KOMPAN тоглоомын үйлдвэрт Ази бүсийн ерөнхий менежерээр ажиллаж буй Жеспер Мёллер (Jesper Møller)- тэй ярилцлаа. 

Зүүн Европ, Төв Ази, Ойрхи Дорнод, Өмнөд Америк зэрэг олон улсын худалдааг хариуцаж ажиллаж буй тэрээр “Ажлын шугамаар олон улсад очиж нөхцөл байдалтай өөрийн биеэр танилцаж үйлчлүүлэгчиддээ биечлэн уулзах завшаан олон гарсан. Удахгүй БНХАУ-ын Шанхай хот дахь оффист суурин ажиллах ба Монгол улсад очих боломж олон гарна гэдэгт итгэж байна” хэмээн ярьсан юм.

Юун түрүүнд дэлхийд танигдсан KOMPAN тоглоомын үйлдвэрийн талаарх мэдээллийг уншигчдад өгөх нь зөв байх? 

KOMPAN тоглоомын үйлдвэр 1970 онд Дани улсад үүсгэн байгуулагдсан бөгөөд уран бүтээлч, уран барималч Том Линдхарт нь хүүхдүүд түүний баримал дээр авирч тоглож байхыг хараад тэдэнд зориулсан тоглоомууд бүтээх сэдэл төрснөөр үүсгэн байгуулсан гэдэг. 1970-аад онд Дани улсын иргэд ихээр хотруу шилжин суурьших болсноор энэхүү хүний тасралтгүй шилжилт хөдөлгөөн архитекторуудыг богино хугацаанд олон иргэдийг орон байртай болгох даалгаврын өмнө авчирсан. Тэд том хэмжээтэй, олон хүний багтаамжтай нийтийн байрнууд төлөвлөж эхэлсэн. Баригдсан барилгууд өнгө, дүрс муутай болсон мэт Том Линдхартад санагдаж тэрээр үүнийг өнгөлөг баримлын тусламжтай өөрчлөхийг хүссэн. Хагас зууны дараа KOMPAN нь хүүхдийн тоглоомын талбайн тоног төхөөрөмжийн тэргүүлэгч үйлдвэр болж жилдээ 300 сая ам долларын борлуулалтыг салбартаа мэргэшсэн 1400 гаруй ажилтны хамт хийж байна. KOMPAN-ны төв оффис Дани улсын Оденсе хотод байршилтай ба үйлдвэрүүд Чех, Польш, АНУ-д байдаг. KOMPAN нь сардаа 1,000 гаруй тоглоомын талбайг төлөвлөж, үйлдвэрлэж, суурилуулдаг. 90 улсад идэвхтэй, тогтмол үйл ажиллагаа явуулдаг, үүний 30 улсад өөрийн охин компаниа байгуулсан бол 60 улсад өндөр шалгуурыг хангасан төлөөлөгч түншүүдээрээ дамжуулан борлуулалт хийдэг.   

Монголын зах зээлд хэзээнээс нэвтэрсэн бэ? Мөн манай улсын хүүхдийн тоглоомын бодит байдлыг та юу гэж харав? 

Монгол Улсын зах зээлд 2020 оноос нэвтэрч эхэлсэн нь бидний үйл  ажиллагааны философи, бүтээгдэхүүн болон шийдлүүдийн цар хүрээ алхам алхмаар танигдаж эхэлж байна. Монголын хүүхдийн тоглоомын талбайн зах зээл хөгжлийн эхний шатдаа явж байна гэж би хувьдаа дүгнэдэг. Тиймээс бид хувийн хэвшил, барилгын салбарын мэргэжилтнүүд, боловсролын салбарын төлөөлөгчид, холбогдох улсын байгууллагуудад өөрсдийн мэдлэг, туршлага, шийдлүүдээ хуваалцах замаар илүү эрүүл, аз жаргалтай нийгмийн амьдралыг цогцлооход өөрсдийн хувь нэмрээ оруулахыг зорин ажиллаж байна. 

Хүүхдийн тоглоомын талбайд тавигддаг олон улсын стандартууд, мөн тэдгээрээс манай улсад алийг нь мөрдвөл зохистой талаар тайлбарлаач?

