Дэлхий даяар өнгөт мэдлэгийн тэргүүлэгч эх сурвалж гэдгээрээ хүлээн зөвшөөрөгдсөн Pantone Color Institute нь өнгөний ойлголт, шийдлүүдийг санал болгодог, өнгөний сорилтыг стратегийн хувьд шийдвэрлэхийн тулд үйлчлүүлэгчидтэйгээ хамтран ажиллаж, тэдний брэндийн алсын хараатай нийцсэн өнгө, дизайны арга барилыг хөгжүүлэн ажилладаг байна.

Pantone Color Institute-с жил бүр ямар өнгө трэнд болохыг танилцуулдаг. Тэгвэл энэ удаад 2000 оноос хойш 2022 он хүртэл интерьерт зонхилж байсан өнгөнүүдийг он оны дарааллаар түүвэрлэн танилцуулсаныг хүргэж байна. 

2000: Cerulean Blue

Cerulean Blue нь шинэ мянганы дотоод амар амгалан, сүнслэг байдлын сэтгэл ханамжийг санал болгосныг Pantone хэлж байж ээ. Физиологийн хувьд цэнхэр өнгийг харах нь цусны даралтыг бууруулдаг байна.

2001: Fuchsia Rose 

2001 оны Cerulean-аас холдсон Pantone-ийн мэргэжилтнүүд хоёр дахь удаагаа оны шилдэг өнгөөр тод Fuchsia Rose-г танилцуулжээ.

2002: True Red

Энд онд Pantone оны гурав дахь өнгөө сонгохдоо хүсэл тэмүүлэл, хүч чадал, хайр дурлал гээд бүгдтэй нь холбогддог жинхэнэ улаан өнгийг сонгосон байна. Гэрийнхээ агаар ихтэй задгай талбайд, магадгүй зочны өрөөндөө улаан өнгө оруулахыг зөвлөж байна.

2003: Aqua Sky

Бусад цэнхэр, ногоон өнгөнүүдээс сэрүүн, үүлгүй өдрийн тэнгэрийг санагдуулам 2003 оныг амар амгалангаар дүүргэнэ гэж найдаж энэхүү өнгийг сонгож байж ээ.

2004: Tigerlily

Tigerlily өнгө нь одоо ч загварлаг, шинэлэг хэвээр байна. Намуу цэцгийн дагалдах хэрэгсэл, дэр, чийдэн, хатаасан цэцэг зэргээр орон зайгаа чимээрэй.

2005:  Blue Turquoise

2003 оны Aqua Sky өнгөтэй төстэй ч арай бараан байгалийн гаралтай энэхүү өнгө нь далайг санагдуулдаг. Зөөлөн давлагаа, сэрүүн салхийг санагдуулам энэ өнгийг хаана ч байлгаж болох бөгөөд гал тогоо эсвэл угаалгын өрөөний хананд байвал илүү тааламжтай. 

2006: Sand Dollar

Энэ өнгө нь баялаг атлаа хөнгөн бөгөөд 2005 онд эрүүл мэнд, хоолны дэглэмээс гадна гэр, загвар, гоо сайхантай холбоотой органик хөдөлгөөнийг илтгэж байж ээ. Үүнийг цайвар цагаан өнгөтэй хослуулж, төвийг сахисан харагдуулах боломжтой.

2007: Chili Pepper

Тухайн үед сошиал медиа дөнгөж хөгжиж байсан бөгөөд энэхүү гүн улаан өнгө нь хувийн илэрхийлэлд итгэлтэй, нээлттэй, загвар зохион бүтээх чадвартай хандлагыг бий болгож байв. Гэрийн дизайн, загвараас гадна World Wide Web хэрэглэгчид энэ өнгийг тухайн үеийн нийгмийн мэдээллийн платформ дээр ашигласан байж ч магадгүй юм.

2008: Blue Iris

Blue Iris нь найдвартай, хүчтэй, сэтгэл хөдөлгөм өнгө нь юм.

2009: Mimosa

"Mimosa нь уран сэтгэмж, шинэчлэлийг өдөөдөг өнгө бөгөөд хэт нарлаг мэт орон зайг бий болгодог байна. 

2010: Turquoise

Энэ өнгийг харахаар танд халуун орны арал эсвэл бүр тод, үүлгүй тэнгэр төсөөлөгдөж байгаа байх. 2010 оны энэхүү шилдэг өнгө нь угаалгын өрөө, унтлагын өрөө эсвэл нарны тусгалтай ойр өрөөний ханыг будахад таатай бөгөөд таныг тайвшруулах болно.

2011: Honeysuckle

2011 оны сэтгэл татам, урам зоригтой, зөгийн балны өнгө нь Pantone-ийн хэлснээр, "Бидний өдөр тутмын бэрхшээлийг эрч хүчтэйгээр даван туулах зоригийг өгдөг" гэжээ. Жижиг унтлагын өрөөг тохижуулахдаа Honeysuckle өнгийг ашиглаж болох юм.

