Архитектур сонирхогчид, уншигчдадаа зориулан түүхийн мэдлэг олгох зорилгоор архитектурын түүхийн талаарх нийтлэлийг цувралаар хүргэдэг. Энэ удаад Контемпорари архитектурын талаар буюу 10 дахь цувралаа танилцуулж байна.

Энэ хэв маяг нь архитектурын 21-р зууны хэлбэр бөгөөд олон талын архитектурын урсгалуудыг хослуулж яг өнөө цагт сүндэрлэдгээрээ онцлогтой. Пост-Модерн /компьютерын программ хангамжийг барилгын тооцоололд нягт ашигласан, энгийн тусмаа уйтгартай гэсэн зарчимтай/ хэв маягийн дараа экспресинизм /архитектурын концепц санааг амьд зүйлтэй холбон амьд мэт сэтгэгдэл төрүүлдэг/, деконстрактивизм /барилгын хөдөлгөөнт эрч хүчит хэлбэрийг барилгын инженерийн шийдэл, архитектур орон зайтай уялдуулсан/, хая тек /барилгад инженерийн өндөр технологийг ашигласан/, байгаль орчинд ээлтэй ногоон барилга гэх зэрэг олон хэв маягийг өөрийн онцлог дээр хослуулан бий болсон байна. 

Модерн болон Пост-Модерн хэв маягууд нь Америк тивд хүчтэй бий болж Европ, Азийн зарим орнуудад тархсан бол Контемпорари хэв маяг нь олон тивийн олон улсад /Арабын нэгдсэн Эмират, БНХАУ, Франц, Испани, АНУ, Англи гэх мэт/ жигд тархсан байна.

Контемпорари архитектурын гол хэв шинжээс дурдвал:

• Олон хэв маягийн цогц
• Комьпютерийн программ хангамжийн тооцооллыг барилгын төслийн бүх түвшний ажилд цогц байдлаар ашигласан.
• Зарчимд үл баригдах хэлбэр буюу давтагдаагүй шинийг эрэлхийлсэн хэлбэр, түүгээр дамжуулан хүргэх давтагдахгүй мэдрэмж. /шулуун болон тэгш өнцөг, долгионт, мушгиа/
• Тэгш бус хэм
• Олон барилгын материалын цогц /бетоны хэв шинжийг барилгад голчлон илэрхийлэх Брутализм, шил бетон металлыг голчлох Модерн хэв маягууд шиг биш, өөрөөр хэлбэл материалын сонголтод баригдахгүй/
• Дотоод нээлттэй орон зай /давхар дундын хучилтын атриум зэрэг хоосон орон зай/
• Ногоон дээвэр, амьд хана, байгальд ээлтэй барилгын материал
• Орчин үеийн шинэ техник технологи, ухаалаг технологи

Жишээ барилгуудтай танилцана уу.

Heydar Aliev center /соёлын төвийн барилга/. Баку, Азарбажейн. Архитектор Заха Хадид / Ирак, 1950-2016/

Ray and Maria Stata Center академийн барилга. АНУ. 2004. Арх-Фрэнк гери

Via 57 west-орон сууцны барилга. АНУ. Арх-Бжарк Ингельс 2013-2016в

Isbjerget-Орон сууцны барилга. Дани 2013

Milwaukee art museum-урлагийн музей. АНУ. арх-Сантиаго Клатрава. 1994-2001

London city hall-захиргааны барилга. Англи. Арх-Норман Фостер. 2002

Musée des Confluences-шинжлэх ухааны төв болон антропологийн музей. Франц.

Арх-Вүлф д.Прикс 2014

Dalian international conference center. БНХАУ. Арх-Вүлф д.Прикс. 2012

Calgary central library-номын сангийн барилга. Канад. 2013-2018