Камин зуух
              Хүний амьдаралд эрч хүч нэмдэг, халуун дулаан уур амьсгалыг төрүүлдэг цорын ганц зүйл бол гал байдаг. Тэр ч утгаараа монголчууд бид галын дөл өөдөө гэж билэгшээдэг билээ. Нүүдэлчин маягаар амьдарч задгай тулганд галаа өрдөж өссөн ямар ч монгол хүн дүрэлзэн бадрах галын дөл, тачигнан асах чимээг санахгүй байна гэж үгүй. Харин цаг үе өөрчлөгдөхийн хирээр хүний амьдралын хэрэглээ улам боловсронгуй болж, хөдөлмөр хөнгөвчлөхөөс эхлээд маш энгийн болж байна. Нэгэнт л бид суурин соёл иргэншлээр амьдарч, түүндээ дасан зохицохын хажуугаар хүсэл сонирхолоо биелүүлж ил галын дэргэд суухыг хүсэхгүй байна гэж юу байхав. Тиймээс бид энэ удаагийнхаа дугаараар Камин зуухны түүх болон гэртээ хэрхэн хийх тухай танилцуулж байна.
                Анх хүн төрлөхтөн урц, сууцныхаа голд газар дээр ил гал түлдэг байсан. Энэ үед яндангүй байсан бөгөөд олон жилийн туршид улам боловсронгуй болсоор яндантай болсон юм. Гэвч энэ нь утааны асуудлыг хангалттай шийдэж чадаагүй юм.
Камин зуухыг анх Англид үүссэн гэж үздэг бөгөөд 1678 онд Charles-ийн зээ хүү ханхүү Rupert ил зуухны утаа гадагшлуулах системийг зохион бүтээснээр ил зуухны хөгжилд ихээхэн хувь нэмэр оруулжээ. Үүний дараа Benjamin Franklin ил зуухны хөгжилд хоёр дэвшлийг хийсэн юм. Энэ бол утааны хоолой болон мод түлдэг зуух байсан явдал юм. Дараа нь 1700 онд Count Rumford ил зуухны дизайныг өндөр нам загвараар хийж дулааны талхалтыг нэмэгдүүлэсэнээр халаалтанд нөлөөлдөгийг харуулсан юм. Түүний энэ санаа нь хожмын сонгодог загварын эхлэлийг тавьжээ.
                    Орчин цагт камен зуух нь хэрэглээ гэхээсээ илүүтэй дотор заслын шилдэг шийдлийн нэг болон хувирч байна. Ил зуух гэрт байх нь халуун дулаан энергийг агуулахын зэрэгцээ агаарын солилцоог бий болгож цэвэршүүлдэг ач холбогдолтой. Тиймээс та бүхэн гэртээ камен зуухтай болохыг хүсч байгаа бол дараах зөвлөгөөг хэрэгжүүлээд үзээрэй.
                   Юун түрүүнд та ямар төрлийн камин зуух хийхээ төлөвлөх хэрэгтэй. Хэрэв та уламжлалт ил зуух барихаар төлөвлөсөн бол барих материалаа сонгох хэрэгтэй юм. Барьж эхлэхээс өмнө байрлалаа зөв сонгоорой. Цонхны дор болон гадна хананд байх нь тохиромжгүй юм. Халаах талбайгаа бодож дотор ханандаа хийх нь хамгийн тохиромжтой байдаг.
                Уламжлалт загвар болон технологийн дэвшилийг ашигласан хийн болон цахилгаан зэргээс сонголт хийх юм. Ингэснээр та хийх зуухныхаа материал бусад зүйлсийг бэлтгэх ёстой. Тоосго, чулуу гээд сонголт хийж болно. Тоосгоор хийх тохиолдолд нүхгүйг, 500 маркаас доошгүй хэмжээтэй цемент сонгоорой. Мөн хэт их шатсан болон дутуу шатсан тоосго байж болохгүй.
                 Харин галлах хэсгийг галд хамгийн их тэсвэртэй тоосгоор хийх ёстой. Цагаан тоосго нь ил зуух хийхэд тохиромжгүй байдаг. Зуухны ил байх хэсэг нь 1х0,5м гэсэн хэмжээтэй байх нь хамгийн тохиромжтой хэмжээ бөгөөд хэт том бол салхи үлээх, дулаан алдахад хүргэдэг.
                  Ил зуухаа шулуун өндөр яндантай хийх нь зохимжтой. Ердийн ханан пийшингийн адил яндангаа өрнө. Харин хийж буй зуухны хэмжээнээс хамаарч яндангийн хэмжээ өөр өөр байна. Хэт нарийн бол таталтгүй болно. Хэт том бол дулаан алдалт үүсгэдэг. Учир нь салхи ихээр давтаж үлээхээс гадна гэрийн дотор дулааныг татдаг байна. 
