БГД дэх Мэргэжлийн хяналтын хэлтэс Улаанбаатар БҮК ХХК-тай хамтран "Хөдөлмөрийн аюулгүй байдал эрүүл ахуйн сарын аян 2022" аяны хүрээнд "ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН ЭЕРЭГ СОЁЛЫГ ХАМТДАА ТӨЛӨВШҮҮЛЬЕ" сарын аяныг барилга угсралт, барилгын материал, тоног төхөөрөмж бүхий эрсдэлтэй ажлын байртай үйлдвэрлэл эрхлэгч 86 аж ахуйн нэгж байгууллагуудын удирдлага, инженер техникийн 125 ажилтнуудыг хамруулан  үзүүлэн сургалт, өдөрлөгийг /2022.04.05/ зохион байгуулжээ. Тус аян нь жил бүрийн дөрөвдүгээр сарын 1-ээс тавдугаар сарын 1-ны хооронд үргэлжилдэг бөгөөд энэ жилийн аян ийнхүү эхэлжээ. 

"ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН ЭЕРЭГ СОЁЛЫГ ХАМТДАА ТӨЛӨВШҮҮЛЬЕ" сарын аяны зорилго чиглэлийн хүрээнд олон улсын нэгдэн орсон гэрээ конвенц, Монгол улсын хууль, дүрэм журам, стандарт нормын хэрэгжилтийг ханган ажиллахад Хөдөлмөрийн аюулгүй байдал, эрүүл ахуйн удирдлагын тогтолцоог төлөвшүүлэх, үйлдвэрлэлийн осол, хурц хордлогын тохиолдлын тоог бууруулах, хөдөлмөрийн чадварыг хадгалах, урьдчилан сэргийлэх арга хэмжээ сэдвүүдээр байгууллагуудын ажил олгогч эзэн, хөдөлмөрийн аюулгүй байдал, эрүүл ахуйн инженер, техникийн ажилчдыг олон улсын төвшинд зэрэгцэн ажиллах хандлага, арга барил, мэдлэг ур чадвар эзэмшүүлэх, хууль эрх зүйн мэдлэг олгох дээшлүүлэхэд ач холбогдолтой арга хэмжээ болжээ. 

Сургалтад Ололт амжилтын түлхүүр ХХК-ийн захирал, Нэгдсэн менежментийн тогтолцооны олон улсын тэргүүлэх зэрэгтэй аудитор Б.Батхүү, Прокурорын газар, Цагдаагийн газар, Онцгой байдлын хэлтэс, Хөдөлмөр халамж үйлчилгээний хэлтэс зэрэг төрийн болон хувийн хэвшлийн байгууллагуудыг оролцуулсан байна.