Нийслэлийн зам засварын ажлыг эхлүүлэхийн тулд өнгөрөгч сарын 30-наас эхлэн тодорхой хугацаагаар зарим замуудыг хааж эхэлсэн. Эхний ээлжинд Залуучуудын өргөн чөлөөний МУИС-ийн баруун уулзварыг хаасан бөгөөд энэ замыг тавдугаар сарын 20-ны өдөр нээхээр замын ажил хийгдэж байгаа. Энэ жил нийслэлийн хэмжээнд нийт 73 км авто зам шинээр барих болон засвар шинэчлэл хийхээр төлөвлөсөн байна. Одоогоор зам засвар, шинэчлэлийн 10 ажил эхэлсэн байгаа, цаашид шат дараатайгаар бусад замын ажлыг эхлүүлэх юм байна. Зам засвар, шинэчлэлийн ажлыг ирэх долдугаар сард дуусгахаар ажиллаж байгаа  бөгөөд энэ зорилгоор тавдугаар сард таван газарт замыг хаах юм байна.

1.Залуучуудын өргөн чөлөө буюу МУИС-ийн уулзвар

МУИС-ын баруун уулзвараас ШУТИС-ын хойд замын уулзвар хооронд  автозамын  хөдөлгөөнийг хааж, өргөтгөл шинэчлэлтийн ажил хийж байна. 2011 оны дөрөвдүгээр сарын 30-аас тавдугаар сарын 06 хүртэл.
 
2. Бага тойруугийн зам буюу зоос гоёлын уулзвар

Зоос гоёлын уулзвараас Соёл урлагийн их сургуулийн зүүн уулзвар хүртлэх замын өргөтгөл шинэчлэл хийнэ. 2011 оны төвдугаар сарын 06-аас тавдугаарс сарын 20-ны хооронд.

3.Залуучуудын өргөн чөлөө буюу ШУТИС-ийн уулзвар

ШУТИС-ийн уулзвараас Байгалийн түүхийн музейн уулзвар хүртлэх замын өргөтгөлд, шинэчлэл хийнэ. 2011 оны тавдугаар сарын 6-наас тавдугаар сарын 9-ний хооронд.

4. Шар хадны зам

Шархадны эцсийн буудлаас Эрдэнэтолгойн автобусны буудал хүртлэх замын шинэчлэл хийнэ. 2011 оны тавдугаар сарын 6-наас тавдугаар сарын 21-ний хооронд.

5.  Шар хад

Эрдэнэтолгойн автобусны буудлаас “Цайз” зах хүртлэх замын шинэчлэл. 2011 оны тавдугаар сарын 21-нээс зургаадугаар сарын 6-ны хооронд.