Дэлхийн архитектурын салбарын хамгийн нэр хүндтэй “Pritzker Prize” шагналын 2022 оны шилдгээр архитектор, сурган хүмүүжүүлэгч, нийгмийн зүтгэлтэн Дибедо Фрэнсис Кере шалгарсаныг 2022 оны 3-р сарын 15-ны өдөр олон улсын хүндэт шагналын ивээн тэтгэгч “The Hyatt” сангийн тэргүүн Том Прицкер зарласан юм. Ингэснээр тэр “Pritzker Prize” шагналын 51 дэх шагналтан боллоо. 

Буркина Фасо улсын Гандо хот болох дэлхийн боловсрол багатай, хамгийн ядуу улсуудын нэг, архитектур битгий хэл ундны ус, цахилгаан эрчим хүч, дэд бүтэц ч үгүй газар төрсөн тэрээр архитектур, дэд бүтэц байхгүй, хязгаарлалт бэрхшээлээр дүүрэн, гадуурхагдсан орнуудад ажилладаг байна. 

“Фрэнсис Кере бол дэлхийн нэн хомстолтой орнуудын оршин суугчдад тогтвортой архитектурыг авчирсан анхдагч юм. Тэрээр дэлхийн мартагдсан бүс нутгийн тоо томшгүй олон иргэдийн амьдралыг сайжруулдаг архитектор, үйлчлэгч юм” гэж Том Прицкер тайлбарлав. 

“Pritzker Prize” шагналын 2022 оны шилдгээр шалгарсан Дибедо Фрэнсис Кере-н намтар болоод түүний салбартаа оруулсан хичээл зүтгэл, бүтээн байгуулалтын талаарх дэлгэрэнгүй мэдээллийг Барилга МН сэтгүүлийн 5-р сарын дугаараас дэлгэрэнгүй уншаарай.