Mongolian Properties үл хөдлөх хөрөнгө зуучлалын компанийн Борлуулалт хариуцсан дэд захирал Н. Лхагвасүрэн

Mongolian Properties үл хөдлөх хөрөнгө зуучлалын компани нь 2002 онд Монголын анхны үл хөдлөх хөрөнгийн чиглэлээр үйл ажиллагаа явуулахаар байгуулагдсан бөгөөд өнөөг хүртэл үл хөдлөх хөрөнгө (орон сууц, үйлдвэр үйлчилгээний талбай, оффисийн талбай г.м)- ийг борлуулах болон түрээслүүлэх тал дээр амжилттай ажиллаж байна.

Энэ салбарын үйл ажиллагаа 2007 оны сүүл 2008 оноос эхлэн маш эрчимтэйгээр хөгжиж эхэлсэн. Одоогийн байдлаар олон шинэ компаниуд гарч ирж байгаа нь зах зээл дээр өрсөлдөөнийг бий, болгож сайн шинэ соргог үйлчилгээг ард иргэдэд хүргэхэд тус дөхөм болж байна. Манайд энэ салбар хөгжих боломж маш их байгаа. Сүүлийн үед олон барилга байгууламжууд баригдаж, иргэд харьцангуй үл хөдлөх хөрөнгөтэй холбоотой асуудлаа өөрсдөө хөөцөлдөх биш зуучлалын байгууллагуудад хандах нь ихсэж байгаа нь ажиглагдаж байна. Энэ нь үл хөдлөх хөрөнгийн салбар манайд хөгжих гарц нь нээлттэй гэсэн үг.

Боловсон хүчний хувьд манайх тун сайн багийг бүрдүүлж чадсан гэж боддог. Манай мэргэжилтнүүд 2-3 хэлээр үйлчлүүлэгч нартайгаа чөлөөтэй харьцаж чаддагаас гадна гадаад болон дотооддоо өндөр боловсрол эзэмшсэн боловсон хүчин байдаг. Энэ нь харилцагч нартайгаа харьцахад илүү амар байдаг. Мөн олон жилийн туршлагатай ажилчид маань шинээр орж байгаа мэргэжилтнүүддээ үргэлж зааж сургаж өгч байгаа нь чадварлаг мэргэшсэн боловсон хүчин бэлтгэхэд том түлхэц болж байна.Шинээр энэ салбарт орох сонирхолтой улсуудыг бид нар хүнтэй харьцах чадвар мөн хамгийн гол нь хэлний мэдлэгийг нь харгалзан үздэг.

Хүмүүс үл хөдлөх хөрөнгө зуучлалын байгууллага гэдэг чинь цагийг маш хэмнэдэг юм гэдгийг мэдэрч эхэлж байгаад баяртай байдаг. Өөрсдөө телевизээр зар өгч, хүн ярих болгонд нь очиж үзүүлнэ, гэрээ хэлцэл зэргийг өөрсдөө хийнэ гээд цаг завны асуудал ч гарч ирдэг. Ингэхлээр мэргэжлийн байгууллагад хандсан нь илүүтэйг мэдрээд эхэлж.

Бидний давуу тал гэвэл бидний чадварлаг боловсон хүчин болоод бидний менежмент гэж хэлж болно. Олон жил энэ салбартаа ажилласан хүмүүс маань ямар аргаар аливаа гарсан асуудлыг шийдвэрлэх зөв замыг мэдэж байдаг нь бидний давуу талуудын нэг. Мөн Монгол улсад ажиллаж буй олон улсын байгууллагууд болон уул уурхайн компаниудтай нягт хамтран ажилладаг нь бидний давуу тал юм.