2022 онд интерьер дизайны чиг хандлагад юу илүү нөлөөтэй болохыг мэдэхийн тулд салбарын шилдэг интерьер дизайнерууд, тавилгын дизайнерууд болон мэргэжилтнүүдийн хэлсэн үг болон энэ онд давамгайлах интерьер дизайны 20 чиг хандлагын 2 дахь цувралыг хүргэж байна.

Дэлхий ертөнц, байгалийн өнгө

Хэдийгээр хурц тод өнгө 2022 онд түгээмэл байх боловч хэрэглэгчид цайвар саарал, шороон өнгөнөөс бүр мөсөн татгалзсан гэсэн үг биш юм. 

Portola Paints-ийн үүсгэн байгуулагч Jamie Davis: "Хэдэн жилийн өмнө илүү тод өнгөнүүд эрэлттэй байсан бол одоо дулаахан мэдрэмжтэй шороон, органик цэвэрхэн өнгөний чиг хандлагыг бид харж байна. Цагаан хадны сүүдэр бидний хамгийн дуртай өнгө байсан бол одоо үйлчлүүлэгчид илүү органик өнгө болох Фигуероа руу тэмүүлэх болсон. Илүү тод цагаан өнгийн сүүдэр хэзээ ч цагаан өнгийн органик сүүдэр шиг дулаахан, сэтгэл татам мэдрэмж төрүүлэхгүй" гэдгийг онцлов.

Ногоон өнгө рүү

2022 онд ногоон өнгө мөн л тогтвортой байдлыг илэрхийлсээр байх болно.

Roxy Owens: "Байгалийн дулаахан мэдрэмж төрүүлэх  материал болох нишингийн даавуу, модон тавилга зэргийг ногоон өнгөтэй хослуулан хэрэглэхэд онцгой гайхалтай харагдах болно" хэмээн ногоон өнгөний талаар илэрхийлсэн юм. 

Artistic Tile, дизайнер Nancy Epstein: “Ногоон өнгө болон тогтвортой байдлын үзэл баримтлал нь хэдэн арван жилийн турш солих шаардлагагүй өндөр чанартай материалыг сонгох явдал юм. “Бүтээгдэхүүн сонгохдоо байгаль орчинд хор хөнөөлгүй, ээлтэй байдалд улам бүр анхаарч байгаа нь загвар зохион бүтээгчид болон тэдний үйлчлүүлэгчдэд урам зориг өгч байгааг хараад баяртай байна. Энэ нь бидний гол философи болох зөв материалаар өв уламжлан хэрэглэх удаан эдэлгээтэй сайн зүйлийг бүтээх гэсэн үзэл санаатай таарч байна. 

Тэрээр “түр зуурын загварлаг байдлаас зайлсхийж, байгалийн чулуу, шилэн эдлэл гэх мэт натурал зүйлс нь мөнхийн загварын үзэл баримтлалыг илэрхийлдэг  болохыг тэмдэглэжээ. Сүүлийн үеийн чиг хандлагыг дагаж мөрдөхийн тулд бид түргэн шуурхай, нэг удаагийн гэсэн байдлаас салж, байнгын засварлагдах зүйлсийн үр нөлөө нь байгаль орчинд ээлгүй, тогтвортой байдлын эсрэг байдаг гэдгийг улам бүр ухамсарлаж байна.” 

Хуучны сонгодог тавилга

Одоог хүртэл хуучны сонгодог тавилгуудтай ногоон өнгөнөөс илүү хослох зүйл үгүй гэж Emma Beryl-ийн үндсэн дизайнер Emma Kemper хэлдэг бөгөөд сонгодог тавилга ашиглах нь олон талын ашигтай. Таны бүх тавилгууд цоо шинэ биш учраас хариуцлага өссөн мэт санагдах бөгөөд мөн гоо үзэмжийн талаас таньд ер бусын мөнхийн мэдрэмжийг төрүүлнэ. Та өөр өөр цаг үеэс ирсэн тавилгуудыг хослуулснаар загварын хувьд тааварлашгүй, шинэлэг мэдрэмж төрүүлнэ.

Хуучны тавилгаар гэрээ гоёх өөр нэгэн зам бол Facebook Marketplace, Next Door, Offer Up зэрэг сайтуудын худалдааны хэсгээс худалдан авах юм. Маш олон дунд түвшний болон дээд зэрэглэлийн эдэлгээ багатай, шинэ тавилгуудаа худалдаалах хувь хүмүүс байдаг. Гэхдээ эдгээр бараанууд заавал сонгодог эсвэл эртнийх байх шаардлагагүй бөгөөд хуучин бараа авах нь байгаль орчинд ээлтэй, хэтэвчинд хэмнэлттэй зүйл болно.

