Дэлхий нийтээр цар тахал дэгдэн хоёр жил гаруй хугацаа өнгөрч, энэ хугацаанд олон нийтийн хөл хорионоос шалтгаалан урьд өмнөхөөс илүү урт хугацаанд гэртээ байж, гэрээсээ ажиллах шаардлага тулгарсаар байгаа тул хүмүүс гэрийнхээ тав тух, амьдрах орчинд анхаарч, дизайнаас илүү хэрэглээний энгийн хялбар байдлыг чухалчилж үзэх болсон. Эдгээр хоёр хүчин зүйл нь интерьер дизайны чиг хандлагад хамгийн их нөлөө үзүүлэх болж ээ. 

Өнгөрсөн онд интерьерийн олон чиг хандлага гарч ирсэн ч зарим нь үгүй болж цөөн хэд нь 2022 онд үлдэж байгаа бөгөөд тухайн чиг хандлага, дизайн хэр урт хугацаанд алдартай хэвээр байхыг таашгүй юм. Ингээд 2022 онд интерьер дизайны чиг хандлагад юу илүү нөлөөтэй болохыг мэдэхийн тулд салбарын шилдэг интерьер дизайнерууд, тавилгын дизайнерууд болон мэргэжилтнүүдийн хэлсэн үг болон энэ онд давамгайлах интерьер дизайны 20 чиг хандлагыг цувралаар хүргэж байна.

ГАЙХАЛТАЙ ӨРӨӨНҮҮД 

Pure Salt Interiors, Aly Moford: “Функционал байдал илүү чухал болохын хэрээр 2022 онд хуучин ашиглагддаггүй байсан өрөөнүүдийг дахин засварлаж, шинэчлэгдэн улам илүү үнэ цэнтэй болно. Үүнийг өөрчилсний үр дүнд амьдрах орон зайг тэлж, гэр бүлээрээ амарч, зугаацах боломжтой өрөөнүүд бий болох болно"

Хэдийгээр хоосон байсан орон зайг бид хэрэглэж эхлэх боловч “тохьгүй, гоо зүйн талаасаа дутагдалтай” байснаар нь ашиглахгүй. Мөн "бид таны амьдралын хэв маягт тохирсон, сайн чанарын материал, эд анги бүхий гайхалтай өрөөнүүдийг бий болгохдоо дуртай байх болно. Хамгийн гол нь гоо зүйн болон хэрэглээт байдлыг адил тэнцүү бий болгох явдал юм. Жишээлбэл маалинган буйдан, хээ угалз бүхий хивс нь тайвшрах орон зайг бүтээж, зөөлөн дулаан мэдрэмжийг өгөх болно" гэдгийг хэлжээ. 

МАКСИМАЛИЗМ

Pure Salt Interiors, Aly Moford: “Хэрэглээт байдал улам чухал болж буй энэ цаг үед 2022 оны шинэ болон засварлагдаж байгаа байруудад том орон зай бүхий өрөөнүүд эргэн ирэх болно”. 

Хэрэглэгддэггүй уламжлалт өрөөний хуваалтаас холдох хандлага бидэнд ажиглагдаж байгаа бөгөөд оронд нь гэр бүлээрээ цугларч, хамтдаа амарч, цагийг зугаатай өнгөрүүлэх нэгдсэн том өрөөтэй байхыг чухалчилж байна.

Эдгээр орон зайнууд нь хэрэглээг чухалчилж төлөвлөгддөг хэдий ч энэ нь гоо зүй талаасаа дутмаг гэсэн үг биш хэмээн интерьер дизайнер онцлон тэмдэглэж, “бид том өрөөнд таны амьдралын хэв маяг, донж сонирхолд нийцсэн чанартай эд зүйлсээр хөрөнгө оруулахдаа тун дуртай байдаг. Гол нь гоо зүйг хэрэглээтэй хослуулах юм. Жишээ нь, даавуун бүрээстэй буйдан эсвэл олон давхар хивсэнцэр дэвссэнээр баялаг хэрнээ эзлэхүүнтэй харагдах ба нөгөөтээгүүр тайван амгаланг мэдрүүлж орон зайг зөөллөж өгснөөр тэнд удаан байх хүслийг тань төрүүлэх болно.”

Society Social, дизайнер Roxy Owens: "Монохроматик төвийг сахисан, минималист загварт баяртай" гэж хэлэх болно. "Үзэсгэлэнтэй орчин, орон зайг бий болгосон хэвлэмэл хээ чимэглэл, өнгөний хослолтой ханын цаас, угалзан атираат хээтэй гэрлийн чийдэн зэрэг урьд өмнөхөөсөө илүү тав тухтай, дулаахан мэдрэмж төрүүлэх интерьерийн чиг хандлага эргэн ирж байгааг харж байна" гэж тэмдэглэжээ.

Нэгэн цагт алдарт дизайнер Dakota jackson үүнийг зоригт дурдатгал гэж дурссан байдаг. 

