Тус үзэсгэлэн яармаг нь 3 дахь өдрөө амжилттай үргэлжилж байгаа бөгөөд үзэж сонирхохоор ирж байгаа хүмүүсийн цуваа тасрахгүй байгаа нь энэ үзэсгэлэн яармагийг зохион байгууллагдахыг хүлээж байсан нь илэрхий байв. 

Энэ жилийн үзэсгэлэн яармагт компаниуд нилээн ач холбогдол өгч оролцсон нь тухайн байгууллагын нүүр царай болсон павилон тохижуулалтаас шууд харагдаж байсан юм.

Ингээд бид тус үзэсгэлэнд оролцож буй байгууллагуудын төлөөллүүдээс санал сэтгэгдлийг нь авсанаа хүргэе.

Тасума ХХК-ын менежер н.Амаржаргал:
-   Энэ жилийн үзэсгэлэнгийн талаар сэтгэгдлээ хуваалцана уу?
-   Энэ жил өмнөх жилүүдээс хүн их, зохион байгуулалт сайтай, олонд сурталчилгаа сайн хүргэсэн байна.

-   Ямар бүтээгдэхүүнээр оролцож байгаа вэ?
-   Манайх нам даралтын цахилгаан халаалтын зуух, шууд халаалтын халаагуур  болоод термоблокоороо оролцож байна. термоблок маань дулаан алдагдал бага, урсгал зардал хэмнэдэг гэдгээрээ давуу талтай.
-    Баярлалаа. Амжилт хүсье.

Лот конс ХХК-ын менежер н.Цэрэндулам:
-    Үзэсгэлэн яармаг ямар хэмжээнд зохион байгуулагдаж байна гэж бодож байна вэ?
-    Өмнө нь манай байгууллага танайхаас зохион байгуулдаг үзэсгэлэн яармагт оролцож байгаагүй. Энэ жил анх удаа оролцож байна. Өмнө нь нэг үзэсгэлэн болсон болохоор хүн бага байна байх гэж бодож байсан. Гэтэл санасанаас илүү хүн ихтэй, сурталчилгаа сайтай, зохион байгуулалт сайтай байна. Мэдээлэл  сурталчилгаагаа олонд хүргэж чадаж байна.

-    Танайх ямар үйлчилгээ үзүүлдэг вэ?
-    Манайх сантехникийн гадна шугамын материал нийлүүлдэг. Энэ бүтээгдэхүүнээ олондоо хүргээд сууж байна. Мөн европоос оруулж ирдэг гагнадаг хаалтаа түлхүү сурталчлах бодолтой байна.
-    Танд баярлалаа.

Нэмэх трейдХХК:
-    Үзэсгэлэнгийн талаар сэтгэгдлээ хуваалцахгүй юу?
-    Манайх танай байгууллагаас зохион байгуулдаг үзэсгэлэн яармагт жил бүр алгасахгүй оролцдог. Манайх өөрийн компанийн бүтээгдэхүүнээ  сайн сурталчилж чаддаг, тэр хэмжээгээрээ  харилцагч үйлчлүүлэгч ч ихтэй. Манай Декор үйлдвэрийн нэрийн бүтээгдэхүүнүүдийг хэрэглэгчид таньдаг болсон нь энэ үзэсгэлэнгийн давуу тал юм даа. 

-    Танай бүтээгдэхүүний ижил төрлийн бүтээгдэхүүнээс юугаараа давуу талтай вэ?
-     Манай тоосгонууд дулаан хадгалах чадвар сайн, гал чийг, хөгц, цууралтанд тэсвэртэй чанарын тэмдэгтэй бүтээгдэхүүн байгаа.
-    Танд баярлалаа.

Шинэ  ёндоо ХХК:
-    Үндэсний үйлдвэрлэгчийн бүтээгдэхүүнээ иргэдэд хир хүргэж байна. Үзэсгэлэнгийн ач холбогдлын талаар ямар санал сэтгэгдэлтэй байна вэ?
-    Манайх жил бүр энэ үзэсгэлэнд оролцдог. Тус үзэсгэлэн нь бараа бүтээгдэхүүн үйлдвэрлэгчид болоод импортлогчдын үйл ажиллагаанд нилээд дэм өгсөн арга хэмжээ болж байгаад баяртай байна.