2012: Tangerine Tango

Энэхүү гайхалтай хэрнээ сэтгэл татам өнгө нь эрч хүчийг ялгаруулдаг, өнөөг хүртэл бидний гэрийн дизайнд ашиглах дуртай, хүсэн хүлээсэн, эрч хүчтэй өнгө хэвээр байгаа юм. Яагаад өөрийн орон зайд улбар шар өнгийн дагалдах хэрэгслийг багтааж болохгүй гэж…

2013: Emerald

Бага зэрэг тансаг байдал хэрэгтэй гэж үзэн 2013 онд тансаг зэрэглэлийн илэрхийлэл болсон сүр жавхлант Emerald өнгө орж иржээ. Энэхүү хүчирхэг өнгө нь амьд, гэрэлтсэн, зоримог, сайн сайхан байдал, тэнцвэр, эв найрамдлыг сайжруулах зорилготой. Маргад сандал, хар ногоон өнгийн гал тогоо эсвэл ногоон хилэн буйдангаар орон зайгаа чимж болно.

2014: Radiant Orchid

2013 оны Emerald нь өсөлт хөгжилт, хөгжил цэцэглэлтийн бэлгэдэл байсан бол Radiant Orchid нь уран сэтгэмжийг төрүүлсэн өнгө тул бүтээлч байдлаа сайжруулан байшингаа тус өнгөр чимээрэй. 

2015: Marsala

Pantone 2015 оны өнгөөрөө шороон Marsala сонгож, үүнийг улаан дарс шиг байгалийн бат бөх гэж тодорхойлсон байна.

2016:  Rose Quartz and Serenity

Rose Quartz and Serenity өнгө нь өдөр тутмын амьдралын стрессээс ангижрах боломжийг олгодог. Pantone-ийн хэлснээр, энэ хоёр өнгө нь "бидний итгэл найдвар, аюулгүй байдал, хүсэл эрмэлзлийг сэтгэл зүйн хувьд хангадаг өнгө юм." Та тайвшрахын хүсвэл Rose Quartz болон Serenity-г ногоон эсвэл мөнгөлөг саарал өнгөтэй хослуулаарай.

2017: Greenery

Энэхүү өнгийн ногоон байгууламжийн эрч хүчтэй, нөхөн сэргээх, байгалийн шинж чанарууд нь байгальруу нэг алхам ойртсон мэт санагдуулдаг.

2018: Ultra Violet

Pantone үүнийг "өнөөгийн хэт өдөөн хатгасан ертөнц"-өөс тайван замаар зугтсан гэж нэрлэжээ. 

2019: Living Coral

Утас, технологиор удирддаг ертөнцийн дунд Pantone 2019 онд амьд шүрийг дижитал хөдөлгөөнд жинхэнэ, сүнслэг шийдэл болгон танилцуулж байжээ. Зөөлөн энэ өнгийг цэнхэр, ногоон өнгөтэй хослуулбал "тасралтгүй өөрчлөгдөж буй орчинд" ая тухтай байдлыг бий болгодог.

2020: Classic Blue

2020 оны шилдэг өнгө болох сонгодог цэнхэр өнгө бол тогтвортой өөртөө итгэлтэй байдлыг илэрхийлдэг байна. 

2021: Ultimate Gray and Illuminating

Энэхүү хослолын нэг хэсэг болох Ultimate Grey нь хүчтэй бөгөөд бат бөх саарал өнгө юм. Нөгөө хэсэг нь гэрэлтүүлэгч бөгөөд эерэг байдлыг шингээдэг дулаан шаргал өнгө. Эдгээр өнгө нь хамтдаа хүчирхэгжүүлж, урам зориг өгөх зорилготой.

2022: Very Peri

Pantone 2022 оны цоо шинэ өнгийг зохион бүтээсэн бөгөөд тэрхүү эрч хүчтэй ягаан туяа нь Very Peri юм. Энэхүү өнгөний үзэл баримтлалын мөн чанар, ач холбогдол нь дэлхийн шинэчлэл, өөрчлөлтийг илэрхийлдэг.

Энэ жил та бүхнийг тусгаарлагдмал байдлаас гарч, дижитал болон физикийн шинэ ертөнцрүү ороход Very Peri хамт байх болно.

Pantone Color Institute-н Дэд ерөнхийлөгч Laurie Pressman хэлэхдээ, 

"Pantone оны шилдэг өнгө боловсруулалтын хөтөлбөр түүхэндээ анх удаа шинэ өнгийг бий болгосон нь дэлхий дахинд өрнөж буй шинэчлэл, өөрчлөлтийг харуулж байна" гэж ээ. 

Эх сурвалж: www.hgtv.com