Dakota jackson: "Цаг хугацааны аниргүйд олдох боломжийг өчүүхнээр өөрийн сэтгэлрүү өнгийн харж, өнгөрснийг үдэж шинэ эринийг угтав. Зоригт дурдатгал хэмээх нь дурсамжийн хэлтэрхийнүүдээ тэмтэчхийг мөн оршин буйгаа мэдрэхийг хэлнэ биз ээ.”

Би утга учрыг үзэсгэлэн төгөлдөртэй хослох гайхамшгийг мөрөөднө. Бид ийн дотогш аялснаар мэдрэмжээ чөлөөтэй хөгжүүлэх, урлагийг хөгжөөн дэлгэрүүлдэг өнгийн цэцэгстэй хавар цаг ирэхийг үзэх болно.

УЛАМЖЛАЛТ ИНТЕРЬЕР

Уламжлалт урам зоригтой интерьерээс илүү дээд зэргийн харагдах зүйл гэж үгүй.  Гэхдээ уламжлалт гэдэг нь зөвхөн олон янзын цэцгэн дүрс, атираат хээ бүхий эмээ нарын хэв маяг гэсэн үг биш юм.

Интерьер дизайнер Ariel Okin: “Уламжлалт загвар нь илүү нарийн мэдрэмжийг шигтгэсэн олон төрөл  байж болно. Тав тухтай, дулаахан мэдрэмж төрүүлэх, урам зоригийг хөглөх, илүү олон төрөлтэй уламжлалт интерьерийн хэрэгцээ нэмэгдсээр байх болно. Жишээлбэл хуучин ба шинэ зүйлс болох англи гартай буйданг орчин үеийн урлагийн бүтээлүүд, гэрлийн бүрхүүл гэх зэрэгтэй хослуулан өнөөгийн залуу гэр бүлүүд сонгодог гоо зүйг илэрхийлсээр байна.”

Ямар ч орон зайд уламжлалт өнгө аяс нэмэх өөр нэг арга бол тахиралдсан муруй эсвэл илүү эмэгтэйлэг дүрсийг нэмэх явдал юм. 

Society Social, дизайнер Roxy Owens: “Хөгжилтэй, хөнгөмсөг байдлыг бий болгодог муруй хэлбэртэй дүрсүүд нь дурсамж сэдрээх мэдрэмжийг төрүүлж, гар урлал нь уламжлалт дизайныг шинэлэг байдлаар харуулдаг" гэж тэмдэглэсэн юм. 

Тэрээр “минимализм болон дундад зууны үеийн хэв маяг нь тааламжтай байдлыг бий болгохгүй болж хувирч байна. Дизайны ертөнцөд өнгө үзэмжтэй мушгиралдсан гогцоо бүхий гоёл дахин сэргэж байгааг онцлоод, 2022 онд цөөнгүй хүмүүс зоригтой өнгө, гоёл чимэглэлтэй зүйлсээр гэрээ гоёж, тавилгаа сонгон засах болно” гэв.

НЭХМЭЛ БА СҮЛЖМЭЛ ТАВИЛГА

Хэдийгээр сүлжмэл хийхэд тохиромжтой материалууд олон жилийн турш ашиглагдаж ирсэн ч 2022 онд эдгээр мөнхийн дүр төрх улам бүр дизайнд түрэн орж ирэх болно. "Зэгсэн болон нишингийн материал мөнхөд сонгодог хэвээр байна. 

Дизайны элементэд тайван байдал, дулаахан мэдрэмжтэй, энгийн өнгө аясыг авчирдаг эдгээр байгалийн материалууд нь Нью-Йорк хотоос эхлээд Английн хөдөө далайн эрэг хүртэлх орон зайд байсаар байна". 

ХУРЦ ТОД ӨНГӨ 

Өнгөний зоримог хэрэглээгээрээ алдартай интерьер дизайнер Cailin Wilson: "Хурц, тод өнгө эргэн ирж байгаа бөгөөд дэлхий ертөнц ч үүнд бэлэн байна! Би сүүлийн 10 жилд фермийн байшингийн ханийг ч өнгөлөг будгаар будахаа болиогүй". 

Тэрээр зөв орон зайд сонгодог өнгө, тод будгуудыг ашиглаж энгийн тавилгыг ч үнэхээр галзуу гоё болгож хувиргадаг. Үзэсгэлэнт цэцэгсийн дүрс, өнгөлөг даавуу нь тав тухыг бий болгож, уялдаа холбоо бүхий зөв орон зайг бий болгоход тусалдаг.

Хэдийгээр хурц тод өнгийг элбэг ашиглана гэдэг нь хаа сайгүй ашигла гэсэн үг биш. 

Peacock-ийн үүсгэн байгуулагч, зохион бүтээгч Christopher Peacock: Үүнийг тэнцвэржүүлж "Амьдрах орон зайг бий болгох эсэхээс үл хамааран гүн ногоон, тод улаан, хөх зэрэг хүчтэй өнгөнүүдийг төвийг сахисан өнгөнүүдтэй хослуулан хэрэглэх нь ихэнх хүмүүсийн хувьд хэвээр байх болно.”  

Үргэлжлэл бий... 

Эх сурвалж: www.forbes.com