Энэ сарын дугаарын нүүр хуудсанд Сайхан төмөрт ХХК хамтран ажилласан бөгөөд  тус компани нь 2007 онд байгуулагдаж гадаад худалдаа, төмрийн худалдаа, төмөр хийц, ган бүтээцийн үйлдвэр, хөөсөнцөр хавтан үйлдвэрлэл, сэндвич хавтангийн үйлдвэр, барилга угсралт, ажлын хувцасны оёдлын үйлдвэр зэрэг чиглэлээр үйл ажиллагаагаа явуулж байна. 

Энэ дугаарт гарсан онцлох булангуудаас танилцуулбал…

VIP ярилцлага: Барилгын салбарт хийсэн, бүтээснээрээ тодорч буй эрхмүүдийг энэхүү ярилцлагын буландаа урьж, тэдний амжилтын түүх болоод салбарын хөгжил дэвшил, асуудал шийдлийг ярилцдаг билээ. Харин энэ удаад “Н Эй Би Групп”-ийн захирал Б.Амарсанааг урин ярилцсан бөгөөд тэрээр Монголдоо анхны гэх тодотголтой олон олон бүтээн байгуулалтад оролцож явсан эрхэм юм. 

Шинэ материал: Орчин үеийн барилгын салбарт тогтвортой хөгжил буюу экоматериалыг ашиглан байгаль орчинд ээлтэй барилга байгууламжийг барихыг зорьж ажиллаж байна. Хүрээлэн буй орчинд ээлтэй гэдэг нь барилгын материалыг үйлдвэрлэх үеэс эхлэн барилга баригдаж дуусах, барилгыг ашиглах үеийн эрчим хүчний хэрэглээг дээд зэргээр бууруулсан, түүхий эд материалыг хол тээвэрлэхгүйгээр орон нутгийн түүхий эд материалыг ашиглах, хүний эрүүл мэнд болон байгаль орчинд хортой бодис ялгаруулахгүй байх, ашиглалтын хугацаа урттай байх зэрэг орох төдийгүй тухайн барилгыг буулгасны дараа дахин боловсруулан буцаан ашиглах боломжтой материалаар баригдсан байх шаардлага тавигдана гэсэн үг юм. 

Дуулгах сонин: Алдарт Архитектор, сурган хүмүүжүүлэгч, нийгмийн зүтгэлтэн Дибедо Фрэнсис Кере олон улсын хэмжээнд архитектурын хамгийн дээд шагнал болох Притцкерийн архитектурын шагналын 2022 оны ялагчаар сонгогдсон бөгөөд уг шагналыг ивээн тэтгэдэг The Hyatt сангийн тэргүүн Том Прицкер зарлан гардууллаа. Диэбедо Фрэнсис Кере нь 1965 онд Баруун Африкийн далайд гарцгүй улс болох Буркина Фасо улсын Гандо хот буюу дэлхийн боловсролоос хол, архитектур битгий хэл ундны ус хомс, цахилгаан эрчим хүч, дэд бүтэцгүй ядуу буурай улсад төржээ. 

Амины орон сууц: Айл өрх өөрсдийн шаардлагатай орон зайг оновчтой тодорхойлж зөв байршуулах аргаар маш сайн төлөвлөж чадвал анх төсөөлж байсан өртгөөсөө 42 сая төгрөг хэмнэж болдог гэдгийг баталж чадсан хувийн амины сууцны төлөвлөлтийн арга дээр тулгуурлан энгийн байдлаар ойлгуулахыг хичээх болно. 

Төсөл хөтөлбөр: Барилга угсралтын аливаа ажлыг амжилттай дуусгах нь төслийн үр дүнтэй менежментээр хэрэгждэг. Чанартай төслийг төсөвтөө багтаан, үйлчлүүлэгчдээ цаг тухайд нь хүлээлгэн өгөх нь мэдээж тийм ч амар ажил биш. Энэ нь алсыг харсан нарийн төлөвлөлт, алхам алхмаар ахиц дэвшил гаргаж, бүх гол оролцогч тал болон багийн гишүүдийн хоорондын харилцаа холбоо, нягт хамтын ажиллагааг шаарддаг. Тэгвэл барилгын төслийг үр дүнтэй явуулахад шаардагддаг үндсэн дөрвөн хүчин зүйлийг дараах байдлаар тодорхойлох нь тус салбар дахь нийтлэг хандлага байдаг. 

Та чадна: Ном бол ертөнцийг харах цонх. Тийм ч учраас номын амтанд шимтсэн хэн бүрд номын тавиур гэрийн хаа нэг хэсэгт заавал хэрэг болдог тул танд, гэртээ өөрөө хийх боломжтой авсаархан, загварлаг номын тавиур хийх зааврыг хүргэж байна. 

Энэ сарын дугаарт гарсан зөвхөн онцолсон булангуудыг танилцуулсан бөгөөд эдгээрээс гадна шинэ материал, мэргэжлийн зөвлөгөө, шинэ орон сууц,  материалын үнэ ханш болон бусад нийтлэлүүдийг та сэтгүүлээсээ дэлгэрэнгүй уншиж танилцаарай.

Бид дараагийн дугаартаа илүү олон сонирхолтой, хэрэгтэй мэдээллийг хүргэх тул та доорх холбоосоор дамжуулан сэтгүүлээ захиалан үнэгүй хүргүүлэн аваарай. 

СЭТГҮҮЛ ЗАХИАЛАХ

Онлайн унших НОМЫН САН 

Утас: 9100-0233, 7711-3333-2