-    Танайх энэ жил үйлдвэрийн бүтээгдэхүүнээ дэлгэн тавьсан байна. Эдгээрээ танилцуулбал?
-    Манайх бүх төрлийн полимерон хоолой, халуун хүйтэн усны өндөр даралтын хуванцар хоолойгоороо оролцож байна. Мөн цахилгаан утасны гадна хамгаалалтын уян хоолой зэргээ дэлгэн тавьж, хэрэглэгчиддээ сурталчилж байна. Эдгээр бүтээгдэхүүнүүдээ эх орондоо үйлдвэрлэж байна даа.

-    Бүтээгдэхүүний онцлог, ялгаа нь юундаа оршиж байна вэ?
-    Бид бүтээгдэхүүнээ нарийн технологи, зааврын дагуу хийдгээрээ бусдаас давуу.

Сан ХХК-ын борлуулалтын менежер Э.Тэнүүн:
-    Үзэсгэлэнгийн талаар сэтгэгдлээ хуваалцахгүй юу?
-    Энэ удаагийн үзэсгэлэн их өргөн цар хүрээг хамарсан, оролцож байгаа бүтээгдэхүүнүүд нь өндөр чанартай бүтээгдэхүүнүүд байна.

-    Танайх шинэ технологийн бүтээгдэхүүн энэ удаад сурталчилж байгаа юм байна. Онцлог давуу талыг нь дурдвал?
-    Корунд нэрийн нано технологиор бүтээгдсэн шингэн керамик дулаан тусгаарлагч гэдгээрээ маш онцлогтой. Будаг шиг түрхээд дулаан алдагдлыг бууруулж 100%  тусгаарладаг.

-    Хэзээнээс манай зах зээлд нэвтрүүлэхээр төлөвлөж байна вэ?
-    Ирэх сараас нийлүүлэгдэх гэж байгаа. Хүмүүс маш их сонирхож, зарим нь үл итгэсэн байдалтай дахин асууж лавлаж байна.

Эрэл групп-ын эдийн засагч Н.Мөнхбаяр:
-    Үзэсгэлэнгийн талаар сэтгэгдлээ хуваалцана уу?
-    Өмнө нь манайх Мишээл Экспотөвийн үзэсгэлэнд оролцож байсан. Энэ үзэсгэлэн зохион байгулалт болоод сурталчилгааг олон нийтэд хүргэх тал дээр илүү анхаарсан болох нь мэдрэгдэж байна. Барилгын салбар сэргэж, хөрөнгө оруулалт нэмэгдсэн учраас байгууллагуудын бараа бүтээгдэхүүн болоод үйл ажиллагаа өргөжин тэлсэн гээд олон давуу тал ажиглагдаж байна.

-    Танайх ямар бүтээгдэхүүнээ түлхүү сурталчилж байна вэ?
-    Хаалга, цонх, цемент тоосго гээд бүх салбар үйлдвэрүүдийн бүтээгдэхүүнээс гадна шинэ орон сууцаа түлхүү сурталчилж байна.

-    Танай шинэ орон сууц бусдаас ямар давуу талтай вэ?
-    Давуу тал нь гэвэл бүх материалаа өөрийн нэрийн бүтээгдэхүүнээр хийсэнд онцлог байгаа. Нэг үгээр хэлбэл 100% эх орны үйлдвэрийн бүтээгдэхүүнээ ашигласан гэсэн үг юм.

Хас банкны харилцагчийн мэргэжилтэн Б.Дөлгөөнтамир:
-    Үзэсгэлэнгийн талаар санал сэтгэгдлээ хуваалцахгүй юу?
-    Энэ жил нилээн өргөн цар хүрээтэй, маш өндөр зохион байгууллаттай болж байна.

-    Танай банкнаас ямар бүтээгдэхүүн үйлчилгээ санал болгож байгаа вэ?
-    Манайх “Актив зууч” үл хөдлөх хөрөнгө зуучлалын төвтэй хамтран орон сууцны моргейжийн зээлийн бүтээгдэхүүнүүдээ санал болгож байгаа. Энэ бол банк, орон сууц гэсэн нэг цэгийн үйлчилгээний давуу тал юм.

-    Танай банктай гэрээтэй ямар орон сууцнууд байгаа вэ?
-    БЗД, “Ургах наран” хороолол, Саруул тэнгэр хороолол, Орианттаос гэх мэт олон орон сууц байгаа. ы
- Танд баярлалаа.