Катарчууд “World Cup 2022” тэмцээний зохион байгуулагчдад нарны эрчим хүч ашигладаг шилэн хөл бөмбөгийн цэнгэлдэх барих тухай саналаа ирүүлжээ. Lusail Iconic цэнгэлдэхийг Лондонд болох хөлбөмбөгийн лидерүүдийн  зөвлөгөөн дээр танилцуулах аж.

Катарын нийслэл Доха хотноо сүндэрлэх уг цэнгэлдэх нь 86 мянган хүний суудалтай бөгөөд нарны эрчим хүчийг ашигласан хөргөлтийн системтэйгээрээ  давуу талтай юм.

Катарчуудын “World Cup 2022”-д зориулж барих энэхүү цэнгэлдэх нь тэдний түүхэнд агуу нэрийг авчрах юм. Тэд одоогоор Австрали, Өмнөд Солонгос, АНУ, Англи, Орос, Испани, Португал, Бельги болон Нидерланд гэсэн найман оронтой “World Cup 2022” тэмцээнийг зохион байгуулах эрхийн төлөө өрсөлдөж байгаа юм.

“Дэмжигч + оролцогч” нэртэй цэнгэлдэх нь Катарын нийслэлд баригдаж тэмцээний нээлт, хаалтын арга хэмжээ болон финалын тоглолтууд зохион байгуулагдахаар төлөвлөгдөх аж.

Хөвж буй хөлөг онгоц бүхий хэлбэртэй бөгөөд бүх хүнд таатай орчин нөхцөлийг бүрдүүлэхийн тулд хөргөлтийн системээ байгаль орчинд ээлтэй технологийг ашиглан хийх аж. Нарны эрчим хүчний эх үүсвэр нь цэнгэлдэхийн лавринд нь байрлаж цэнгэлдэхийг бүхэлд нь эрчим хүчээр хангах юм.