Жил бvрийн өвөл АНУ-ын Нью-Йорк мужийн Buffalo хотод Buffalo Powder Keg Festival нэртэй фестивалийг зохион байгуулдаг байна. Энэхvv фестиваль Умард Америкийн таван том нуурын дотроос томоороо дөрөвт, дэлхийн том нууруудын хувьд 13-т тооцогддог Erie нуурын эрэг дээр болдог бөгөөд нуурын мөсөн дээр болдог бvх насныханд зориулсан янз бvрийн vйл ажиллагааг зохион байгуулдаг Labatt Pond Hokey Tournament тэмцээнтэй давхцаж болдгоороо онцлог юм. 2010 оны 2-р сарын 27-ноос 28-ны өдрvvдэд болж өнгөрсөн энэ жилийн фестивалийн vеэр дэлхийн хамгийн том мөсөн төөрдөг байшинг босгосон байна. Тус бvр нь 136 кг жинтэй 2100 ширхэг дөрвөлжин мөсөөр баригдсан энэ асар том мөсөн төөрдөг байшин дэлхийн хамгийн том мөсөн төөрдөг байшин гэсэн шинэ дээд амжилтыг тогтоогоод байгаа юм. Төв хэсэгтээ одос vхрийг дvрсэлж, хөх улаан өнгийн гэрлээр чимэглэсэн энэ төөрдөг байшин 2516 метр хавтгай дөрвөлжин талбайг эзлэн оршиж байсан ба одоо хайлж эхлээд байгаа ч хотын удирдлагууд мөс хайлснаас болж гарах усыг шахах нилээд тооны шахуурга бэлтгэсэн байсан аж. Энэ мөсөн төөрдөг байшинг барихад хотын бизнесийн байгууллагууд, янз бvрийн сангууд мөнгөн тусламж дэмжлэг vзvvлснээс гадна сайн дурынхан олноор оролцсон байна