Олон улсад дэлгэрсэн хамгийн том агуулга бүхий хүүхдийн тоглоомын талбайн аюулгүй байдлын стандартууд бол Европын EN1176 болон АНУ-ын ASTM F1487-93 юм. Ихэнх тохиолдолд Европ болон АНУ-аас бусад улсад EN1176 стандартыг ашигладаг. KOMPAN үйлдвэрийн хувьд бид дэлхийн олон улсад үйл ажиллагаа явуулж бүтээгдэхүүнүүдээ нийлүүлдэг тул дээр дурдсан хоёр стандартыг ижил мөрддөг. Харин АНУ-аас бусад зах зээлд нийлүүлэгдэх тоглоомууд EN1176 стандартын дагуу зохион бүтээгдэж баталгаажсан байх нь элбэг. 

Монгол Улсын хувьд EN1176 стандартыг зөвлөх болно. Учир нь EN1176 илүү олон улсад дэлгэрсэн. EN1176 стандартын туршилт, баталгаажуулалтыг Германы TÜV байгууллага хийж гүйцэтгэдэг. Тиймээс таны сонгосон тоглоомууд хамгийн сүүлийн үеийн аюулгүй байдлын стандартад нийцэж байгаа эсэхийг мэдэхийн тулд та ханган нийлүүлэгчээс TÜV гэрчилгээг авахыг үргэлж хүсэж байгаарай гэж зөвлөх байна. Мөн Монгол Улс дахь үйлчлүүлэгчид, архитекторуудад тоглоомын сонголт хийхээс өмнө тухайн тоглоомын хүүхдэд авчрах үнэ цэн, хүүхдийн хөгжилд оруулах хувь нэмрийг сайтар анхаарч авч үзэх хэрэгтэй гэдгийг зөвлөмөөр байна. Өндөр төвшний хүүхдийн тоглоомын талбай нь хүүхдүүдийн аюулгүй байдлыг хангасан, сайн чанарын материал ашигласан байхаас гадна зөв төлөвлөлттэй байдаг.

Хүүхдийн тоглоомын талбайн чанарыг хэрхэн дүгнэх вэ? Ямар төрлийн материал хамгийн тохиромжтой вэ? 

Хүүхдийн тоглоомын талбайн зах зээл дээр түлхүү ашиглагддаг материалуудыг 

1. Ган төмөр ба хуванцар/PE 

2. Ган төмөр ба олс

3. Мод гэсэн үндсэн гурван ангилалд хуваан авч үзэж болно. 

Тоглоомын чанарыг үнэлэхэд ашигласан материалын үзүүлэлт болон үйлдвэрлэгчээс өгч байгаа баталгаат хугацааг харж болно. Жишээ нь бид өөрсдийн 19мм зузаантай EcoCore дахин боловсруулсан HDPE хавтандаа ашиглалтын хугацаа дуусах хүртэл баталгаа өгдөг. Энэ нь үйлдвэрлэгч өөрийн бүтээгдэхүүний чанарт хэр их итгэлтэй байгааг харуулдаг. Үүнээс гадна тоглоомын загвар, хийц нь чанарт нөлөөлдөг. Худалдан авагч мэргэжлийн нүдээр тоглоомыг үнэлж чаддаггүй. Тиймээс бид олонд танигдсан томоохон үйлдвэрүүдтэй ажиллахыг зөвлөдөг нь тэд илүү туршлагатай, урт хугацаанд бүтээгдэхүүний туршилт, сайжруулалт хийсэн, олон том төслүүдийг амжилттай хийж гүйцэтгэсэн гэх зэрэг давуу талууд ихтэй байдаг.

