Барилгачин групп, Инженер О.Хишигмөнх

Та блокны цавуу болон хар замаскийг хэрхэн ашиглаж хэрэглэхээ мэдэхгүй байвал доорх зөвлөгөөг дагаарай.

Хуурай хольцын ангилал

Барьцалдуулагч материалын төрлөөр: Цементэн, шохойн, гөлтгөнө, шохой-цементэн, шохой-гөлтгөнө гэж ангилна.

Хуурай хольцыг зориулалтаас нь хамааруулан дараах байдлаар ангилна. 

Үүнд:

• Хөөсөн ба шахмал полистирол, полиуретан хатуу хавтан наах

• Гадна болон дотор ханын керамик, чулуун хавтанцар наах 

• Торон, шилэн мяндсан арматур наах 

• Өнгө болон суурь шавардлагын цавуу

• Шалны өнгөлгөө

• Өргийн болон тэгшилгээний ажил

• Бусад хавтан наах. 

Тусгай зориулалтын хуурай хольц: Заадасны чигжээс, суурь бэхжүүлэгч, ус тусгаарлах, дулаан тусгаарлах хуурай хольцууд орно.

Хуурай хольцын давуу талууд

• Барилгын ажилбарын тоог багасгах

• Ажлын чанарыг дээшлүүлэх

• Тээврийн зардлыг багасгах

• Зуурмагийн зарцуулалтыг багасгах

• Зуурмагийн уян налархай чанарыг дээшлүүлэх

• Хөдөлмөрийн бүтээмжийг нэмэгдүүлэх

• Өнгөлгөөний ажлын хугацааг багасгах

• Хэрэглэх, тээвэрлэхэд хялбар

• Хог хаягдал гаргадаггүй

• Эдийн засгийн үр ашигтай

Хийт бетоны цавуу буюу блокны цавууг хэрхэн ашиглах тухай ерөнхий мэдээлэл

Хийт бетоны цавуу нь цементэн суурьтай, полимер нэмэлтүүдийн орцтой хуурай бүтээгдэхүүн бөгөөд барилгын бүх төрлийн гадна болон дотор ханын өрлөгийн ажилд хэрэглэнэ.

Техникийн үзүүлэлт: Бат бэх чанар 10Мпа-аас доошгүй. Орчны температур 5-аас +35 градус хүртэл хэрэглэнэ. Гал дэмждэггүй ба тэсэрч дэлбэрэхгүй. 1м3 блоконд 25кг хэрэглэнэ.

Хэрэглэгдэх хэрэгслүүд:

• Хувин 

• Ус

• Холигч

• Цавуу татагч

• Тэгш ус

• Резин алх

Хийх аргачлал

1. Блокны цавуу зуурах аргачлал:

• Хувиндаа 25кг-ийн савалгаатай блокны цавуугаа задлаад хийнэ.

• 5-6л цэвэр ус хэрэглэн

• 800ватт-аас дээш хүчтэй цахилгаан холигч ашиглан зуурмагийг бүхэлгүй болтол нь жигд хутгана.

2. Хийт бетон болон блокон дээрх тоос шороог сайтар арчиж цэвэрлэнэ.

3. Бэлтгэсэн цавуугаа 3мм-ээс ихгүй зузаантайгаар жигд түрхэнэ.

4. Цавуугаа блокны хэмжээнд тохируулан зориулалтын багаж буюу татагч хэрэглэвэл тохиромжтой.

Хар замаск хэрхэн ашиглах тухай ерөнхий мэдээлэл

Хийт бетоны цавуу нь цементэн суурьтай, полимер нэмэлтүүдийн орцтой хуурай бүтээгдэхүүн бөгөөд хөөсөнцөр дулаалга болон барилгын бүх төрлийн бетон, тоосго, хийт бетон блокон ханын тэгшилгээ, өнгөлгөөний зориулалтаар хэрэглэнэ.

Техникийн үзүүлэлт: Бат бэх чанар 5Мпа-аас доошгүй. Орчны температур +5градус-аас +35 градус хүртэл хэрэглэнэ. Гал дэмждэггүй ба тэсэрч дэлбэрэхгүй.

Хэрэглэгдэх хэрэгслүүд:

• Хувин 

• Ус

• Холигч

• Шпател

• Тэгш ус

• Тор

• Ниве

Блокны цавуу зуурах аргачлал

• Хувиндаа 25кг-ийн савалгаатай хар замаскаа задлаад хийнэ.

• 4-5л цэвэр ус хэрэглэнэ

• 800ватт-аас дээш хүчтэй цахилгаан холигч ашиглан зуурмагийг бүхэлгүй болтол нь жигд хутгана.

Ханан дээрх тоос шороог сайтар арчиж цэвэрлэнэ.

Бэлтгэсэн зуурмагаа ханын тор тавиад 5-10мм-ийн зузаантайгаар жигд түрхэнэ.

Бэлтгэсэн хар замаскаа тохируулан зориулалтын багаж буюу татагч хэрэглэвэл тохиромжтой.

Стандарт:  MNS 6424:2013 

Барилгын ажилд хэрэглэх цавуу: Техникийн шаардлага

Хамрах хүрээ

Энэ стандарт нь барилга, байгууламжийн гадна, дотор хананд дулаалгын, өнгөлгөөний, бусад материалыг суурь болон өнгөн үед наахад ашиглах, барьцалдуулах, тэгшилгээний зориулалттай, хуурай жингийн 5 %-иас ихгүйгээр полимер нэмэлт агуулсан хуурай цавуун зуурмагийг үйлдвэрлэх, хэрэглэх, түүнд тавигдах техникийн шаардлага, турших арга, хадгалах, тээвэрлэхэд хамаарна.

• Чийглэг - Хуурай цавууны чийглэг жингийн 0,2 %-иас ихгүй байна. 

• Нунтаглалт - 02 шигшүүр дээрх үлдэгдэл 15 %-иас ихгүй байна. 

• Асгаасан нягт - Хуурай цавууны асгаасан нягт 1200 кг/м3 -ээс багагүй, 1800 кг/м3 -ээс ихгүй байна.