Үзэсгэлэнгийн нээлтийн ажиллагаанд ГХБГЗЗГ-ын дэд дарга Д.Баярсайхан, , МБИХ-ны гүйцэтгэх захирал Б.Гантөмөр, МБХ-ны тэргүүн Ц.Батбаатар, БЗМТ-ийн захирал Г.Батсүх, МҮХАҮТ-ын барилгын зөвлөлийн дарга Б.Амарсанаа зэрэг төрийн болон төрийн бус байгууллагын төлөөлөгчид үг хэлж үзэсгэлэнгийн үйл ажиллагаанд амжилт хүслээ.

 

Нээлтийн үйл ажиллагаанд залуусын гэх тодотголтой “Чоно” хамтлаг болон охидын “Free beat” бүжгийн хамтлаг оролцсон нь үзэгчдийг ихээхэн таалагдсан юм.

 

Энэ жилийн үзэсгэлэн яармаг нь “Ногоон дэлхий Ногоон барилга” уриан дор барилгын салбарынхан дуу хоолойгоо нэгтгэн дан ганц чанар стандарт гэлтгүйгээр байгаль дэлхийгээ хайрлан хамгаалах эрхэм үйлсэд нэгдэж байгаагаараа жил жилийн үзэсгэлэн яармагаас онцлог болж байна.

 

Үзэсгэлэн яармагт энэ жил нийт 140 гаруй компаниуд оролцсон, нээлтээ хийсэн эхний өдрөөсөө үзэгч сонирхогчдын цуваа тасрахгүй байгаа нь энэ үзэсгэлэн яармагийн нэр хүндийг илтгэж байна.  

 

“Барилга Орон Сууц-2011” үзэсгэлэн яармагийн Ерөнхий ивээн тэтгэгчээр “Их үйлсийн эрэлд” ХХК-ийн “Баян Монгол” хороолол, Ивээн тэтгэгчээр “Хөнгөн Бетон” ХК, Мэдээллийн ивээн тэтгэгчээр SBN ТВ, Шуурхай зар сонин, Үндэсний зарын портал Zarmedee.mn сайт ажиллаж байна.

 

Үзэсгэлэн 2011оны 04 сарын 25-ныг дуустал 10-18 цагийн хооронд болох тул уншигч та шинэ орон сууц, амины орон сууц, интерьер тохижилт, гадна тохижилт, банк санхүү гээд бүх төрлийн мэдээллийг нэг дороос авахыг хүсвэл Мишээл экспо төвд зохиогдож байгаа “Барилга Орон Сууц -2011” үзэсгэлэн яармагийг зориорой.