Бид зах зээл дээр чанарын талаар олон янзын ойлголт болон төвшинг харж байна. Бидний зүгээс хүүхдийн тоглоомын талбайн тоног төхөөрөмж нь хамгийн сайн чанарын материал болон хамгийн ухаалаг инженерчлэлийн шийдэл ашигласан байх хэрэгтэй гэж үздэг. Зөвхөн ингэж байж тоглоомууд урт хугацаанд ашиг тусаа өгч, засвар үйлчилгээ бага шаардана. Хүүхдийн тоглоомын талбайн тоног төхөөрөмжүүд цаг агаарын эрс тэс байдал, зохистой болон зохисгүй хэрэглээг даах чадвартай байх ёстой. Харамсалтай нь чанарын өндөр стандарт хангаагүй тоглоомууд эдгээр сорилтуудыг давж чадахгүй эвдэрч, өнгө үзэмжээ амархан алдагдахаас гадна худалдан авснаас хойш хэдхэн жилийн дараа дахин шинээр солих шаардлага үүсгэдэг. Худалдан авагч энэхүү урт хугацаанд гарах зардлыг анхны хөрөнгө оруулалтын тооцоололдоо тусгах хэрэгтэй.   

Тоглоомын талбайн загварт тавигдах шаардлага байдаг уу? Сайн загвартай тоглоомын талбай юуг агуулсан байх ёстой вэ? 

Хүүхдийн тоглоомын талбай хүүхдэд үнэ цэн авчрах ёстой гэдэгт бид бат итгэдэг. Тоглох нь өөрөө хүүхдийг амьдралын чухал ухаанд сургаж байдаг. KOMPAN үйлдвэрийн тоглоомууд нь хүүхдийг идэвхтэй тоглохыг дэмжсэн загвартай. Хүүхдүүд тоглоом дээр уйдахгүй олон удаа тоглож байж бие, оюун ухаан, сэтгэн бодох болон нийгмийн ур чадваруудад суралцаж хөгждөг.   

KOMPAN үйлдвэр хүүхдийн тоглоомын талбайн загвар боловсруулахдаа WOW, STAY болон DEVELOP гэсэн үндсэн гурван хүчин зүйлсийг хардаг. WOW хүчин зүйлд хүүхдүүдийг өөртөө татах гоёмсог ба сорилтод тоглоомууд багтдаг. Нэг үгээр хэлэхэд тухайн тоглоомыг хараад хүүхдэд гүйж очиж тоглох хүсэл төрнө. STAY хүчин зүйлд хүүхдүүдийг тоглоомын талбай дээр урт хугацаанд тоглох хүсэл эрмэлзлийг нэмэгдүүлсэн загвар, төлөвлөлт багтдаг. Өөрөөр хэлбэл тоглоомын талбай нь хүүхэд амархан уйдхааргүй олон төрлийн тоглоомын сонголтуудтай байх хэрэгтэй. DEVELOP хүчин зүйлд хүүхдүүдийг тоглох зуураа бие, харилцааны, хамтын ажиллагааны, сэтгэл зүйн болон бусад олон төрлийн ур чадваруудаа дээшлүүлэхэд эерэгээр нөлөөлөх тоглоом, төлөвлөлт багтдаг. Бид тоглоомын загварыг KOMPAN Play Institute судалгааны хүрээлэнгийн мэргэжилтнүүдийн тусламжтай зохион бүтээдэг. Олон судалгааны үр дүнд хүүхдийн хөгжилд бодитоор хувь нэмэр оруулах тоглоомууд бүтээгддэг. 

Танай байгууллага болон бүтээгдэхүүний  өрсөлдөгчдөөс ялгарах онцлог нь юу вэ?

KOMPAN нь хүүхдийн тоглоомын талбайн болон гадна талбайн фитнессийн хамгийн сайн шийдлийг зах зээл дээр гаргахыг эрмэлздэг. Бид энэхүү зорилгодоо бүх үзүүлэлтээр хүрч ажилладаг. Бидний санал болгож буй бүтээгдэхүүнүүд зах зээл дээр байгаа хамгийн сайн бүтээгдэхүүн гэдэгт итгэлтэй байж болно. Хэрэв намайг өрсөлдөгчдөөс ялгарах хэдхэн онцлогуудыг дурдаач гэвэл би хамгийн эхэнд манай үйлдвэрийн ДНК-д орших тоглоомын загвар болон тоглоомын инновацид өгдөг ач холбогдлыг хэлэх болно. 

