Улаанбаатар хотын ачааллыг бууруулах зорилгоор шат дараатайгаар  дагуул хотуудыг  бий болгож байгаа билээ. Тэгвэл Олон улсын нисэх онгоцны шинэ буудлыг даган хөгжих “Шинэ зуунмод” дагуул хотын хэсэгчилсэн ерөнхий төлөвлөгөө гарч, боловсруулагдсан байгаа юм. Уг дагуул хот нь  Зуунмодны голын дунд хэсэг, Тахилт уулын өвөр бэлд, Аргай толгойн ар хормойд орших юм. 

Энэхүү хотод аялал жуулчлал, бизнес, санхүү, худалдаа, үйлчилгээ, хөрөнгө оруулалтын таатай орчныг бүрдүүлж үйлдвэрлэл, инновац болон тээвэр, логистикийн зангилаа бүс байгуулах бөгөөд ингэснээр  Монгол Улсын эдийн засгийн өсөлтийг нэмэгдүүлнэ гэж үзэж байгаа юм. 

Шинэ Зуунмод хотыг 2040 он хүртэл хөгжүүлэх ерөнхий төлөвлөгөө хэрэгжүүлэхэд 3 үе шатаар 17 их наяд төгрөг шаардлагатай байгаа бөгөөд нийт хөрөнгө оруулалтын 21%-ийг улс, нийслэлийн төсвөөс, 39%-ийг хувийн хэвшлээс, 39%-ийг гадаад шууд хөрөнгө оруулалтаар хэрэгжүүлэх болно. Гадаад шууд хөрөнгө оруулалт шаардлагатай голлох төсөл нь Эдийн засгийн чөлөөт бүс байх болно.

Ерөнхий төлөвлөгөөний дэлгэрэнгүйг эндээс уншина уу.