Бүтээн байгуулагчдаа үргэлж дэмжин ажилладаг “Барилга МН” нь 15 жилийн ойн хүрээндээ барилгын салбарын удирдлагууд, маркетингийн менежерүүдийг чадавхжуулж, дэмжих зорилгоор “CONSTRUCTION MARKETING 2022” арга хэмжээг 06 дугаар сарын 15 - ны өдөр “Corporate & Convention center”-д зохион байгууллаа.

Арга хэмжээг нээж "Барилга МН"-ийн Гүйцэтгэх захирал Д.Цолмонгэрэл, БХТ-ийн Захирал Ц.Амарсанаа, БХБЯ-ны Барилгын материалын үйлдвэрлэлийн хэлтсийн дарга Д.Батзориг, МБҮА-ийн Ерөнхийлөгч Н.Баярсайхан үг хэллээ. 

Арга хэмжээнд салбарын шилдэг мэргэжилтнүүд маркетингийн талаар илтгэл тавьсан бөгөөд дараах сэдвийн хүрээнд илтгэлүүд явагдлаа. 

• “Барилгын салбарт баримталж буй бодлого, судалгаанд суурилсан маркетингийг хөгжүүлэх нь” сэдвээр БХБЯ-ны Барилгын материалын үйлдвэрлэлийн хэлтсийн дарга Д.Батзориг

• “Барилгын зах ба маркетинг” сэдвээр "Барилга МН"-ийн үүсгэн байгуулагч Г.Батсүх

• “Барилгын материалын маркетингийг амжилттай хийх аргууд” сэдвээр "Контент Маркетинг" ХХК - ийн үүсгэн байгуулагч Д.Гэрэлт-Од

• “Баруун бүсийн барилгын материалын хэрэгцээ” сэдвээр "Барилгачин худалдааны төв" Төслийн захирал Д.Цолмонтуяа

• “Барилгын хийн халаалтын шийдэл” сэдвээр "Дашваанжил" ХХК-ийн Ерөнхий инженер О.Баатархүү

• “Цахим шилжилт” сэдвээр "Барилга МН"-ийн Мэдээлэл технологийн албаны дарга Д.Алтан-Очир

• “Брэндийн ялгарлыг бий болгох нь” сэдвээр "Түмэн ресурс технологи" ХХК гүйцэтгэх захирал О.Лхагвасүрэн нар илтгэл тавилаа. 

Арга хэмжээний төгсгөлд “САЛБАРЫН ХӨГЖИЛД МАРКЕТИНГИЙН НӨЛӨӨЛӨЛ…” сэдвийн хүрээнд ХЭЛЭЛЦҮҮЛГИЙГ Барилга МН-ийн үүсгэн байгуулагч Г.Батсүх, БХБЯ-ны Барилгын материалын үйлдвэрлэлийн хэлтсийн дарга Д.Батзориг, Монголын Барилгын Инженерүүдийн холбооны ерөнхийлөгч А.Ариунболд, Монголын Маркетингийн Холбооны ерөнхийлөгч Ш.Алтанбагана, "Клаймакс интернэшнл" ХХК Борлуулалтын албаны дарга О.Нарангэрэл, МОДЕРАТОР "Контент Маркетинг" ХХК - ийн үүсгэн байгуулагч Д.Гэрэлт-Од нар маркетингийн талаар ярилцаж оролцогчдийн асуултад хариулт өглөө.

Маркетингдаа анхааран хөгжүүлэлт хийх хүсэл, сонирхолтой 120 орчим ААНБайгууллагуудын удирдах албан тушаалтнууд хүрэлцэн ирж барилгын салбарын маркетингийн онцлог, түүнийг хэрхэн хөгжүүлэх, үр дүнгийн талаарх мэдээллийг авсан үр дүнтэй арга хэмжээ болж өндөрлөлөө. 

Зохион байгуулагч: Барилга МН

Дэмжигч байгууллага: БХБЯ, БХТ, МБҮА, МБИХолбоо, ММХолбоо,

Ерөнхий ивээн тэтгэгч: "Дашваанжил" ХХК, "Барилгачин худалдааны төв"