Иргэдэд зориулан өөрсдийн гараар бүтээл урлахыг зааж, зөвлөдөг энэхүү булангаараа модон ор хийх зөвлөгөөг орчуулан хүргэж байна. 

Гар аргаар орны их бие хийх боломжтой бөгөөд гэрийн нөхцөлд өөрийн гараар хийх нь бүр ч сонирхолтой юм. Зурган дээрх энгийн гар аргаар бүтсэн орыг 2,850,000-5,700,000+ төгрөгийн үнэтэй модон хүрээтэй орны загвараас санаа аван хийсэн. Харин үүнийг хийхийн тулд танд амралтын өдөр, 285,000 төгрөгийн үнэ бүхий материал мөн анхлан сурагчдад зориулсан цөөн тооны багаж хэрэгсэл байхад хангалттай.

Ингээд ор хийх зааврын алхмуудтай танилцаарай.

Алхам 1: Орны хүрээ хийхэд тохирох модыг сонгох

Үйлдвэрийн шахмал мод бүү ашигла. Тэдгээрийн дотор таны хүсээгүй химийн бодис байж магадгүй!

Үзэмжтэй, бат бөх орны хүрээг хийхийн тулд бид даац болон харагдах байдлыг харгалзан үзэж модыг сонгох хэрэгтэй. Бүтцийн бүрэн бүтэн, нягт ширхэгтэй, жижиг зангилаатай /модны яр/, бага зэргийн мушгиатай /тэгшхэндүү/, хуваагдаагүй модыг сонгоно.

Модны яр нь маш нягт тул өрөмдөх, зүсэхэд хэцүү болгодог. Ор хийх зааварчилгааг сайтар харан хаана шураг ашиглаж байгааг тооцоолон тэдгээр хэсгүүдэд цөөн тооны яртай хавтанг сонго.

Материалын хувьд шар нарс, гацуур нь маш сайн сонголт болдог бөгөөд улиас, үнс, царс, хус гэх мэт моднууд байж болно. Хэрэв та өөр төрлийн модон материал ашиглаж байгаа бол мод нь бүтцийн хувьд тохиромжтой эсэхийг шалгаарай. Зөвхөн "хатуу мод" эсвэл "зөөлөн мод" гэсэн нэр дээр үндэслэж болохгүй. Хатуу мод, зөөлөн модны тухайд гацуур маш бат бөх мод харин кипарист мод маш зөөлөн учир боолтыг барихгүй, орны хүрээ нурж унах аюултай юм.

Алхам 2: Материал, багаж хэрэгслийг цуглуул. 

10×10 см тэгш дөрвөлжин мод /брус/: Зааварчилгаан дээр орны тавцангийн хоёр модыг 1,35м хэмжээтэй харуулсан, гэхдээ та орны толгойн тавцангийн хэсгийг хийхдээ  нэмэлт метр хийвэл  илүү уян хатан болж өгдөг. 

Нэмэлт тулгуурууд: 

Хэрэгсэл бүрийн аюулгүй байдлын зааврыг дагаж мөрдөөрэй. Хог хаягдалгүй цэвэр тэгш гадаргуу дээр ажиллаж, хамгаалалтын шил, сонсголын хамгаалалт зүүх, алхам бүрийн дараа квадратыг шалгахаа бүү мартаарай!

Анхааруулга: Бүх модыг тайрсны дараа ижил урттай хэсгүүдийг хамтад нь шалгана уу. Таны өөрийн гараар хийж буй орны хүрээ дөрвөлжин хэлбэртэй байх бөгөөд бүх хэсгүүд хоорондоо сайн тохирох ёстой тул тогтвортой байдал чухал!

Жишээ нь: толгойн тавцан дээрх бүх 3x10 см нь толгой ба хөлийн тавцан дээрх хоёр 5x15 см хэмжээтэй ижил урттай байх ёстой. Хэрэв тэдгээр нь бүгд ижил хэмжээтэйгээр 3x10 см бага хэмжээтэй байвал тийм ч асуудалтай биш. Төлөвлөгөөнд заасны дагуу хэмжээснээс өөр өөр байвал ажил бүтэлгүйтнэ гэсэн үг юм. 

Бүх зүсэгдсэн болон ил гарсан гадаргууг зүлгүүрээр зүлгэж, модыг өөгүй, гөлгөр болно. Хэрэв та модыг будах эсвэл лак түрхэх бол зүлгүүрдсэний дараа тохиромжтой.

Алхам 3: Орны төмөр бэхэлгээг суулгах

Энэ алхам нь хэцүү биш боловч тэвчээр, нарийвчлал шаарддаг. Хэрэв та үүнийг зөв хийвэл дараагийн өөрөө хийх орны хүрээ маш хялбар болно! Орны төмөр бэхэлгээг хэрхэн яаж суулгахыг нарийвчлан авч үзье.

Төмөр бэхэлгээ нь 4 ширхэг байх бөгөөд нүхтэй хаалтууд нь 4 орны шон дээр байрлана.  

Хөлийн 5x15 см хэмжээтэй тавцан дээр  төмөр бэхэлгээг хийх бөгөөд хажуугийн хавтгай модны дээд хэсэг нь тулгуурын модны дээд хэсэгтэй ижил түвшинд байх ёстой. Хажуугийн хавтгай мод ба шонгийн төгсгөлийн хэсгүүд нь угсрах үед яг таарна. 

