Эрхэм уншигч та бүхэндээ энэ удаагд Хонконгийн шилдэг архитекторч Гари Чангийн өвөрмөц байшинг танилцуулж байна. Тэрээр өөрийн 32м² талбай бүхий нэг өрөө байрыг гүйдэг хана, эвхмэл тавилга бүхий 2 өрөөтөй болгон тохижуулжээ. Одоо тэрээр байрандаа долуул амьдардаг хэдий ч тэдэнд хангалттай хүрэлцдэг гэнэ. Чанг байраа Щвейцарийн армийн хутга загварын байр шиг маш гайхалтай гал тогоо, гэрийн театртай болгон өөрчилж чаджээ. Тэнд хос шилэн шүршүүр, 190 см урт модон ванн бүхий угаалгын өрөө ч байгаа. “Гэрийн хувьсал” хэмээн нэрлэсэн уг байрандаа Чанг 14 настайгаасаа өдгөөг хүртэл амьдарч байна. Тэрээр байраа таазанд бэхэлсэн төмөр замын тусламжтайгаар маш олон жижиг хэсэгт хувааснаас гадна тэдгээр ханандаа хувцасны нууц шургуулгууд хийжээ. Түүгээр ч үл барам CD, DVD болон ариун цэврийн хэрэгсэл байрлуулах тавиуруудыг мартаагүй гэдгээ Чан гайхуулан ярих дуртай нэгэн.

Гарт ойрхоноор байрлуулсан зурагт бүхий ханыг гүйлгэж хамгийн шилдэг шийдэл бүхий мини клуб болгон ажлын алжаалаа тайлах боломжтой. Заримдаа  энэ байр нэгэн том студи, бүр ор, сандал гээд бүгдийг нь эвхчихвэл үзэсгэлэнгээ ч гаргачихмаар том болно гээч.

Удирдлагаа гартаа аваад бүтэн хананы хэмжээтэй кино дэлгэцээ өөрийн хүссэн хэмжээндээ хүртэл өөрчлөх боломж бий. Эсвэл энэ дэлгэцээ хурааж яг л шинэхэн нарны туяа тусах мэт сэтгэгдэл төрүүлэхүйц шар өнгийн өвөрмөц цонхоор орчноо тольдож болно.  

Алдарт архитекторч Гари Чанг дөрөв дэх удаагийн их өөрчлөлтөөрөө 45,000 ам. долларыг зарцуулж 1,3 сая ам. долларын үнэ бүхий тансаг зэрэглэлийн сууцтай болж чаджээ. Архитекторч маань хязгаарлагдмал орон зайг зөв зохистой ашигласан шинэ санаагаа “Миний 32м² байр- 30 жилийн өөрчлөлт” нэртэйгээр ном болгон хэвлэхээр болсон байна. Тэрээр энэ номоо орчин үеийн барилгын салбарт шинэ санаа, шинэ чиг хандлагыг бий болгож чадна хэмээн найдаж байгаа гэнэ.

Та түүний энэхүү гайхамшигт бүтээлийн видео бичлэгийг доорхи линкээр орж үзээрэй.