Улсын төсвийн хөрөнгө оруулалтаар Барилга, хот байгуулалтын яамны захиалгаар хийгдсэн “Багануур үйлдвэрлэл технологийн парк”-ийн хэсэгчилсэн ерөнхий төлөвлөгөө, инженерийн шугам сүлжээний зураг төслийг боловсруулах гэрээт ажил дууслаа.   

Зураг төслийг “Мон-Энержи Консалт” ХХК гүйцэтгэж, Барилгын хөгжлийн төв захиалагчийн хяналтыг хэрэгжүүлэн ажилласан бөгөөд өнөөдөр “Багануур үйлдвэрлэл технологийн парк” ОНӨТҮГ-ийн төлөөллүүдэд зураг төслийг хүлээлгэж өгсөн юм. 

Тус паркийн үйл ажиллагаа нь “Алсын хараа-2050” урт хугацааны хөгжлийн бодлого, Монгол Улсын Засгийн газрын үйл ажиллагааны хөтөлбөр, үндсэн чиглэлд тусгагдсан бөгөөд Зүүн бүсийн түүхий эдийн нөөцөд тулгуурлан импортыг орлох, экспортын чиглэлтэй, дэвшилтэт технологийг нэвтрүүлэх томоохон үйлдвэрүүдийг кластер зохион байгуулалтад оруулсан, нийгэм эдийн засгийн хөгжилд үнэтэй хувь нэмэр оруулах аж үйлдвэрийн цогцолбор болохоор төлөвлөгдсөн юм.