Барилгачин групп 

Инженер О.Хишигмөнх

Ном бол ертөнцийг харах цонх. Тийм ч учраас номын амтанд шимтсэн хэн бүрд номын тавиур гэрийн хаа нэг хэсэгт заавал хэрэг болдог тул танд, гэртээ өөрөө хийх боломжтой авсаархан, загварлаг номын тавиур хийх зааврыг хүргэж байна. 

МАТЕРИАЛ СОНГОХ

Тавиур хийхдээ ямар ч  материалыг ашиглаж болох бөгөөд үүнд,

Мод

Мод бол олон зуун жилийн турш тавилга үйлдвэрлэхэд ашиглагдаж ирсэн чухал материал юм. Ажиллахад тохиромжтой тул гэрийн нөхцөлд ийм тавиурыг хялбархан хийж болно. Завсар зай гардаггүй, хэмжээ зүсэхэд хялбар, ихэнх интерьерүүдэд тохиромжтой ба ялангуяа сонгодог интерьерт сайн тохирдог.

Шил

Шилэн тавиур нь загварлаг, хэрэглэхэд хялбар. Гэхдээ шил нь дангаараа ашиглахад тохиромжгүй бөгөөд номын тавиурын хувьд шилэн хаалт болгон ашиглахад илүү тохиромжтой.

Металл

Энэ нь бат бөх жинтэй номын цуглуулгыг тэсвэрлэх чадвартай боловч тавиур хийх явцад материалыг ашиглахад хүндрэлтэй бөгөөд үүнээс гадна тусгай тоног төхөөрөмж (гагнуурын машин) шаардлагатай болно.

Хуванцар (хоолойн зүслэг гэх мэт)

Хуванцрын давуу тал нь тодорхой юм. Боломжийн үнэ, энгийн суулгах, ер бусын хэлбэр, загварчлал гаргахад хялбар. Гэхдээ гар хийцийн тавиур хийхэд тохиромжгүй.

Ихэнхдээ хананд суурилуулсан номын тавиурууд нь шил, металл, мод гэх мэт хэд хэдэн материалыг хослуулан хийдэг. Илүү стандарт бус шийдлүүдийн дунд даавуу, олс, бүс , хуучин зурагт, шат, хоолой гэх мэтийг ашигласан байдаг.

ЭДГЭЭРЭЭС МОДОН МАТЕРИАЛЫГ СОНГОЖ НОМЫН ТАВИУР ХИЙХ ЗӨВЛӨГӨӨГ ХҮРГЭЖ БАЙНА. 

Ханан дээрх энгийн модон тавиура нь нэг хэв маягийн загвартай болсон тул та сүүлийн үеийн загвар дизайныг сонгон хийх боломжтой. Сүүлийн үеийн хэв маягийг дагах нь номонд дурлагч таны ая тухыг илүү их бий болгоно. 

ЗАГВАР 1.

Тавиур хийх зураглалыг гараараа зурж хэмжээ тус бүрийг тодорхой гаргана. 

Жишээ нь:

Шаардлагатай материал:

• Мод
• Өрөм
• Тогтоогч
• Модны лак
• Холбогч 
• Төмөр хөрөө
• Тэгш ус
• Харандаа 
• 16 мм өргөн самбар
• Боолт, хаалт, эрэг

ЗАГВАР 2.

Шаардлагатай материал:

• 2 см-ийн зузаантай хавтан
• Харандаа
• Өрөм
• Олс
• Ган ханын тогтоогч
• 2 булан
• Шүрф

Материалууддаа бэлтгэсний дараа гар зургийг гаргаж, хэмжээгээрээ хавтангуудаа бэлтгэж тавина. Үүний дараа хавтандаа өрмөөр нүх гаргаж 2 талд цоолно. Олсоо цоолсон нүхэндээ хийн хавтангуудыг хооронд холбож өгнө. Хамгийн сүүлд буландаа хавтангуудаа бэхэлж өгснөөр тавиур бэлэн болно.

БЯЦХАН УНШИГЧ ХҮҮХДИЙН ТАНЬ ҮЛГЭРИЙН НОМУУДЫГ ДАРААХ ТАВИУР ДЭЭР ТАВЬЖ БОЛОХГҮЙ ГЭЖ ҮҮ.  

Хэрхэн хийх заавартай танилцана уу. 

ЗАГВАР 3.

Шаардлагатай материал:

• Хаалт  худалдан авахдаа тэдгээрийн жинг зааж өгөхөө мартуузай
• 15 мм зузаантай фанер
• Өрөм
• Боолттой эрэг
• Хавчаар
• Тэгш ус
• Сойз
• Харандаа

Интерьерийн чиг хандлагаа дагаад номын тавиур ч мөн хувьсан өөрчлөгдөж байна. Номыг зөвхөн номын тавиур дээр тавьж, ширээний декор болгохоос гадна эртний номуудаар ширээ, тавиур тэр ч байтугай шат хийх тренд интерьер сонирхогчдын дунд дэлгэрчээ. Энэ чиг хандлагыг хэрэгжүүлэхэд заавал номонд дурлагч байх албагүй бөгөөд энэ нь хүний мэдрэмжийг илтгэдэг төгс хэрэгсэл гэх талаас нь бодохыг мэргэжилтнүүд зөвлөсөн байна. Харин 2022 онд тав тухтай хэв маяг зонхилох аж. 

Энэ хэсэгт давамгайлж буй номын тавиурын интерьерийн танилцуулж байна.