Эрхэм уншигч тантай энэ удаагийн Handmade  булангаараа дахин уулзаж байгаадаа баяртай байна. Та бүхэндээ гарын доорх материал ашиглан хэрхэн гэрээ чимэглэж болох тухай зөвлөхөөр зэхлээ

Бяцхан үрсийн өрөөнд

Алдрай бяцхан үрсийн өрөө нь тэдний тухай бүхнийг өгүүлдэг. Иймд та энхрий үрсийнхээ хүүхэд насны дурсамжийг хадгалсан ханын зургийг өрөөнд нь өлгөж өгөөрэй.

Энэ их хялбар. Та нэг өнгийн бэх сонгож түүгээрээ хүүхдийнхээ гар болон хөлийг будна. Дараа нь будагтай гараар нь цэвэр цаасан дээрээ даруулна. Хөлийг мөн ижил гишгүүлэхэд ханын зургийн эх хувь гараад ирнэ.

Харин тэр зурагныхаа дээр нь эсвэл доор нь хүүхдийнхээ нэрийг бичээд л болоо. Ингээд та тэр зургаа тохирсон жаазанд хийж хүүхдийнхээ өрөөний хананд өлгөж болох юм. Мөн зочны өрөөгөө ч чимж болно. Олон хүүхэдтэй бол насаар нь эрэмбэлэн өрвөл бүр ч сонин харагдах юм.

Энэ бол маш энгийн хэрнээ хаана ч байхгүй түүх өгүүлсэн цорын ганц бүтээл байх болно шүү. Та туршаад үзээрэй.

Дулаан ороолт

Бидний өмсдөггүй ноосон цамц болон бусад ноосон эдлэлүүд гэрт хаа сайгүй л байдаг. Түүнийгээ ашиглан өвлийн улиралд ороох дулаан ороолт нэхэж зүүгээрэй.

Маш энгийн,  хүссэн загвар хэмжээгээрээ хийж болох энэ санааг та хэрэгжүүлээд үзээрэй.

Цэцэг шиг, жимс шиг гээд хүссэн бүхнээ гараар урлахад тань эдгээр зураг санаа өгөх биз. Та зөвхөн хоёр болон нэг зүү ашиглан эдгээрийг нэхэж болно.

Маргаашнаас  та даарахгүй боллоо.

Гацуурхан

Шинэ он, шинэ жил гэдэг хүүхэд бүхний хүсэн хүлээдэг онцгой баярын нэг байдаг. Тэд гацуураа чимж, гоёлоо өмсөөд өвлийн өвгөнөөс бэлгээ авна гэж догдлон хүлээдэг.

Харин эцэг, эхчүүд та бүхэн хараахан гацуур модыг нь авч өгч амжаагүй бол дараах зүйлд анхаарлаа хандуулна уу.

Гарын доорх материалыг ашиглаад өөр хэнд ч байхгүй гацуур модыг хүүхдүүддээ хийж өгөөрэй.

Дараах зургуудаас санаа аван төрөл бүрийн гацуур мод хийж өгөх боломжтой юм.

Энэ жилийн сүлд модны наадмаар танай бяцхан гүнж, ханхүү нар бусдад байхгүй шинэхэн гацуураараа гэрээ чимэглэх л үлдлээ. Танд амжилт хүсье.

Гоёл

            Эрхэм та дараах зургийн дагуу энгийн хэрнээ хаа ч байхгүй гоёмсог гоёлтой болоорой. Хүссэн өнгө, загварын даавуугаа сонгон авч, ижил хэмжээтэй шүр бэлтгэнэ.

Ингээд шүрээ уг сонгосон даавуугаараа бүрж оёод, хооронд нь хэлхэн таны цор ганц гар урлалын бүтээл бий болох юм.

Мөн та гоё зурагтай цаасан картон болон хуванцар сонгон авч түүнийгээ хүссэн хэмжээгээр ижил хэмжээнд зүсч бэлтгэнэ.  

Түүнийгээ утсаараа хэлхэн, хүзүүний шинэхэн гоёлтой болох боломж бүрднэ.