Замын-Үүд чөлөөт бүсийн дэд бүтцийг сайжруулах төслийн хүрээнд уулзалт хийв
Эдийн засгийн хамтын ажиллагааны бүс хөгжүүлэх төслийн хүрээнд хэрэгжүүлж буй “Замын-Үүд” чөлөөт бүсийн нарийвчилсан инженерийн зураг төсөл боловсруулахад оролцогч байгууллагууд 2022.04.06-ны өдөр Барилгын хөгжлийн төвд уулзалт хийлээ.
Уулзалтад Барилга, хот байгуулалтын яамны Инженерийн дэд бүтцийн хэлтсийн дарга Д.Мөнхбаатар, Барилгын хөгжлийн төвийн Дэд захирал бөгөөд Ерөнхий инженер Б.Энхболд, ЗҮЧБЗАА-ны Дэд бүтцийн хөгжил, газрын харилцааны хэлтсийн дарга Ц.Ганбат болон бусад холбогдох албаныхан оролцлоо.
Уулзалтад Барилга, хот байгуулалтын яамны Инженерийн дэд бүтцийн хэлтсийн дарга Д.Мөнхбаатар, Барилгын хөгжлийн төвийн Дэд захирал бөгөөд Ерөнхий инженер Б.Энхболд, ЗҮЧБЗАА-ны Дэд бүтцийн хөгжил, газрын харилцааны хэлтсийн дарга Ц.Ганбат болон бусад холбогдох албаныхан оролцлоо.
“Замын-Үүд” чөлөөт бүсэд тулгамдаж буй асуудлууд, тэдгээрийн дотор дэд бүтцийн хэрэгцээ шаардлагыг хангах зорилгоор хэрэгжиж буй энэхүү төслийг Шадар сайдын ажлын алба, Замын-Үүд чөлөөт бүсийн Захирагчийн ажлын алба, Эдийн засгийн хамтын ажиллагааны бүс хөгжүүлэх төсөл хэрэгжүүлэх нэгжийн захиалгаар, Барилга, хот байгуулалтын яам, Барилгын хөгжлийн төвөөс хэрэгжүүлж байгаа юм.
Эдийн засгийн хамтын ажиллагааны бүс хөгжүүлэх төсөл хэрэгжсэнээр, “Замын-Үүд” чөлөөт бүсийн эдийн засгийн идэвхжил эрчимжиж, хөдөлмөр эрхлэлт нэмэгдэх, “Замын-Үүд” чөлөөт бүсэд 100 орчим хөрөнгө оруулагч үйл ажиллагаагаа эрхэлж, 2000 гаруй ажлын байр шинээр бий болох юм.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.