Үржих үр ХХК захирал Б. БАТБИЛЭГ

Хүн өөрийн болон үр хүүхдүүдийн сайн сайхны төлөө амьдрах чухал зорилготой байдаг. Иймдээ ч эхлээд амьдрах орчин, тав тухтай байдлыг нэн түрүүнд сайжруулж, засаж байдаг билээ. 

Технологийн эрин зуунд бүгд хөгжин шинэчлэгдэж байхад, хүмүүн төрөлхтөн буцаад байгальдаа ойр амьдрах хүсэл тэмүүлэл улам ихсэж түүнийгээ даган өөрийн эзэмшил газартаа гадна тохижилт, ногоон байгууламж бий болгох шаардлага гарч ирж байдаг. Агаарын бохирдол, тоосжилтын хэмжээ өндөр манай хотод ногоон байгууламжийг нэмэгдүүлэхэд хүн бүрийн оролцоо хэрэгтэй шүү. Гадна тохижилт /Ландшафт/ гэдэг нь газрын гадарга дээрх бүхий л төлөвлөлтийг хийнэ гэсэн үг. 

Юун түрүүнд та өөрийн орчинд ороод юунд ч санаа зовохгүй байх орчинг бүрдүүлэх хэрэгтэй. Хүүхэд минь унахвий, мөргөхвий, хальтрахвий, мод бусад зүйлд хатгуулахвий гэх мэт наад захын санаа зовох зүйлгүйгээр зохион байгуулах хэрэгтэй.

Гадна тохижилтыг ерөнхийд нь Хатуу тохижилт, Зөөлөн тохижилт  гэж хуваан ангилна. 

Хатуу тохижилт 

• Явган зам

• Байгалийн чулуун зам талбай

• Асфальт бетон хучилт

• Цемент бетон хучилт

• Тоглоомын талбай

• Хашаа 

• Саравч сүүдрэвч, сандал

• Байгалийн чулуун зохиомж зэрэг зэрэг орно

Зөөлөн тохижилт     

• Зүлэг 

• Мод

• Модны төгөл /зохиомж/ 

• Усалгааны систем зэрэг орно. 

• Гадна тохижилтоо зөв гаргахын тулд эхлээд зураг төлөвлөлт гаргах

• Хүүхдийн орон зай /тоглоомын талбай, сагсны талбай/

• Гэр бүлийн орон зай /саравч, ил галын хэсэг, хүлэмж/

• Гэрийн тэжээвэр амьтны орон зай

• Зам талбайн зөв шийдлийг олох 

• Тохирох ургамал мод, бут 

• Хүлэмж 

Эдгээр зүйлсийг сайтар судалж зохион байгуулалтаа гаргаснаар өртөг, төсөв хүртэл гараад ирнэ. Ингэхдээ гэрэлтүүлэг, салхины чиг, модны байрлал зэргийг тооцохыг орхигдуулж хэрхэвч болохгүй. 

• Хөрс бэлтгэл 

Төлөвлөлтөө гаргасан бол нэн түрүүнд хатуу болон зөөлөн тохижилт хийгдэх хэсгүүдээр хуваан хөрс бэлтгэлийг хийх нь зохистой. 

Хатуу тохижилт хийх талбайд хөрсний үеийг хуулж дайрган чулуугаар дүүргэж нягтаршуулсан байх ёстой. Ингэснээр таны тохижуулсан талбай чанартай, урт настай болох болно. Хуулж авсан хөрсний үеийг зүлэгжүүлэхдээ, мод тарихдаа дахин ашиглаж болдог.  

Зөөлөн тохижилт хийгдэх талбайд хөрсний бүтцээс хамааран үндсээр нь цэвэрлэгээ хийх, хөрсийг солих, бордож сайжруулах ажилбар хийгдэнэ. 

• Одоо хөрс суларсан байгаа учир шугам сүлжээний ажлыг хийх. ( Цахилгааны утас,  усалгааны хоолойгоо газар доогуур явуулах)

• Модны нүхээ ухаж бэлтгэх 

  • Мод хоорондын зай стандартын дагуу 5м байдаг боловч хотын нөхцөлд 3м зайтай байхад хангалттай байдаг.

