Монголын Барилгын Инженерүүдийн Холбооны Гавьяатууд нэмэгдлээ
Монголын Барилгын Инженерүүдийн Холбооны үүсгэн байгуулагчдын нэг, 2001-2015 оны Ерөнхийлөгч, 2015-2021 оны дэд ерөнхийлөгчөөр тус тус ажиллаж, холбооны өнөөг хүртэл гадаад дотоод үйл ажиллагааг бэхжүүлэх, хөгжүүлэхэд өөрийн хувь нэмрээ оруулсан төдийгүй Монгол Улсын барилгын салбарт олон зуун инженерүүдийг бэлтгэх, чадавхижуулах, салбарын норм норматив баримт бичгийг боловсруулах гэх мэт Монгол Улсын барилгын салбарыг хөгжүүлэхэд их үйлсэд хүчин зүтгэж буй Доктор, дэд профессор, Монгол Улсын Зөвлөх инженер, Монгол Улсын Инженерийн ухааны үндэсний академийн гишүүн Жалайр овогт Эрдэнийн Ганзориг нь Монгол Улсын Ерөнхийлөгчийн зарлигаар “Гавьяат барилгачин” төрийн дээд цолоор, Холбооны 2013 оны “Хүндэт гишүүн”, ШУТИС-ийн БАС-ийн Доктор, дэд профессор, Монгол Улсын Зөвлөх инженер Жүгдэрийн Гэрэлхүү нь “Гавьяат багш” төрийн дээд цолоор тус тус шагнагдлаа.
Монголын Барилгын Инженерүүдийн Холбооны ерөнхийлөгч А.Ариунболд болон Удирдах зөвлөлийн төлөөллүүд эрхэм хүндэт гавьяатуудыг хүлээн авч хүндэтгэл үзүүллээ. Гавьяат барилгачин Э.Ганзориг, Гавьяат багш Ж.Гэрэлхүү нартаа Монголын барилгын салбарын мянга мянган инженерүүд, Холбооны гишүүдийн нэрийн өмнөөс баярын мэнд дэвшүүлж, амьдралд тань сайн сайхан бүхнийг хүсэн ерөөе.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.