Засгийн газраас 100 мянган айлын орон сууц хөтөлбөрийг зургаан жилийн хугацаанд хэрэгжүүлж, дуусгахаар төлөвлөөд байна. Өөрөөр хэлбэл зургаан жилийн дотор монгол улсад 100 мянган айлын иж бүрэн цогцолбор орон сууц сүндэрлэх юм.  Үүний 75000 мянган орон сууц нь Улаанбаатар хотод харин үлдсэн 25000 мянган нь хөдөө орон нутагт баригдах юм. Уг ажлын эхлэл болох долдугаар хорооллын ажил Улаанбаатар хотод эхлээд байгаа билээ. Эхний ээлжид Улаанбаатарт 7-р хороололд 134 га газарт, Баянголын аманд 252 га газарт, Буянт-Ухаад 110га газарт, МҮОНРТ-н хавьд 35 га газарт,14-р хороололд 126 га газарт, Шинэ яармагт 101 га газарт барилга барихаар төлөвлөсөн. Дэлгэрэнгүй үзэх

Энэ нь жилдээ 16-17 мянган орон сууц барина гэсэн үг. 2007 оноос эхлэн хэрэгжиж буй 40 мянган айлын орон сууц хөтөлбөр нь дөрвөн жилийн хугацаанд л хэрэгжчихсэн тул 100 мянган айлын орон сууцыг зургаан жилийн хугацаанд барих бүрэн боломжтой хэмээн хөтөлбөрийг хэрэгжүүлэгчид хэлж байна. Орон сууцнуудыг ихэвчлэн 60 м.кв талбай бүхий хоёр өрөө байхаар төлөвлөгдөөд байгаа юм байна. Энэ нь бага, дунд орлоготой иргэдийг орон сууцжуулах гэсэн зорилттой уялдаж байгаа аж. Хөтөлбөрт хамрагдсан иргэд 20-25 жилийн дотор зургаан хувийн хүүтэйгээр төлбөрөө төлж дуусгах ёстой. Гэхдээ зээлд хамрагдахын тулд урьдчилгаа 30 хувийг заавал төлөх хэрэгтэй хэмээн зааж байгаа гэсэн. Орон сууцны нэг м.кв-ын үнийг 900 орчим ам доллар байхаар тооцож байгаа учир тухайн өрх сард 440-470 мянган төгрөг төлнө. Ингэхийн тулд зээлд хамрагдсан иргэний өрхийн орлого сард 900 мянга орчим байх шаардлагатай бөгөөд өнөөгийн бага, дунд орлоготой иргэдийн хувьд 900 мянган төгрөгийн орлого олох боломжгүй. Тиймээс иргэдийг ажлын байраар хангах, зах зээлд нийцсэн мэргэжилтэй болгоход анхаарах зорилгоор давхар давхар төсөл хөтөлбөр хэрэгжүүлэхээр УИХ, Засгийн газраас төлөвлөөд байгаа. Түүнчлэн 100 мянган айлын орон сууц барихад барилгын материалын үнэ нөлөөлөх тул Монголдоо хийж болохуйц материал, техникийг үйлдвэрлэх чиглэлээр ч зарим ажлууд хийгдэнэ.

100 айлын хөтөлбөрийг дэлгэрэнгүй үзэх ЭНД дарна уу.