Шинэ жилийн баярыг гоёл чимэглэлгүйгээр төсөөлөхийг аргагүй. Он солигдох тэр мөчийг хайртай гэр бүлийнхэнтэй өөрсдийн гараар бүтээсэн чимэглэлийн хамт угтах нь дурсамжийн тань тоог нэгээр нэмэх нь гарцаагүй. Ирж буй энэхүү баярт зориулан гэрээ гоёж, чимэглэх нь эзэгтэй бүрийн л хүсэл. Гэр бүлийнхнийгээ баярлуулахын тулд өөрийн гараар урласан дахин давтагдашгүй чимэглэл, гэрэл, лаа зэрэг нь баярыг тань улам чимж дурсамж үлдээх болно. 

Энэ дугаартаа эзэгтэй нартаа зориулан гэр бүлийнхэн, хүүхдүүдтэйгээ хамтран шинэ жилийн чимэглэлийг өөрсдөө хийх санаануудыг танилцуулж байна. Хамтдаа хийж чимэглэлээ улам баяжуулаарай.

1. Өөрөө урласан гацуур мод

Жижигхэн байртай тул том гацуур гэрт багтахгүй, зай талбай эзэлнэ гэж үзэн гацуур модгүй шинэ жил угтдаг айлууд цөөнгүй бий. Харин тэр зай талбай эзэлж буй уламжлалт гацуурыг ханандаа буулгах бүрэн боломжтой. ханан дээрээ зурах, эсвэл гэрлээр ганган гацуур мод хийж ч болно. 

Бидний идэх дуртай зайрмагны иш модоор жижигхэн гацуур хийж болно. Түүнийгээ хүссэн өнгөөр будаж, саа цацан чимэглээрэй. 

2. Дарсны бөглөөгөөр чимэглэл хийх арга. Танд заавал олон ширхэг дарсны бөглөө шаардлагүй. Ердөө хоёрхон ширхэг байхад л хос  чимэглэл хийж болох юм. 

3. Шилэн чимэглэл 

Шилэн чимэглэл хийхэд танд хоосон шилэн сав эсвэл шилэн савтай лаа байхад л хангалттай. Тэгээд шилний гадна талыг гуашан будгаар хүссэн чимэглэлийн дүрсээ гаргаж будна. 

4. Хээ үлдээж чимэглэл хийх 

Та бяцхан үрийнхээ гар болон хөлийнх нь хээг зураг зурдаг зузаан цаасан дээр буулгаарай. Ингэхдээ арьсан дээр буддаг дараа нь арилдаг зориулалтын будаг ашиглахаа мартуузай. Харин тэрэн дээрээ шинэ жилийн баяртай холбоотой жижиг чимэглэл хийгээд ханандаа наах эсвэл жаазлаад өлгөж болох юм. Энэ нь хүүхэдтэйгээ бүтээсэн нандин бүтээл болно гэдэгт итгэлтэй байна. 

5. Баярын ширээнд зориулсан чимэглэл

Шинэ жилийн баяраар эзэгтэй бүр хайртай дотны хүмүүстээ баярын ширээ засаж, олон төрлийн жороор гайхшруулахыг хичээдэг. Харин амтат хоолноос гадна танай ширээ хүртэл баярын уур амьсгалтай байвал гоё биш гэж үү.  Хамгийн түрүүнд мэдээж ширээний бүтээлгэ чухал юм. Шинэ жилийг санагдуулам өнгө бол мэдээж улаан өнгө. Тэгэхээр улаан өнгийн ширээний бүтээлгэ байж болох юм. Бүтээлэг нь дээрээ цаа буга эсвэл цасан ширхгийн чимэглэлийн зурагтай байж болно. Мөн баярын ширээг лаагүйгээр засдаг байсан бол энэ удаад та лаа асаагаад гэрлээ бүдгэрүүлээд үзээрэй. 

Амтат хоолны таваг, оргилууд дарсны хундага тань шинэ жилийн чимэглэлтэй байна гээд төсөөлдөө. Тунгалаг хундагандаа наадаг шинэ жилийн чимэглэлийг өөрийн гараар наагаарай. 

6. Оймсон чимэглэл нь шинэ жилийн уур амьсгал амьсгал оруулдаг өвөрмөц чимэглэл юм. Эзэгтэй танд оёдлын машин байхад л хангалттай. Зураг дээр харагдаж байгаа шиг оймс оён дотор нь төрөл бүрийн чимэглэл, чихмэл тоглоом хийгээд л болно. 

7. Мөчрөөр хийсэн чимэглэл

Байгалийн газарт унасан мод, мөчир, навчаар жижиг хэмжээний чимэглэл хийж болно. Төрөл бүрийн хэлбэрт оруулж цавуугаар наах эсвэл утсаар бэхлээд л бэлэн болно. 

8. Сантатай календарь 

Цаасан дээр сантагийн малгайг зурж өнгөөр будаад хайчилж авна. Дараа нь нүүрийг нь зурж хооронд нь наагаад доод хэсэгт нь календарын он сарыг бичнэ. Эцэст нь хөвөнгөөр бөмбөлөг хийж сахлыг тогтооно. Үүнийг зураг зурах сонирхолтой хүүхдүүд дуртай хийдгийг дуулгая. 

9. Номын хуудсаар хаалганы өлгүүр хийх 

Хэрвээ танд хэзээ ч дахиж уншихгүй эсвэл хуучирч урагдсан ном байгаа зурган дээр шиг шинэ жилийн хаалга болон хананд өлгөдөг чимэглэл хийгээрэй. Зузаан утсан уяанд номын хуудсыг сүвлэж хийгээд л бэлэн болно. Дараа өөрийн хүссэн чимэглэлээ нэмж хийж болно.  

10. Жижиг гацуур мод хийх 

Үүнийг хийхийн тулд танд картонан цаас, тугалган цаас, цавуу, саа эсвэл тоглоомон чимэглэл байхад хангалттай.