"Орон сууцны ашиглалтын тухай хуулийн шинэчлэсэн найруулгын төсөл"-ийг хэлэлцлээ
Орон сууцны ашиглалтын тухай хуулийн шинэчилсэн найруулгын төсөл танилцуулах, уулзалт хэлэлцүүлгийг Барилга, хот байгуулалтын яамнаас цахим болон танхимын хэлбэрээр 2022.02.14-ээс 2022.02.22-ны өдрүүдэд зохион байгууллаа.
Хэлэлцүүлэгт Хот, суурины ус хангамж, ариутгах татуургын ашиглалт үйлчилгээг зохицуулах зөвлөл, Газар зохион байгуулалт, геодези, зураг зүйн газар, Барилгын хөгжлийн төв, Төрийн орон сууцны корпораци ТӨХХК, Эрчим хүчний зохицуулах хороо, Улаанбаатар дулааны сүлжээ ТӨХК, Мэргэжлийн хяналтын ерөнхий газар, Шударга, өрсөлдөөн хэрэглэгчийн төлөө газар, Нийслэлийн Засаг даргын Тамгын газар, УБ хотын Захирагчийн ажлын алба, УБ хотын ОСНААУГ, УСУГ, Нийслэлийн Баянзүрх дүүргийн “Хөгжлийн төв” ОНӨҮГ, “Улаанбаатар цахилгаан түгээх сүлжээ” ТӨХК, Орон нутгийн Нийтийн аж ахуйн байгууллагууд, “Монголын нийтийн аж ахуйн үйлчилгээний холбоо” ТББ, Монголын Ус сувгийн ассоциаци ТББ, “Хувийн орон сууц, нийтийн аж ахуйн хөгжлийн төв” ТББ, “Орон сууц, нийтийн аж ахуйн мэргэжлийн холбоо”, Харилцаа холбооны зохицуулах хороо, Монголын сууц өмчлөгчдийн холбоодын дээд зөвлөл ТББ, Нийслэлийн 9 дүүргийн ЗДТГ, Шинжлэх ухаан, технологийн их сургуулийн Барилга, Архитектурын сургууль, Эрчим хүчний сургууль зэрэг нийт 20 гаруй байгууллагын төлөөлөл оролцсон юм.
Орон сууцны тухай хууль 1999 онд анх батлагдсанаас хойш нийт 8 удаа нэмэлт өөрчлөлт орсон. Энэ удаагийн шинэчилсэн найруулгын өөрчлөлтийг орон сууцны ашиглалттай холбоотой захиргааны байгууллагуудын оролцоо, эрх хэмжээг зөв зохистой тогтоох, орон сууцны ашиглалтыг сайжруулах зорилготойгоор хийж байгаа юм. Учир нь Засаг захиргаа, нутаг дэвсгэрийн нэгж, түүний удирдлагын тухай хуулиар орон сууц нийтийн аж ахуй, удирдлага үйлчилгээ нь орон нутгийн чиг үүрэгт хамаарахаар тусгасан байдаг. Харин нийслэлийн эрх зүйн байдлын тухай хуулинд сууц өмчлөгчдийн холбооны үйл ажиллагааны зохицуулалт, хяналт нь нийслэлийн чиг үүрэгт хамаарахаар заагдсан. Иймээс эдгээр хуулиудад нийцүүлж, орон сууц ашиглалтын удирдлага, үйл ажиллагаа, хяналтыг зохицуулах шаардлага үүсээд байгаа юм.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.