Хагас тэрбум долларын хөрөнгөтэй дэлхийн хамгийн баян нохой болох Герман овчарк Гүнтер VI-н Миами дахь эдлэн газрыг 31.75 сая доллараар зарах гэж байна. Энэхүү гоёмсог үл хөдлөх хөрөнгө нь 1990-ээд оны поп хөгжмийн домогт дуучин Мадоннад харьяалагддаг байсан ба тэр 7.5 сая доллараар худалдаж авч байжээ.Гүнтер VI нь чинээлэг эздээсээ эд хөрөнгийг нь өвлөн авсан анхны гэрийн тэжээвэр амьтан биш юм.

Дизайнер Карл Лагерфельд таалал төгсөхдөө 195 сая долларын хөрөнгөө Чоупет хэмээх муурандаа, Леона Хелмсли мөн бүх хөрөнгөө Троубл нэртэй нохойндоо үлдээсэн байдаг.

Гүнтерийн домог бараг 20-оод жил үргэлжилсэн. Карлотта Либенштейн хэмээх Германы гүнтэн 1992 онд нас барахдаа Гүнтер III нохойдоо олон саяын хөрөнгөө үлдээсэн түүхтэй. Гүнтер VI үл хөдлөх хөрөнгийн хөрөнгө оруулалт, стратегийн төслүүдийн ачаар хөрөнгийн хэмжээ нь 500 сая доллар хүртэл өссөн байна. Энэ нохой нь 40 жилийн турш зургаан үе дамжсан удам угсаатай гэсэн цуу яриа байдаг.Гэхдээ хагас тэрбумын хөрөнгөтэй энэхүү нохойны тухай үлгэр нь Италийн ҮХХ-н “Гүнтер групп”ын гайхалтай найруулсан жүжгээс өөр юу ч биш юм. Багамын арлуудад бүртгэлтэй тус групп нь Багамын арлууд, Тоскана, Милан, Флоренц зэрэг дэлхийн өнцөг булан бүрт байрлах ҮХХ-нд хөрөнгө оруулалт хийж эзэмшин үйл ажиллагааг явуулдаг. Гүнтер Мөн тус групп үл хөдлөх хөрөнгө, хэвлэл мэдээлэл, спорт, цэнгээний газар, шинжлэх ухааны судалгааны төв зэрэгт хөрөнгө оруулалт хийсэн. Гүнтер бол тус корпорацийн өхөөрдөм үслэг сахиусан тэнгэрээс өөр юу ч биш.Гүнтер корпораци 2000 онд Поп од Мадоннагийн хуучин үл хөдлөх хөрөнгийг худалдаж авсан. Майамигийн Брикелл өргөн чөлөөний 3029 тоот дахь хувийн үл хөдлөх хөрөнгө нь нэр хүндтэй хороололд байрладаг ба 51,000 хавтгай дөрвөлжин талбай бүхий газартай, 100 футын усан сантай, том хэмжээтэй хувийн эдлэн газар дээр байрладаг хувийн орон зайг бий болгосон. Энэхүү гайхамшигт хаус нь 1928 онд баригдсан бөгөөд түүнээс хойш хэд хэдэн удаа шинэчлэн засварлагдсан. Газар дундын тэнгисийн хэв маягийн архитектуртай бөгөөд 9 унтлагын өрөө, 8 угаалгын өрөө бүхий 8400 хавтгай дөрвөлжин хэмжээтэй.

Зургаан байшин бүхий онцгой нууцлаг бүс бөгөөд дээрхи ҮХХ усан онгоцны зогсоолтой цорын ганц байшин юм. Гадна тохижилт нь төгс арчилгаатай ногоон байгууламж, хашаа, өндөр далдуу мод, чулуун зам, ар талдаа өргөн тавцантай үзэсгэлэнтэй усан сантай. Газар дундын тэнгисийн хэв маяг бүхий дотоод засал чимэглэл нь том шаттай нуман хаалгатай чулуун орц, задгай зуух, үйлчлэгчийн өрөө болон бусад зүйлсийг багтаасан ба зочны өрөөнд Гүнтер IV-н алтадмал жаазтай хөрөг хүртэл байдаг.Майами Брикелл наран шарлагын газраас хэдхэн минутын зайд оршдог бөгөөд ирээдүйн эздэд сэргээн засварлаж дахин өөрчлөх сайхан боломж юм. Гүнтер VI баян тансаг амьдралын хэв маягтай. Түүнийг хэд хэдэн асрагчид халамжилдаг ба тэрээр хувийн онгоцоор аялж, стейк, түрс иддэг. Мөн олон дарвуулт онгоц, машин эзэмшдэг бөгөөд дуудлага худалдаагаар 1.1 сая долларын цагаан трюфель хүртэл худалдаж авч байсан. Түүний эдлэн газарт амьтдад туслах Gunther Rescue нийгэмлэгийг мөн байгуулжээ.

Эх сурвалж: Forbes.com