2021 оны 9 сард Дани улсын нэгэн эмнэлэгт маш онцгой хүүхдийн тоглоомын талбайг ашиглалтад оруулсан нь KOMPAN үйлдвэрийн дахин боловсруулсан материалаар хийсэн GreenLine тоглоомын талбай юм.

KOMPAN үйлдвэр Дани улсын Рандерс хотын эмнэлгийн хуванцар хог хаягдлыг дахин боловсруулан цоо шинэ хүүхдийн тоглоомын талбайг хийж эмнэлгийн гадаах цэцэрлэгт хүрээлэнд суурилуулсан байна. 

Энэхүү тоглоомын талбайг анх хархад бусад буюу энгийн хүүхдийн тоглоомын талбайгаас онцгойрох зүйл байхгүй мэт санагдана. Харин илүү сайн анзаарч харвал НҮБ-ын тогтвортой хөгжлийн зорилтуудыг илтгэх 17 өнгө бүхий логог “Дахин боловсруулалт”-ын логоны дэргэд олж харах болно. Магадгүй энэ 2 лого нэг зүйлийг илэрхийлж байгаа байх. 

Гэвч юуг? 

Энд суурилуулсан хүүхдийн тоглоомын талбайн тоног төхөөрөмжийн загварууд нь KOMPAN үйлдвэрийн олон жилийн турш үйлдвэрлэж байгаа загваруудтай тун ижилхэн харагдана. “Таны харж байгаа хүүхдийн тоглоомын талбай бусад талбайгаас маш онцгой. Учир нь тоног төхөөрөмжүүд нь бүгд дахин боловсруулсан материалаар хийсэн” хэмээн хатагтай Дорте Торуп-Кьярулф, KOMPAN үйлдвэрийн Тогтвортой хөгжлийн төслүүдийн хариуцагч хэлсэн юм. 

“Бид уг хүүхдийн тоглоомын талбайг НҮБ-ын Тогтвортой хөгжлийн зорилтуудыг дэмжих үүднээс хийж гүйцэтгэсэн. Энэхүү төслөөрөө дамжуулан түүхий эдийг дахин боловсруулах замаар төр, хувийн хэвшлийн хамтын ажиллагаа хэрхэн нүүрсхүчлийн хийн ялгаруулалтыг багасгахад бодитой хувь нэмэр оруулах боломжтойг харуулсан. 

Төсөл нь KOMPAN үйлдвэр, Рандерс хот, Төв Ютланд муж, Төв Ютланд мужийн газар нутагт орших эмнэлгүүд, хуванцар хог хаягдлыг нунтаглах “Dansk Affaldsminimering ApS” үйлдвэр, ногоон эдийн засгийн “Compas” стратегийн төв зэрэг байгууллага нарын олон талт хамтын ажиллагааны үр дүнд амжилттай хэрэгжсэн. Үйлдвэрлэлд бүс нутгийн эмнэлгүүдээс 2 жилийн хугацаанд цугларсан 300 гаруй кг хуванцар хог хаягдлыг ашигласнаас гадна далайн хуванцар хог хаягдал, хаягдал хүнсний сав баглаа боодол, хаягдал хувцас /даавуу, хаягдал гутал хүртэл ашигласан. Үүний үр дүнд бид анхдагч түүхий эд ашигласантай харьцуулбал 54 хувиар бага нүүрсхүчлийн хий ялгаруулсан. Үүнээс гадна дахин боловсруулсан материалаар хийсэн тоног төхөөрөмжүүдийн ашиглалтын хугацаа дуусахад дахиад ч боловсруулах боломжтой.”

Sustainable Playground in Randers гэдэг нэртэй YouTube бичлэгээс хатагтай Дорте Торуп-Кьярулф уламжлалт материалаар хийсэн хүүхдийн тоглоомын талбайг дахин боловсруулсан материалаар хийсэн тоглоомтой харьцуулж, дахин боловсруулсан материалаар хийсэн тоглоомын талбай бол ирээдүй гэдгийг итгэл дүүрэн хэлэхийг үзэх боломжтой ба үүнтэй санал нэгдэх хүмүүс ч олон байх болов уу. Тогтвортой хөгжлийг эрэлхийлэхдээ бид өөрсдийн хэрэглээ, хандлага, бодлоо өөрчлөхөөс өөр аргагүй юм.   

Төслийн дэлгэрэнгүй

Төслийн нэр: The Circular Playground

Байршил: Рандерс хот, Дани улс

Түншүүд: KOMPAN, Рандерс хотын захиргаа, Төв Ютланд муж, Dansk Affaldsminimering ApS

Багийн бусад гишүүд: Randers Regional Hospital, Aarhus University Hospital, Horsens Regional Hospital 

Архитектор: Александр Сундберг (KOMPAN)

Хүүхдийн тоглоомын талбайн үйлдвэрлэгч: KOMPAN

Ашиглалтад орсон огноо: 2021 оны 9-р сар

Вэб сайт: http://prosum-mongolia.com/

Холбоо барих: 77117070, 94457565, 90117090