Барилгын салбарын төв хэвлэл болох Барилга МН сэтгүүлийн №146 хэвлэгдэн гарлаа. Энэ сарын дугаарын нүүр хуудсанд “Дельта Элеватор” ХХК хамтран ажилласан бөгөөд ЕВРОП стандартын Дэлхийд хүлээн зөвшөөрөгдсөн 36 жилийн түүхтэй KLEEMANN группийн цахилгаан шат, урсдаг шат болон бусад бүтээгдэхүүнийг Грек, Хятад улс дахь үндсэн үйлдвэрүүдээс бүтээгдэхүүнийг шууд нийлүүлэлт хийж, угсралт, засвар үйлчилгээ, сэлбэг хэрэгслийг ханган нийлүүлж ажилладаг.

Энэ дугаарт гарсан онцлох булангуудаас танилцуулбал…

VIP ярилцлага: Хот байгуулалт хөгжлийн газрын дарга Ц.Тулгыг энэ удаагийн VIP зочноор урилаа. Тэрээр гадны өндөр хөгжилтэй улс оронд олон жил суралцсан мэдлэг, чадвараа улс эх орондоо хэрэгжүүлж, бага залуугаасаа өнөөг хүртэл төрийн албанд зүтгэн, мэргэжилтнээс газрын дарга болтлоо дэвшин ажилласан эгэл жирийн энгийн даруухан нэгэн билээ. Багахан хугацаанд түүнтэй ярилцсан ч зөөлөн сэтгэлтэй, ухаалаг, тууштай, зорьсон зүйлийнхээ ард гарахын тулд зогсохгүйгээр хичээж, зүтгэж яваа хүний үлгэр жишээг мэдрүүлсэн юм. 

Барилгын маркетинг: Бүтээн байгуулагчдаа үргэлж дэмжин ажилладаг “Барилга МН” нь 15 жилийн ойн хүрээндээ барилгын салбарын удирдлагууд, маркетингийн менежерүүдийг чадавхжуулж, дэмжих зорилгоор “CONSTRUCTION MARKETING 2022” арга хэмжээг 06 дугаар сарын 15 - ны өдөр “Corporate & Convention center”-д зохион байгуулсан бөгөөд салбарын шилдэг мэргэжилтнүүд маркетингийн талаар илтгэл тавьсаннаас онцлон хүргэж байна.  

Судалгаа: Барилга угсралт, их засварын ажил 2022 оны эхний улирлын урьдчилсан гүйцэтгэлээр 564.9 тэрбум төгрөг болж, 560.9 (99.3%) тэрбум төгрөгийн ажлыг дотоодын барилгын байгууллага, 4.0 (0.7%) тэрбум төгрөгийн ажлыг гадаадын барилгын байгууллага гүйцэтгэсэн байна.

Дуулгах сонин: Хятад улсын Бээжин хотын хамгийн их хүлээлт үүсгэж байсан  тэнгэр баганадсан барилгуудын нэг болох Заха Хадид архитекторын бүтээсэн Leeza SOHO барилга юм. 

Барилгын ажлыг 2015 онд эхлүүлж, 2017 оны 9 дүгээр сард шав тавих ёслолыг хийн барилга нь 2019 оны 11 дүгээр сард нээгдсэн бөгөөд АНУ-ын Ногоон Барилгын Зөвлөлөөс (USGBC) Эрчим хүч, байгаль орчны дизайны манлайлал (LEED)  гэрчилгээг авсан байна.

Энэхүү барилга нь төв хэсэгтээ 194 метр (636 фут) өндөр мушгирсан асар том эргүүлэг бүхий голын хэсэг нь дэлхийн хамгийн өндөр нь болж байгаа ба Дубай дахь Burj Al Arab зочид буудлын эзэмшиж байсан цол юм. 

Хөндөх сэдэв: Дорноговь аймгийн 640 хүүхдийн сургуулийн барилгын бүтээцийн зурагт магадлал хийхэд төлөвлөлт нь БНбД 22.01.01*/2006- ын зүйл 1.2, 3.6, 3.14.3- д бүтээцийн хөшүүншил, масс аль болох жигд хуваарлагдсан, тэгш хэмтэй байх, барилгын хучилтын хэвтээ хавтгайд бат бэх цулжигдсан диск үүсгэсэн байх зэрэг заалтын шаардлагыг зөрчсөн оновчгүй бүтээцийн шийдэлтэй, тооцооны зарчмын алдаатай зэрэг олон ноцтой алдаа зөрчил  илэрсэн юм. Газар хөдлөлтөд тэсвэртэй барилгын судалгааны салбарт ийм төрлийн барилгуудыг “дүрмийн бус” /неправильные здания/ гэж нэрлэдэг ба эрдэмтэд тэдгээрийг нормд заагдаагүй тусгай нэмэлт заавар, судалгааны үндсэн дээр төлөвлөх шаардлагатай болохыг хүчтэй газар хөдлөлүүдийн дараа эвдрэлд орсон барилгуудад явуулсан инженерийн шинжилгээ-судалгааны ажлын үндсэн дээр нэгэнт тогтоосон байдаг. 

Иймд миний хувьд норм дүрмийн дагуу төлөвлөх боломж байсаар атал “дүрмийн бус” байдлаар төлөвлөж болохгүй, БНбД -ээ баримтлах  хэрэгтэй, БНбД – ийн шаардлага биелээгүй нөхцөлд “Лира” программаар тооцсон тооцоонд шууд үндэслэж болохгүй гэсэн  байр суурьтай байдаг.

Хууль, Эрхзүй: 

Энэ сарын дугаарт гарсан зөвхөн онцолсон булангуудыг танилцуулсан бөгөөд эдгээрээс гадна шинэ материал, мэргэжлийн зөвлөгөө, шинэ орон сууц, материалын үнэ ханш болон бусад нийтлэлүүдийг та сэтгүүлээсээ дэлгэрэнгүй уншиж танилцаарай.

Бид дараагийн дугаартаа илүү олон сонирхолтой,  хэрэгтэй мэдээллийг хүргэх тул та доорх холбоосоор дамжуулан сэтгүүлээ захиалан үнэгүй хүргүүлэн аваарай.

СЭТГҮҮЛ ЗАХИАЛАХ

Онлайн унших НОМЫН САН 

Утас: 9100-0233, 7711-3333-2