Бидний санал болгож байгаа тоглоомуудын сонголтуудтай танилцвал маш гоёмсог, цаглашгүй загвартай, шинэлэг шийдлүүдийг агуулсан тоглоомууд их олон бий. Мөн түүнчлэн манай KOMPAN Design Studio үйлчлүүлэгч байгууллагуудын хэрэгцээнд тохирсон тусгай захиалгын (tailor-made/customized) тоглоомуудын загварыг гаргаж ажилладаг.    

Хоёрдугаарт судалгаа, хэрэглэгчийн туршилтыг зах зээл дээр өөр хаана ч байхгүй хэмжээнд хийж гүйцэтгэдэг давуу талыг нэрлэж болно. 

KOMPAN Play Institute судалгааны хүрээлэн нь 1980-д оноос хойш тоглоом болон тоглоомын талбайн хөгжүүлэлт, баримтжуулалтыг хийсээр ирсэн. Судалгаа хийж хүүхдийн хэрэгцээг олж мэдэх нь KOMPAN-ны инновацийн тулгуур багана. Тиймээс KOMPAN үйлдвэрийг сонгосон үйлчлүүлэгчид хүүхдийн хэрэгцээг бүрэн хангасан, хангалттай судлагдсан, туршигдсан шийдлүүдийг авч байгаадаа эргэлзэх хэрэггүй.  

Та хүүхдийн тоглоомын талбайн цаашдын хөгжлийг хэрхэн дүгнэж байна вэ?

Хүүхдийн хөгжих хэрэгцээ тасралтгүй байх тул тэр хэрэгцээг хангах шинэлэг шийдлүүд цаг үргэлж гарч ирнэ. Миний харж байгаагаар ойрын ирээдүйд дараах трендүүд илүү газар авах болов уу. Үүнд:

1. Зорьж очдог хүүхдийн тоглоомын талбайнууд (destination playgrounds) – Гэр бүлүүд чөлөөт цагаараа очиж тоглох том хэмжээтэй, хүүхдийн насны ангилалд хуваасан хүүхдийн тоглоомын талбайнууд. Зөвхөн Европ гэлтгүй олон улсад хот, дүүргийн захиргаа нь иргэд, оршин суугчиддаа зориулан нийтийн эзэмшлийн талбайгаа энэ загвараар тохижуулах болсон. Энэ нь иргэдийн ая тухтай байдал, эрүүл мэндэд эерэгээр нөлөөлсөн. Барилгын компаниуд хэрэгжүүлж буй төслүүддээ энэ төрлийн хүүхдийн тоглоомын талбай байгуулж төслийнхөө үнэ цэнийг өсгөдөг. Худалдааны төвүүд гадна талбайгаа тохижуулж илүү олон үйлчлүүлэгчдийг татдаг. 
2. Тогтвортой байдал (sustainability) – Дэлхийн олон улсууд тогтвортой хөгжлийн бодлого хэрэгжүүлж эхэлсэн ба аливаа үйл ажиллагааны байгаль орчинд үзүүлэх сөрөг нөлөөг үнэлдэг болсон. Энэхүү хөгжил нь хүүхдийн тоглоомын талбайн тоног төхөөрөмж үйлдвэрлэгчдэд мөн ялгаагүй нөлөөлөх ба үйлчлүүлэгчид илүү байгаль орчинд ээлтэй үйлдвэрлэл явуулах, байгаль орчинд хор хөнөөлгүй материал бүтээгдэхүүндээ ашиглах, илүү ухаалаг шийдлүүдийг боловсруулахыг шаардах болно. 
3. Гадна талбайн фитнесс (outdoor fitness) – Хүмүүс цэвэр агаарт дасгал хөдөлгөөн хийх хүсэл нь улам ихсэж, нас хүйс харгалзахгүй биеийн эрүүл мэнддээ илүү анхаарах болсон. Энэхүү хөгжил нь 21-р зууны хувьсаж байгаа амьдралын шинэ хэв маягтай холбоотой. Харамсалтай нь дийлэнх гадна талбайн бялдаржуулах төхөөрөмжүүдийн үр өгөөж муу байдаг. Тиймээс хэрэглэгчдийн зүгээс илүү үр дүнтэй төхөөрөмжүүд хөгжүүлэхийг үйлдвэрлэгчдээс хүсэх болно.    

Просум Интернэйшнл ХХК

Утас: 7711-7070, 9445-7565