Норвейгийн Stokkoya Sea төвийн нэгэн хэсэгт байрлах зочид буудал нь барилгын архитектурын шийдэл нь уулын бэлд байрлаж тал нь газар доор оршихоор зохион бүтээжээ. Олсо хотод төвтэй Tori Langklopp болон Roar Svenning нарын эзэмшлийн “Pir II Arkitektkontor” компанийнхан уг зочид буудлыг зураг төсөл болон дизайны шийдлийг гаргажээ.

Газар доор орших арван өрөөтэй уг зочид буудал нь хүний харааг булаасан эртний эдлэл, бэлэг дурсгалын зүйлээр чимэглэгдсэн өрөөнөөсөө далайн эргийг бүтнээр нь тольдох боломж олгодог онцлогтой юм. Өрөө бүр цорын ганц бүтээлүүдээр чимэглэгдсэн өвөрмөц дизайнтай.

Энэ гайхалтай байгууламжийг шил болон бетон хавтангаар бүтээсэн бөгөөд зочид бүрийн өрөөнд шүршүүрийн болон ариун цэврийн өрөөтэй баригдсан аж.

Өрөө бүр нь бүтнээрээ газар доор орших бөгөөд гадна зүлгэн тохижилтын үүргийг давхар гүйцэтгэдэг зүлгэн дээвэртэй юм. Дээвэр нь бүхэлдээ пөмбөгөр хэлбэртэйгээр хийгдэж нарны илч болон ус зайлуулах сувгийг шийдэж өгсөн байна.

Tori Langklopp болон Roar Svenning нар уг зочид буудлын эзэмшигчид нь бөгөөд усанд шумбах орон зай буюу “Stokkoya Sea Center” хэмээн нэрийджээ. Уг төв нь Beach bar, хүрхрээ бүхий дээд зэрэглэлийн ресторан болон бусад далайн эргийн бүхий л давуу талыг харуулсан гайхалтай хэсгүүдтэй аж.

Уг байгууламж нь 2008 оноос барилгын ажил нь эхэлж 2009 оны  5 сард нээлтээ хийж байжээ.