Чадварлаг vл хөдлөх хөрөнгө зуучлалын агенттай ажиллаж буйг тань илтгэх 5 шинж
Хэрэв та өмнө нь үл хөдлөх хөрөнгө худалдаж авсан эсвэл зарж байсан бол бүх агентууд хоорондоо адилгүй гэдгийг аль хэдийн мэдэх байх. Тэдний мэргэжлийн болон харилцааны ур чадвар, зах зээлийн мэдлэг, таны сэтгэлийг хөнгөвчлөх чанартай үйлчилгээгээр хангах зэрэг хүчин зүйлс хүмүүс хооронд их ялгаатай байдаг.
Тиймээс шилдэг агенттай хамтран ажиллаж буй эсэхээ олж мэдэхэд тань туслах зарим арга замуудыг хуваалцъя.
- Чадварлаг агент хамтран ажиллах үйл явцыг танд тодорхой тайлбарладаг. Үл хөдлөх хөрөнгө зуучлалын үйл явц нь анх удаа энэ салбартай танилцаж буй хүмүүс төдийгүй салбарт ажиллаж буй хүмүүсийг ч төөрөгдүүлдэг амаргүй зүйл. Харин шилдэг агент үйл явцын алхам бүрийг танд тодорхой тайлбарлаж өгдөг. Үл хөдлөх хөрөнгө зуучлалын аяллаа эхлүүлж буй та агенттай хийсэн анхны уулзалтаар мэдээлэлтэй, аюулгүй, итгэлтэй мэдрэмжийг авах ёстой. Тийм учраас CENTURY 21-н агентууд нь “Худалдан авагч, Худалдагчийн үйлчилгээний баталгаа” буюу үл хөдлөх хөрөнгийг худалдах онцгой эрх бүхий гэрээг харилцагчтайгаа байгуулдаг.
- Тэд ил тод, шударга байдаг. Бидний ямар ч харилцаанаас хүлээдэг зүйл бол үнэнч шударга байдал шүү дээ. Чадварлаг агент таныг чухал шийдвэр гаргахад туслах шаардлагатай мэдээллүүдээр хангаад зогсохгүй чин сэтгэлийн зөвлөгөө өгдөг. Та дутуу эсвэл худал мэдээлэл хүлээн авч буй мэдрэмжийг мэдрэх ёсгүй. Хэдий муу мэдээ байсан ч агент тань эргэлзэлгүй танд үнэнийг хэлж байгаа бол энэ нь шударга чанарын илэрхийлэл юм. Түүний ашиг орлого эсвэл хэлэлцээнд сөргөөр нөлөөлж болзошгүй мэдээг танд мэдэгдэж байгаа бол агент тань шударга байдал, нэр хүндээ юу юунаас илүүтэй эрхэмлэдэг чадварлаг нэгэн гэдгийг илтгэнэ. Яг л ийм төрлийн агенттай та дахин хамтран ажиллах хүсэл төрөх болно. CENTURY 21-д бид агентууддаа насан туршийн харилцааг бий болгохыг зааж сургадаг бөгөөд үүнийг зөвхөн ил тод, шударга харилцаагаар л олж авах боломжтой байдаг.
- Тэд танд хүндлэл үзүүлдэг. Жинхэнэ чадварлаг агент нь гэрээний хэмжээнээс үл хамааран харилцагч бүртээ ижил анхаарал халамж, хүндлэлийг үзүүлдэг. Та хотын төвд байрлах орон сууцны хотхоноос жижиг байр авах, хотын захад үзэсгэлэнтэй зуслангийн байшин худалдаж авахаас үл хамааран таны агент ижил хүсэл эрмэлзэл, урам зоригтойгоор танд үйлчилгээ үзүүлж таны ямар санаа зовнил, асуудлыг шийдвэрлэхэд бэлэн байдаг. CENTURY 21-н агентууд үйлчлүүлэгчийнхээ ашиг сонирхлыг өөрийнхөөс дээгүүр тавих үүрэг хүлээсэн байдаг тул үйлчлүүлэгч бүрт 121%-н сэтгэл ханамжтай үйлчилгээг санал болгодог зарчимтай.
- Тэд сошиал медиаг идэвхтэй ашигладаг. Энэ нь ямар ч зорилгогүйгээр өдөржин сошиал медиаг гүйлгэж өнгөрөөх гэсэн үг биш юм. Чадварлаг агент нь олон нийтийн мэдээллийн хэрэгслийг ашиглан зөвхөн өөрийгөө болон листингээ сурталчлах бус мөн үл хөдлөх хөрөнгийн чиг хандлага, статистик, олон нийтийн үйл ажиллагаанууд зэрэг хэрэгтэй мэдээллүүдийг найз нөхөд, дагагчидтайгаа хуваалцах замаар харилцаа холбоо бий болгодог. Тэд мөн сошиал медиаг ашиглан үйлчлүүлэгчдийнхээ амьдралтай холбоотой шинэлэг мэдээллүүдээс хоцролгүй байж, тэдэнтэй харилцаагаа бэхжүүлдэг. Өөрөөр хэлбэл, шилдэг агентуудын хувьд сошиал медиань зөвхөн бизнесийн хэрэгсэл төдийгүй өөрсдийн хүрээлэлдээ бий болгосон насан туршийн харилцаануудаа хадгалахад туслах хэрэгсэл байдаг.
- Тэд нийгэмдээ хувь нэмрээ оруулдаг. Шилдэг агентууд өөрсдийгөө нийгмийн нэг хэсэг гэдгийг ойлгодог бөгөөд өөрсдийн хувь нэмрээ оруулж, чин сэтгэлээсээ анхаарал хандуулдаг. Тийм учраас хэрэв та сайн дурын ажил хийж, хандивын үйл ажиллагаанд оролцож, мод тарьж, цусаа хандивлаж, олон нийтийн арга хэмжээнд бусадтай гайхалтай цагийг өнгөрүүлж байгаа агентийг харсан бол эдгээр нь тухайн хүнэнэхүү бизнесийг зөв шалтгаанаар хийж буйн илэрхийлэл юм шүү. Тийм учраас “CENTURY 21 MONGOLIA” болон салбар брокерууд нь нийгмийнхээ хөгжилд хувь нэмрээ оруулах зорилготойгоор сайн дурын хэд хэдэн арга хэмжээг төлөвлөн зохион байгуулдаг.
Хэрэв та эдгээр шинжүүдийг өөртөө агуулсан үл хөдлөх хөрөнгө зуучлалын агенттай хамтран ажиллах аз завшаан тохиосон бол тэд хэрхэн танд 121%-н сэтгэл ханамжтай үйлчилгээг зориулсныг цахим орчинд эерэг сэтгэгдэл үлдээж, тэдний сошиал медиад мессеж үлдээн хуваалцаарай. Шилдэг агентууд нь амнаас ам дамжсан яриагаар дараагийн үйлчлүүлэгчээ олдог.
Тиймээс найз нөхөд, гэр бүлийн гишүүддээ тухайн агентийг санал болгож өөрийн талархал, сэтгэлийг илэрхийлээрэй. Учир нь та энэ агент хамгийн шилдэг үйлчилгээг тэдэнд санал болгоно гэдгийг аль хэдийн мэдэж байгаа шүү дээ.
Вэб сайт: https://c21.barilga.mn/
Утас: 77012121
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.