Барилгын салбарын төв хэвлэл болох Барилга МН сэтгүүлийн №145 хэвлэгдэн гарч  шинэ дугаарын нүүр хуудсанд “Евро Пласт” ХХК хамтран ажилласан бөгөөд тус компани нь вакуум цонхыг Герман стандарт, Европ технологиор үйлдвэрлэл хийх зарчмыг баримтлан ажилладаг хамт олон юм. 

Энэ дугаарт гарсан онцлох булангуудаас танилцуулбал…

VIP ярилцлага: 

Энэ удаагийн VIP зочноороо Барилгын салбарынхны дунд “Цаст”-ын гэдгээрээ овоглогдсон Нямрагчаагийн Баярсайханыг танилцуулах гэж байна. Тэрээр Политехникийн дээд сургууль, ОХУ-ын Москва хотын Залуучуудын дээд сургууль, ШУТИС (Хүндэт магистр), Их Британи, Умард Ирландын Нэгдсэн Вант Улсын Манчестерийн Их Сургууль (Global MBA Programme)-ийг тус тус дүүргэжээ. 

Монголын Үйлдвэрчний эвлэлийн төв зөвлөлийн Хяналтын инженерээр ажил мэргэжлийн гараагаа эхлүүлсэн тэрээр 1998 онд “Цаст импекс” ХХК-ийг үүсгэн байгуулж, 2010 оноос өнөөдрийг хүртэл тус компанийн ТУЗ-ийн Даргаар ажиллаж байгаа төдийгүй 2022 оны 5-р сараас МБҮА (Монголын барилгын үндэсний ассоциаци) ТББ-ын Ерөнхийлөгчөөр сонгогдон, ажлаа хүлээн аваад байна.

Дуулгах сонин: 

Миссури мужийн Сент-Луис хотод бүтээн байгуулагдсан гайхалтай энэхүү барилгыг Studio Gang Architects буюу Архитектор Жанне Гангийн үүсгэн байгуулж, удирдсан уг студи нь материаллаг судалгаа, туршилт, олон төрлийн салбар дахь хамтын ажиллагаа, тогтвортой байдалд анхаарлаа хандуулдгаараа алдартай хамт олон зохион бүтээсэн. 

2016 оноос энэхүү төслийн ажил эхэлж 2020 оны хавар барилгын ажил дууссан. Энэхүү бүтээл нь ойг тэр чигтээ багтаасан мэт мэдрэмжийг хүмүүст өгөх болно. 

Залуу инженер: 

Барилгын салбарт ур ухаан, мэдлэг чадвараа зориулан ажиллаж буй инженерүүдийг “Залуу инженер” ярилцлагын буландаа урьдаг билээ. Энэ удаагийн 2021 оны “Шилдэг залуу инженер”, “Гурван тамир” ХХК-ийн Ерөнхий инженер Н.Гантулгатай ярилцсанаа хүргэж байна. 

Мэргэжилтний үг: 

Манай улсад өндөр барилгын бүтээцийн зураг төсөл боловсруулахад "Газар хөдлөлтийн бүс нутагт барилга төлөвлөх барилгын норм ба дүрэм" (нэмэлт өөрчлөлт) БНбД 22.01.01* /2006/2013- ыг [ 4 ] хэрэглэсэн ба 2021 оны 12-р сарын 1- нээс БНбД 22.01.21-ийг шинээр хэрэглэж байна. БНбД 22.01.01* /2006/2013 нормыг боловсруулахдаа газар хөдлөлттэй бүсэд ердийн барилга төлөвлөх норм БНбД 22.01.01* /2006- ын барилгын даацын бүтээцийн шийдлээс хамаарч урт, өндрийн дээд хэмжээнд хязгаарлалт тавьсан. /Цуврал 2/ 

Амины орон сууц: 

Өмнөх дугааруудад эрчим хүчний хэмнэлтийг үр ашиг өндөртэй байлгая гэвэл дараах бүрэлдэхүүн хэсгүүдийг судалж мэдсэн, хэрэгжүүлсэн мөн дадалтай болсон байх ёстой гэж үзэцгээсэн ба дарааллын дагуу чанартай гүйцэтгэлийг хэрхэн хийхэд туслах чанарын мэдээлэл өгсөн билээ. Өнөөдөр бид эрчим хүчний хэмнэлттэй дадал ба автоматжуулалт хийх талаар ойлголт авцгаая. /Цуврал 6/

Өмнөх цувралуудыг ЭНД ДАРЖ уншина уу. 

Амины орон сууц: 

Айл өрх өөрсдийн шаардлагатай орон зайг оновчтой тодорхойлж зөв байршуулах аргаар маш сайн төлөвлөж чадвал анх төсөөлж байсан өртгөөсөө 42 сая төгрөг хэмнэж болдог гэдгийг баталж чадсан хувийн амины сууцны төлөвлөлтийн арга дээр тулгуурлан энгийн байдлаар ойлгуулахыг хичээх болно. /Цуврал 2/

Цуврал 1-ийг ЭНД ДАРЖ уншина уу. 

Энэ сарын дугаарт гарсан зөвхөн онцолсон булангуудыг танилцуулсан бөгөөд эдгээрээс гадна шинэ материал, мэргэжлийн зөвлөгөө, шинэ орон сууц,  материалын үнэ ханш болон бусад нийтлэлүүдийг та сэтгүүлээсээ дэлгэрэнгүй уншиж танилцаарай.

Бид дараагийн дугаартаа илүү олон сонирхолтой,  хэрэгтэй мэдээллийг хүргэх тул та доорх холбоосоор дамжуулан сэтгүүлээ захиалан үнэгүй хүргүүлэн аваарай.

СЭТГҮҮЛ ЗАХИАЛАХ

Онлайн унших НОМЫН САН 

Утас: 9100-0233, 7711-3333-2