Хос хаалтыг тулгуур ба хажуугийн хавтгай мод дээр түгжигдсэн байрлалд байрлуулж, хаалтын гадна ирмэг болон өрөмдлөгийн цооног бүрийг сайтар тэмдэглэнэ.

Эхлээд тэмдэглэсэн цооног бүрийг урьдчилан өрөмдөж, 5-8 см урттай эрэг ашиглан 10х10 см хэмжээтэй модон дээр бэхэлгээг холбоно. Хэрэв та буруу хийсэн бол хажуугийн хавтгай мод болон шон нэг түвшинд очихгүй. Алхам бүрийг шалгахаа мартуузай!  

Дараа нь хажуугийн хавтгай модны төгсгөлд "ховилтой" төмөр бэхэлгээг холбож бүх зүйл дөрвөлжин, тэгшхэн байгаа эсэхийг шалгаарай. "Ховилтой" төмөр бэхэлгээнд боолтыг хэт чангалж болохгүй. Ховилоос буцааж салгахад хялбархан байдлаар хийх хэрэгтэй. Эцсийн шатанд хаалтуудыг холбосноор боолтыг чангалж, ор бат бөх байх болно!

Бүх төмөр бэхэлгээг суулгах хүртэл өндөр, өргөн, гүн гэсэн бүх хэмжээснүүд дээр яг таарч байгаа эсэхийг шалгаарай. 

Алхам 4: Орны модон хүрээ, толгойн тавцан хийх

Эхлээд бүх нүхийг өрөмдөөд дараа нь хэсгүүдийг хооронд нь холбоорой. Толгойн тавцанг барихдаа эхлээд төв самбарыг үүсгэж, дараа нь баганууд дээр холбож, дараа нь 5×10 см дээд хэсэг, 5×15 см доод модыг нэмнэ.  

Хамгийн гол нь 3×10 см хавтангийн хооронд жижиг зай (1 см хангалттай) үлдээх хэрэгтэй бөгөөд ингэснээр мод хөдөлгөөнтэй байх боломжтой болно. 

Орны толгойн хавтангийн зааварт төв самбарыг хэрхэн яаж барих, квадрат хэлбэр, модны хөдөлгөөнийг хэрхэн шалгах зөвлөмжүүд.

Хэрэв та орны хүрээтэй бөгөөд түүндээ толгойн тавцан нэмэхийг л хүсэж байгаа бол орны хүрээг хэрхэн яаж хийх талаар уншина уу! 

Хамгийн чухал зүйл бол нарийн хэмжих бөгөөд ор 5×15 см хажуугийн хашлагын дээд хэсгээс ердөө 8 см доогуур байх ёстой. Хажуугийн хашлагыг ортой энэхүү байдлаар тэнцүүлснээр орон дээр тавих матраас далий тавигдах эсвэл доошлох аюулгүй юм. Тавцангийн гол мод орох U хэлбэрийн тогтоогч нь хүнд даацыг даах ёстой учир сайн чанарын модны цавуу болон эрэг шургийг хамтад нь ашиглахыг санал болгож байна. 

8 см өргөн хавтангууд нь 5×10 см орны голд байрлах мод ба 10х10 см-аар бэхлэгдсэн бөгөөд хажуугийн хашлагад эрэг шургаар бэхлэгддэг. Хавтангуудыг нэг нэмэлт хавтангаас огтолж авсан 8 см өргөнтэй холбогчоор тогтооно. Бага зэрэг хөдөлгөх зориулалттай зайнууд нь бие биенээсээ 92 см зайтай байна.

Та 5х5 см-д дээр холбогчийг нааж эсвэл шураг хийхдээ 5х15 см хэмжээтэй хажуугийн хоёр хашлагыг зэрэгцүүлээрэй, ингэснээр зай завсрын хэсгүүдийг төгс байрлуулна. Дээрх зургийг харна уу.

Алхам 5: DIY модон орны хүрээг угсрах

Хөдөлмөрийнхөө амтат үр шимийг хүртэж, өөрийн гараар хийсэн модон орныхоо хүрээ угсрах цаг боллоо! Эхлээд орныхоо толгой ба хөлийн тавцанг хүссэн газартаа байрлуул. 5×15 см хажуугийн тавцанг өргөж, орны төмөр бэхэлгээний нүхэнд шургуулж, байранд нь түгжинэ. 

Төмөр бэхэлгээн дээрх боолтыг бага зэрэг суллаад бүх төмөр бэхэлгээнд шургуулж дууссаны дараа боолтыг чангалснаар ор бат бөх болно.

5×10 см хэмжээтэй орны тавцангийн голд байршуулах даацын модыг толгой ба хөлийн тавцан дээрх U хэлбэрийн тогтоогчид байрлуулна. Бусад орны хавтангуудыг нэмж угсарна.  

Модон орны тавцан болон толгойн модыг  гайхалтай гялалзуулах байгалийн өнгөлгөө:

Модны өөрийн өнгийг гялалзуулах шалгарсан байгалийн арга бол цагаан лав болон чидуны тосоор хийсэн тослогч юм. Хийхэд хялбархан бөгөөд барилгын материалын хоргүй чанар хамгийн чухал гэдгийг та бүхэн мэдэх нь гарцаагүй. 

Ингээд гар доорх материал болон байгалийн бүтээгдэхүүнүүдээр хүссэн модон ороо хийсэн гэдэгт итгэлтэй байна.