Эрхэм уншигч та бүхэндээ энэ удаад “High Technology”-ийн  хонины ноосон тусгаарлагчийг танилцуулж байна.

Хэдийгээр “Хонины ноосон тусгаарлагч” нь манай зах зээлд нэвтрээгүй ч үйлдвэрлэх өргөн боломжтой. Уг бүтээгдэхүүний гол түүхий эд бол хонины ноос юм. Хонины ноосны хувьд  манай оронд олдоц ихтэйн дээр үнийн хувьд хямд байдаг. Энэ нь тус технологийг өөрийн оронд нэвтрүүлэх өргөн боломжийг олгохын сацуу хэрэглэж заншсанаар эдийн засгийн хувьд ихээхэн хэмнэлт гаргах юм.

Бидний танилцуулж буй хонины ноосон тусгаарлагчийг анх Ирландын “Sheep wool insulation” компани эрүүл мэндэд сөрөг нөлөөгүй, байгаль орчинд ээлтэй хамгийн дээд зэргийн чанартай бүтээгдэхүүн болгон зах зээлд нэвтрүүлжээ.

Цэвэр байгалийн гаралтай хонины ноосоор хийсэн тусгаарлагч нь дуу чимээ болон дулаан тусгаарлагч гэсэн хоёр сонголттой юм. Уг бүтээгдэхүүнийг барилгын чиглэлээр үйл ажиллагаа явуулдаг хувь хүн, албан байгууллагууд, мэргэжилийнхэн болон тусгай бүтээгдэхүүн үйлдвэрлэгчид ашиглах боломжтой.

Одоогоор уг бүтээгдэхүүнийг Европын орнуудад амины орон сууц, орон сууцны цогцолбор, зочид буудал, сүм, орд харш, дэлгүүр, эмнэлэг, онгоцны буудал гээд янз бүрийн зориулалттай барилгад ашиглаж байна.

Хонины ноосны онцлог

Хэдэн мянган жилийн турш хонины ноос эзнээ халуун, хүйтэн, хуурай, чийглэг гээд аль ч улиралд хамгаалхын зэрэгцээ байгаль орчинд сөрөг нөлөө үзүүлэхгүй оршин тогносоор ирсэн. Орчин цагт хонины ноосны олон давуу талуудыг ашиглан барилгын материал хийжээ. Учир нь хонины ноос төрөлхийн буржгар, хэд хэдээрээ багц байдаг нь халуунд агаарыг чөлөөтэй нэвтрүүлэх, хүйтний улиралд дулаанаа хадгалах өндөр чадвартай байдаг.

Ноосны ширхэг бүр нь чийгийг шингээх явцдаа багахан хэмжээний дулааныг ялгаруулдаг. Энэ чадвар нь орчны чийг, усны ууршилтыг багасгах хонины арьсны төрөлхийн онцгой шинж чанар юм. Үүнийг дулааны тохиргоонд ашиглавал хамгийн шилдэг шийдэл болно.

Мөн түүнчлэн ноос нь чийгийг өөртөө шингээсэнээр галд шатдаггүйн дээр өөрөө унтраах чадвартай болдог. Галд тэсвэртэй чанар нь шилэн хөвөн болоод хуванцар, силиконон материалаас хамаагүй өндөр.

Ноосон тусгаарлагчийг нисэх онгоц болон барилгад ашиглах нь шилэн хөвөн тусгаарлагчаас даруй 15 хувь илүү дулааныг хадгалдаг чадвартай. Түүнчлэн орчны агаарын бохирдол болоод химийн хорт утаа, азотын хий, нүүрсхүчлийн хийг шингээдэг байна. Уг тусгаарлагчийг хэрэглэсэн тохиолдолд таны амьсгалын эрхтнүүдийг хамгаалаад зогсохгүй эрүүл мэндэд ямар ч сөрөг нөлөө үзүүлэхгүй.  

Хонины ноосон тусгаарлагчийн давуу талууд

1.     Гол түүхий эд болох хонины ноос нь манай орны хувьд түгээмэл олдоцтой.

2.     Угсарч суурилуулахад хялбар учир хөдөлмөр хамгаалалтын аюулгүй ажиллагааны тусгай хувцас хэрэглэл шаардахгүй.  

3.     Нүд, уушиг, арьс гээд таны эрүүл мэндэд сөрөг нөлөөгүй.

4.     Шилэн хөвөнг бодход чийгийг шингээж агаарыг чөлөөтэй нэвтрүүлнэ.

5.     Галд шатдаггүй, харин ч унтраах чадвартай. Ноосон дахь азотын эзлэх хувь нь 16 байдаг учраас 560⁰ С-д шатдаг онцлогтой.

6.     Маш уян хатан шинж чанартай учраас угсарч тохируулахад маш хялбар, цаг хэмнэх боломжтой.

7.     Ноос нь төрөлхийн дулаан ялгаруулж, хадгалах чадвартай учир бусад бүтээгдэхүүнтэй харьцуулашгүй.

8.     Мөнгөнд хэмнэлттэй. 1м³ талбайг 15 кв дулаанаар хангах боломжтой.

 Та энэхүү хонины ноосон тусгаарлагчийн талаарх дэлгэрэнгүй мэдээллийг доорхи сайтнаас үзээрэй.