Сэргээсэн модон эдлэл

Сэргээсэн мод хэрэглэх нь хуучны эдлэл хэрэглэх өөр нэгэн зам бөгөөд ахисан шатны урт удаан хэрэглээг үүсгэдэг гэж Becky Shea Design-ны үүсгэн байгуулагч Becky Shea хэлдэг. Таны хэрэглэж байгаа мод нь хэрэв хэрэглээнд аль хэдийнээ нэвтэрсэн бол дахин мод тайрах шаардлагагүй бөгөөд энэ нь байгальд ээлтэй, эдийн засгийн тэнцвэртэй дизайнд маш чухал ач холбогдолтой. Миний олж мэдсэн хамгийн сэтгэл татам, итгэл үнэмшил бол энэхүү мөнхийн трендийн түүхий эд нь халуун дулаан, байгалийн мэдрэмжийг өгдөг бөгөөд тухайн хэсэг бүр нь давтагдашгүй шинж чанартай байдагт юм. Сэргээгдсэн модны жижиг хэсэг бүр нь илүү давтагдашгүй бөгөөд дур булаам үзэмж нэмж байгааг та ажиглана гэдэгт итгэж байна.

Бараан мод

Norse Interiors-г захирал, үүсгэгч Lotta Lundaas 2022 онд бараан модны ширхэг тренд болно гэж хэлсэн. Тэрээр модон эдлэлийг цэвэрхэн тавилга, хөнгөн төмөрлөг болон ваартай хослуулахыг санал болгожээ. Органик хэлбэртэй тавилга үргэлжлэн тренд болох бөгөөд мөн газрын буюу цөл, элс, цайвар бор, борлуулсан мэт өнгө нь таныг тайвшруулах болно.

Сошиал мэдээлэл орон зайг бүрдүүлэх нь

Инстаграммын мэдээлэл болон худалдааны хэсэг нь интерьер дизайнд эргэлзээгүй маш том нөлөө үзүүлж байгаа билээ. 2020 онд маш олон том дэлгүүрүүд хаалгаа барьж, 2021 онд жижиглэнгийн худалдаа сэргэсэн. Бизнес эрхлэгчид бараагаа зарахын тулд худалдан авагчиддаа онлайн дэлгүүр нээсэн нь дизайны салбарыг илүүтэй хамарсан. Энэ үзэгдэл нь бие даасан брэндүүдэд илүүтэй байгаа ба тухайлбал ОХВ нь хөлс, усанд тэсвэртэй үнэт эдлэлийн брэндийн буюу 2021 оны Денверийн RiNo Урлагын Гудамжны анхны дэлгүүр нээгдсэн. 

Тухайн дэлгүүрийн интерьер нь гоёмсог тоосгон хана, хөнгөн мэдрэмж төрүүлэх үйлдвэржилтийн үеийн дизайнтай. Мөн халуун дулаан, үүдний хэсэг нь эмэгтэйчүүдэд өөрсдийн орон зайг бүрдүүлж, түүнчлэн урам зориг авах, фитнесс аяллыг идэвхжүүлэх мэдрэмж төрүүлдэг.

Энэхүү орон зай нь хуучны дунд сургуулийн биеийн тамирын заал шиг төрхтэй, үйлдвэрийнх шиг өндөр тааз, модон шал, өнгийн гэрлээр чимэглэсэн. Та дэлгүүрийн хуучны хувцасны сейф, спортын төхөөрөмж, нокаут сэлфие толь болон чимэглэлээс спортыг хүлээн зөвшөөрөх болно. Брэндийн хамтран үүсгэгч Maggie Kyle болонLaura Treganowan  спортыг хүлээн зөвшөөрөх нь өөрөө брэндийг бүхэлд нь авч явж байгаа гэж хэлсэн.

Цагаан, гуулин өнгө

Хар гэрлүүдэд баяртай гэж хэлье. Цагаан болон гуулин гэрлүүд нь 2022 онд голлоно гэж HVLG-н үүсгэн байгуулагч Ben Marshall үзсэн. Гэрэлтсэн цагаан өнгө ба дулаан гуулин өнгө нь давтагдашгүй мэдрэмж төрүүлдэг. Үүний зэрэгцээ гуулин өнгө бол үүрдийн тренд бөгөөд хослон гэрэлтэх нь хүний эрч хүчийг нэмэгдүүлдэг. Mitzi-д маш олон ханын цагаан болон гуулин гэрлүүдээр төмөрлөгүүдийг гэрэлтүүлж ямар ч орон зайд төгс зохицох трендийг үүсгэсэн.

Эх сурвалж: www.forbes.com

Үргэлжлэл бий…