Номин зууч үл хөдлөх хөрөнгө зуучлалын захирал Б. Хүрэлхүү:

Манай компани үл хөдлөх хөрөнгө зуучлалын зах зээлд тэргүүлэх үндсэн зорилготой ажиллаж байна. Энэ салбар хөгжлийнхөө эхэн үеэс дунд шат руу шилжих шатанд явж байгаа гэж ойлгож байгаа. Бусад улс оронд нэгэнт тогтсон, ашиглаж байгаа шинэлэг, дэвшилтэт арга технологиудыг нэвтрүүлж, гадны туршлагаас илүүтэй суралцах шаардлага байгаа, энэ жишгийг дотоодын компаниуд сайн ойлгож мэдэж, суралцаж байгаа гэж бодож байна.

Харьцангуй зах зээл багатай ч зайлшгүй хөгжих ёстой салбарын нэг. Цаашид хөгжих боломжтой, зах зээл нь нээлттэй байгаа салбар. Мэдээж аль ч салбарт хүний нөөцийн асуудал гол тулгамдсан асуудал байдгийн адилаар энэ салбарт ч мөн адил мэргэшсэн мэргэжилтнүүдийг бий болгох, тэднийг сургаж бэлтгэх нөхцөл бололцоог сайжруулах шаардлага байгаа.Үндсэн гол шаардлага нь юу байдаг вэ? Бидний хувьд тухайн хувь хүний ерөнхий мэдлэг, боловсролын түвшин, хүнтэй харьцах чадвар, илтгэх чадвар болон дээр нь багаар ажиллах чадварыг голчлон анхаардаг.

Манай компанийн хувьд өөрсдөө бүтээн байгуулалт хийж байгаа учраас хэрэгжүүлж буй төслүүдийнхөө маркетинг, борлуулалтыг хариуцан ажиллаж байгаа. Өнгөрсөн хугацаанд бид үл хөдлөх хөрөнгийн зах зээлд шинэлэг гэж хэлж болохоор зүйлүүдийг, тэр дундаа хэрэглэгчдэд хандсан олон төрлийн хөнгөлөлт, урамшуулал, бэлгийг санаачилж хүргэж ирсэн.

Бид хэрэглэгчдэдээ зөвхөн орон сууц худалдах бус тэдэнд зориулж, материалын өргөн сонголт хийх боломжоор хангах, төлбөрөө гэрээнд заасан хугацаандаа төлбөл хөнгөлөлт авах, урьдчилж төлбөрөө төлбөл илүү хямдрал олгох зэргээр тухайн хэрэглэгчид тааламжтай сонголтуудыг бий болгож, орон сууцандаа орсоноос хойш жилийн хугацаанд даатгалд үнэгүй хамрагдах, мөн азаа үзэж электрон бараа, иж бүрэн тавилга, автомашин хожих ийм боломжуудыг олгосноороо онцлогтой байгаа.