                Камен зуухны суурийн гүн нь давхар сууцанд 0,7-1метр байхад болно. Хэрвээ та зуухаа тоосгон дээр хийх бол  шалны түвшин хүртэл явуулаад ус тусгаарлагч дэвсээрэй.  Ус тусгаарлагч нь чийгийг пийшингийн эх биед тараахгүй, түүнийг гэмтхээс сэргийлж өгөх юм. Мөн ил зуух хийхэд хэрэглэгдэх зуурмаг нь нарийн ширхэгтэй уян байхаас гадна шар шавар байж болдог.
                Уламжалт зййхны хувьдихэвчлэн үнсийг нь хутгаж авдаг, торгүй хийдэг байсан аж. Та бариж буй зуухандаа үнсний сав гаргаж төмөр тортойгоор хийж болно. Ингэх нь илүү боловсронгуй болохын дээр цэвэрхэн болох юм.
               Та ил зуухаа хийснийхээ дараа аюулгүй байдал болон өнгө үзэмжийг нь нэмж төмөр тор хийж өгөөрөй. Энэ нь оч үсрэх болон гал алдахаас сэргийлнэ. Түлшний хувьд мод, нүүрс гээд байж болох боловч хамгийн тохиромжтой нь хус, улиас байдаг аж. Харин ил хийгдэх гоёлын хувьд таны сонголт чөлөөтэй байх болно. Ямар загварын гоёлыг ямар материалаар хийх, хэрхэн дотор тохижилтын нэгэн гол элемент болгох нь зөвхөн таны сонголт юм. Уламжлалт хэв маягийг хадгалсан хээ бүхий хүрээ, модерн загвартай, энгийн гээд ямар ч байж болно.  Мөн чамин хийцтэй галын шилээвэр, хайч зэрэг нь танай зуухны өнгийг сэргээгээд өгнө.
               Мөн та заавал тоосгоор барихгүйгээр төмөрөөр зуухаа хийгээл түүнийгээ ханандаа байрлуулж гадна өнгөлгөөг хийж болох юм. Ийм загварын камин зуухыг “Сөрт Идэр” ХХК хийдэг аж.
               Ийм зуухны давуу тал нь яг л энгийн зуух галлахтай адил бөгөөд хоол цайгаа хийж ч болдог байна. Үнсний сав, түүлээний хайрцаг гээд хэрэгтэй бүхнийг нь нэг дор багтаагаад хийчихдэг онцлогтой аж.
             Уламжлалт ил зуухны хувьд аюулгүй ажиллагааны гол анхаарах зүйлс нь оч үсрэх, гал алдахаас сэргийлээрэй. Мөн яндангаа зөв хийгээгүйгээс болж угаартахаас магадлал байдгийг анхаарах хэрэгтэй юм.
            Харин хийн болон цахилгаан зуух хийхээр төлөвлөж байгаа бол хүссэн газраа байрлуулж болохын дээр илүү ажиллагаа багатай байдаг. Харин илч дулаан болоод бодит сэтгэгдэл төрүүлэх чадвар муутай байдаг.
             Та аль ч хэлбэрийн ил зуух хийсэн хуурайшилт үүсэх магадлал их байдаг тул үүнийг шийдэх аргыг мөн давхар бодох хэрэгтэй юм.
            Ингээд та бүхэндээ ил зуухыг хийхэд юуг анхаарах болон ямар түүхтэй болохыг нь хүргэлээ. Дараа дараагийн “Handmade” булангаараа сонирхолтой заавар зөвөлгөөгөөр дахин уулзацгаая.
                                     

                                               Байрлалаа өөрчилдөг ил зуух
              Орчин үеийн ил зуухны нэгэн сонгодог загварыг та бүхэндээ танилцуулж байна. Энэ бол “Conmoto”-ийн бүтээл байрлалаа өөрчилдөг дугуй хэлбэртэй ил зуух юм. Дугуй хэлбэртэй камин нь өөрийн хүссэн газраа халаах боломжийг олгодгоороо онцлогтой. Уг зуух нь хийгээр ажилладаг бөгөөд голдоо галаа түлдэг төвтэй, дугуй хэлбэрийн загвартай аж. Байрлалаа өөрчилдөг ил зуух нь таны хүссэн газрыг халааж яг л хүр хорхойн үүр мэт тав тухыг мэдрүүлэх болно. Бусдын харааг булаасан уг зуух нь хар өнгийн никель металаар хийгдсэн өөр хоорондоо 22 см хэмжээтэй шилэн хаалтуудтай аж.