  • Гэрийн цонх, хүүхдийн тоглоомын талбайтай ойрхон жимсний мод бутыг тариалахаас зайлсхийгээрэй. Жимсний мод бут нь анхилам үнэртэй учир зөгий шумуул зэрэг шавьжийг цуглуулдаг. 

  • Томорч ургадаг модыг салхи хааж тарьж болдог

  • Хөрсний бүтцийг анхааран мэргэжлийн хүнээс зөвлөгөө аваарай

• Хатуу тохижилт 

Цэцэрлэгээ сайхнаар нь хамгаалж үлдмээр байвал нэн түрүүнд зөв зохистой зохион байгуулалттай явган зам хамгийн чухал. Энэ нь цэцэрлэгийн хөрсийг талхалж, элэгдүүлэхээс хамгаална. 

• Явган хүний зам нь ямар ч хэв маягт автагдахгүй, ямар ч материалаар шийдэж болдог ба гарденгийн нэрийн хуудас нь байдаг. Явган замыг дараах материалаар хийж болно. 

  • Байгалийн чулуун зам 

  • Модон зам 

  • Шахмал чулуун зам

  • Бетон зам

  • Резин зам

  • Хайргаар, үртсээр зам хийх

  • Тоосгоор

  • Мозайк гэх мэтчилэн олон аргаар явган замаа шийдэж болно. 

Сайхан малгайг хэн ч өмссөн зохидог шиг сайхан саравчны шийдэл гарденг чимж тав тухыг хамгийн их мэдрүүлдэг нь байдаг. Борооноос хоргодох, нарнаас нуугдах, гэр бүлээрээ хооллох, хөгжөөнт тоглоом тоглох зэргийг саравчин доор л хийвэл хамгийн амттай мартагдашгүй дурсамж үлдээдэг. 

Саравч нь:

• Террас

• Салхи хааж буланд хийх

• Байшингаасаа шийдэх

• Бие даасан 

• Задгай дээвэртэй Патио

• Шилэн дээвэртэй

• Хоол хийх камин зуух, BBQ булантай саравч гээд олон сонголтууд бий. 

Гэр бүлийн онцлогоосоо шалтгаалан төмрөөр, модоор, наамал дүнзээр хийж болно. Сүүлийн үед илүү эко байх талаас нь саравчийг сайн хатаасан модоор хийхийг илүүд үздэг болсон. Дээр нь цөөрөм, гэрэлтүүлэг, хашаа зэргийг гоёмсгоор шийдэж өгвөл таны гэр бүлийн цэцэрлэгийн орон зай юугаар ч үнэлшгүй эрхэм газар байх болно.

• Зөөлөн тохижилт

Модны нүхээ ухаж бэлтгэсэн бол Хавар, Намрын улирал хамгийн тохиромжтой. Зүлгийг дулаан орсон цагт хамгийн хүйтэн үедээ цельсийн 5 градусаас дулаан байх үед тариалбал хамгийн зохимжтой. 

• Арчилгаа: Хамгийн сүүлд өөрийн бий болгосон бүтээн байгуулалтаа байнга арчилж, тордож байх нь хийхээсээ илүү чухал юм. Манай нөхцөлийн цаг агаарын эрс тэс байдал нь элэгдлийг ихэсгэж байдаг сул талтай байдаг. Зүлэг арчилгааг

Цэцэрлэгийн тохижуулалтад маш олон санаа байдгаас дурдвал 

Ази хэв маягийн 

Европ хэв маяг 

Найз нөхдөдөө зориулан бяцхан үдэшлэг хийх 

Цэцгийн мандлаар таатай орчин бүрдүүлэх

Далан, уулархаг, налуу ихтэй гадаргуу тохижуулах

Хүлэмж, жимст модоор чимэглэх

Цэцэрлэгтээ бяцхан гал тогооны хоол хийх хэсэг төлөвлөх

Байгалийн чулуун тохижилт хийх

Хүүхдэд ээлтэй байдлаар 

Хашаагаа элдвээр чимэглэх