэрчилгээг авсан байна.

Мөн иргэдийн хөдөлгөөний идэвхийг дэмжих зорилгоор 2680 унадаг дугуйны зогсоол, цахилгаан болон хосолсон машиныг цэнэглэх нөхцөлийг бүрдүүлжээ. Энэхүү барилга нь төв хэсэгтээ 194 метр (636 фут) өндөр мушгирсан асар том эргүүлэг бүхий голын хэсэгтэй бөгөөд энэ нь дэлхийн хамгийн өндөр нь болж байгаа ба Дубай дахь Burj Al Arab зочид буудлын эзэмшиж байсан цол юм. 45° эргэсэн уг голын хэсгийн тусламжтай бүх давхар байгалийн гэрэл тусдаг. Түвшин тус бүрийн бүтцийн цагираг, гүүр, давхар дулаалгатай шилэн фасад нь барилгын хоёр талыг нэгтгэдэг.

Leeza SOHO барилга нь Бээжингийн баруун өмнөд хэсэгт байрлах Leeze зам дээр Бээжингийн Дасин олон улсын нисэх онгоцны буудлын хооронд нилээдгүй хөгжиж буй санхүү, тээврийн зангилаа болох Фэнтай бизнесийн шинэ дүүрэгт бүтээн байгуулагджээ. Шинэ бизнесийн дүүрэг нь хотын төвийн одоо байгаа дэд бүтцийн сүлжээнд нөлөөлөхгүйгээр өсөлтийг хангах Бээжин хотын олон загварт хот төлөвлөлтийн салшгүй хэсэг юм.

Энэхүү барилга нь хийц, бүтээц, зохион байгуулалт зэргээрээ тун онцлогтой бөгөөд Бээжингийн жижиг, дунд бизнес эрхлэгчдийн уян хатан, үр ашигтай А зэрэглэлийн оффисын хэрэгцээнд нийцдэг 45 давхар 172,800 м² талбайтай барилга юм. 

Бээжингийн метроны сүлжээнд баригдаж буй таван шинэ шугамын уулзвар дахь бизнесийн дүүргийн төмөр замын буудлын зэргэлдээх Leeza SOHO-ийн талбайг газар доорх метроны үйлчилгээний хонгилоор диагональ байдлаар задалсан байна.

Энэхүү хонгилоор дамжин өнгөрөх барилгын дизайн нь түүний эзлэхүүнийг нэг фасадны бүрхүүлээр хүрээлэгдсэн хоёр хэсэгт хуваадаг. 

Энэхүү эргэлт нь Leeza SOHO барилгын хоёр талыг 13, 24, 35, 45-р түвшний холбосон өндөр дээрх гүүрнүүдээр динамик хэлбэрээр холбодог; гялалзсан фасад нь хот даяар гайхалтай үзэмжийг бий болгон өгдөг нь хүн бүрийн нүдийг хужирлах биз ээ. 

Тус хотод олон олон тэнгэр багандсан өндөр барилгууд байдаг боловч ийм шийдлээр бий болсон барилга байхгүй л болов уу.

Leeza SOHO барилгын талбай нь шинэ бизнесийн дүүргийн нийтийн талбай болж, Барилгын доторх бүх орон зайг хооронд нь холбож, мушгирсан олон янзын хэлбэрийг бий болгодог. Бээжин хотын тээврийн сүлжээнд шууд холбогдсон гайхалтай шинэ орон зайг бий болгож байна.

Энэхүү барилга нь байгалийн гэрлийг барилгын гүнд авчирч, агааржуулалтын нэгдсэн систем бүхий дулааны яндангийн үүрэг гүйцэтгэдэг бөгөөд агаарын нэвтрэлтийг хязгаарлахын тулд эерэг даралтыг бага түвшинд байлгаж, цамхгийн дотоод орчинд цэвэр агаарыг үр дүнтэй шүүх процессыг хангадаг.

Leeza SOHO-ийн давхар дулаалгатай, нэгдмэл шилэн хөшигний ханын систем нь давхар бүр дээрх шиллэгээний хэсгүүдийг өнцгөөр шатлан, шаардлагатай үед ажиллах боломжтой хөндийгөөр гаднах агаарыг сорох нарийн агааржуулалтын системээр хангадаг.

Барилгын хоёр тал нь нийтийн эзэмшлийн талбайг сүүдэрлэдэг бол давхар дулаалгатай намхан шиллэгээ нь Бээжингийн цаг агаарын эрс тэс нөхцөлд тав тухтай орчныг хадгалж байдаг. U-утга нь 2.0 Вт/м²К бол шиллэгээний сүүдэрлэх коэффициент 0.4 байна. Цамхгийн ерөнхий гадна дугтуйны u-утга нь 0.55 Вт/м²К байна.

Унадаг дугуйн 2680 зогсоол, угаалгын өрөө, цахилгаан болон хайбрид машиныг цэнэглэх зориулалтын зайг газар доор байрлуулсан. Дотоод бохирдол үүсгэгчийг багасгахын тулд дэгдэмхий чанар багатай органик нэгдлүүдийг Leeza SOHO даяар суурилуулсан бөгөөд өндөр үр ашигтай шүүлтүүрүүд нь агаарыг зохицуулах системээр дамжуулан тоосонцрыг зайлуулдаг.

Зураг 1.

Зураг 2, 3, 4. 

Зураг 5.  

Зураг 6.

Өвөл

• Нарны шууд тусгалаас хамгаалалтаар бүрэгдсэн тосгуурын фасад 
• Дулаан аллдагдалтыг багасгах 

F1, F2 Агааржуулалт

F1 Зоорийн давхарын халаалт 

F1- Агаар сэлгэлт 

Зун 

-Нарны шууд тусгалаас хамгаалсан тосгуурын фасад нь хамгийн бага дулааны нэмэгдэлтэйгээр бүрэгдэнэ .

- Мэдрэгийн системээр ажилладаг дээвэр дээрхи механик агааржуулагч 

-Барилгын гол хэсэгийн агаарын урсгал  

-Агааржуулагч F1, F2 

-Агаар сэлгэлт F1

Барилгачин групп, 

Борлуулалтын менежер Б.Агиймаа 

Эх сурвалж: Strumix