Энэ сарын- 20 нд зохион байгууллагдах барилгын салбарын удирдах ажилтаны зөвлөгөөний өмнө ЗТБХБЯ-ны сайд Х. Баттулга нийслэлд хийгдэж байгаа бүтээн байгуулалтын ажлуудтай танилцлаа. Сайдын хамгийн эхэнд очсон газар нь “Өнөр горхи” ус дулаан дамжуулах газар байлаа. Энэ төв нь нийслэлд ганцхан байдаг усаа цэвэршүүлэн нийтэд хүргэдэг төхөөрөмжтэй байгууллага бөгөөд Сонгино хайрхан дүүргийн 12,13,14 хорооны айл өрхүүдэд ус, дулаан түгээдэг юм. Энэ төхөөрөмжийг 2 жил тутамд шинэчлэдэг бөгөөд 2009 онд Солонгосын буцалтгүй тусламжаар орчин үеийн усан хангамжийн тоног төхөөрөмжийг суурилуулсан юм байна. Харин дараагийн очсон газар нь “Барилгын материалын сорилт шинжилгээний лаборатори”- ийн шинээр баригдаж буй барилгын ажлын явцтай танилцлаа. Уг лаборатори нь бүх төрлийн барилгын материал бүтээгдэхүүнд сорилт шинжилгээ хийхээс гадна монголд анх удаа барилгыг газар хөдлөлтөнд тэсвэртэй эсэхийг тогтоодог болох юм.

 

       Үүний дараа сайд Энгельсийн гүүрний ажилтай танилцсан бөгөөд гүүрийг барих ажил ерөнхийдөө төлөвлөгөөний дагуу явж байгаа бөгөөд Японоос материал, тоног төхөөрөмжийг нь бүрэн татан оруулж ирсэн, одоо гүрний дам нурууг угсрах ажил хийгдэж байна. Гүүрний ажилд саад болж байгаа нэг зүйл нь ойр орчимд нь байгаа иргэд газраа чөлөөлөхгүй байгаагаас удаашралтай байгааг төслийн удирдагчид сайдад хэлж байлаа.