Сүүлийн үед ханын доторлогоог рейкээр хийх нь эрүүл, эко бөгөөд өнгө үзэмжтэй гэж үздэг болжээ. Халтартсан, будаг нь халцарсан, обой нь хууларсан хананд эсвэл гэртээ өөр өнгө үзэмж нэмэх гэж буй иргэд ханаа рейкээр гоёдог байна. Хэрвээ та үүнийг хийхээр сонирхож байсан бол танд өөрийн гараар ханандаа хэрхэн рэйк суулгах, бэлтгэх, үйл явцыг танилцуулж байна.

Рейкийг

●    Хуш 

●    Гацуур 

●    Царс 

●    Үнс 

●    Алдер 

●    Линден 

●    Нарс гэх зэрэг моднуудаар үйлдвэрлэгддэг.

Нарс модоор рейкилж ханын доторлогоо хийх нь хамгийн хямд байдаг бол хуш, царс мод нь хамгийн үнэтэй модон материалд багтдаг. Харин рейкийг дотор нь дөрвөн соортоор ангилна. 

1.    Lining Premium эсвэл Extra, цууралтгүй дээд зэргийн чанартай материал юм.

2.    А соорт 1500 мм-ийн хавтан тэгш гадаргуутай, гөлгөр байна.

3.    В соорт нь бага зэргийн гадаргуудаа хагарал болон модны яртай байна.

4.    С соорт нь гадаргуу дээр ан цав болон бусад хэмжээ алдагдалтай байна.

Ингээд ханын доторлогоог хэрхэн хийх аргачлалын зөвлөмжрүүгээ орцгооё. Хамгийн түрүүнд хананы хэмжээг авч, хэмжээнд тохирох шаардлагатай материалыг худалдан авах, хананы гадаргууг бэлтгэх хэрэгтэй.

Ингэхдээ ханын хэмжээсүүд болох урт, өргөн, өндрийн хэмжээг авна. 

Жишээлбэл: 

●    Өндөр–2.4м 

●    Урт–4м 

S=2.4*4=9.6м2 

Ингээд рейклэх талбайн хэмжээ гарлаа.

Хэрэглэгдэх багаж хэрэгсэл

●    Рейк мод

●    Праймер

●    Модны хамгаалалтын түрхлэг

●    Эрэг ба бэхэлгээний хадаас

●    Модон хөрөө

●    Эвлүүлэг

●    Цахилгаан өрөм

●    Алх

●    Харандаа

●    Метр

Хана бэлтгэхдээ дараах байдлаар хийнэ.

1.    Эхлээд ажилд саад болохгүйн тулд ойр хэсгийг чөлөөлж хана, таазыг цэвэрлэнэ

2.    Гадаргуу дээр хуучирч хууларсан хэсгүүдийг хусаж авч сайтар цэвэрлэнэ

3.    Хана, таазанд хөгц, мөөгөнцөр үүсэхгүйн тулд гадаргууд праймерыг түрхэж өгнө. 

Шингэнийг будгийн сойз эсвэл өнхрүүшээр нимгэн 2 давхарлаж түрхэнэ. Ингээд бэлтгэл ажил дуусна.

Хана рейклэхийн өмнө хананы рейк модыг байршуулах шаардлагатай.  

Хананд рейкийг хэрхэн байрлуулахаа шийдэх бөгөөд хэвтээгээр байрлуулж болох хэдий ч өргөний хэмжээ урт бол босоо чиглэлтэй байрлуулбал тохиромжтой. Рейкийг дээд, доод талд байршуулна. Түүнийг бэхлэхийн тулд боолт эсвэл хадаас хадаж тогтооно.

Уур, ус тусгаарлагч хийх

Уур, ус тусгаарлагчийг рейкны хоёр талын үзүүрт байршуулна. Ингэснээр рейкийг чийгтүүлэхээс хамгаалж өгдөг. Мөн модон рамыг ялзрахаас хамгаалж модны түрхлэг түрхэнэ.

Рейк суурилуулахдаа рейкээ сонгоод хийхэд бэлтгэж эхэлнэ. Хана бүрэхдээ энгийн боолт эсвэл тусгай бэхэлгээ - kleimers-г ашиглах нь  хийхэд илүү хялбар болно.

Бэхэлгээ - kleimers ашиглахдаа дараах дарааллаар хийнэ. 

1.    Эхлээд рейкүүдээ ханандаа тохируулан бэлдэнэ. 

2.    Хэмжиж, самбарт тэмдэглэгээ хийж хөрөөдөж янзална. 

3.    Цахилгаан хэрэгсэл залгах бол тухайн байршлыг тэмдэглэж, шаардлагатай диаметртэй нүхийг цахилгаан зүсэгч ашиглах гаргах бөгөөд жижиг диаметртэй нүх өрөмдсөн байх хэрэгтэй.

4.    Нэг булангаас рейкээ суулгаж эхлэх бөгөөд доторлогоог тэгшхэн байрлалд барихын тулд хамтдаа хийхийг зөвлөж байна. 

5.    Эрэг дээр шураг шургуулж, самбарыг хүрээг бэхэлнэ. Ханаа хагалахгүйн тулд эрэг шургийг шургахаас өмнө тэдгээрт тохирох диаметртэй нүхийг өрөмдөнө.

Үүний дараа kleimers-г ховилын доод тавиур дээр байрлуулж тэдгээрийг бүхэлд нь чиглүүлж, хүрээний төмөр дээр эрэг эсвэл хадаасаар бэхлэх хэрэгтэй. Төгсгөлд нь түвшинг тавьж, самбар нь босоо байрлалтай эсэхийг шалгаарай. Энэ зарчмын дагуу хананы гадаргууг бүхэлд нь бүрсэн байна. Ингээд хана рейклэх ажил дууслаа.

https://barilgachin.barilga.mn/ 

Инженер О.Хишигмөнх