Британийн дуучин Робби Уильямс болон түүний эхнэр Айда Филд нарын эзэмшиж буй “Комптон Бассетт” хаусыг 6.75 сая фунт стерлингийн үнээр худалдахаар Английн Үл Хөдлөх Хөрөнгийн жагсаалтад оруулжээ.

Ойролцоох Вилтширийн Комптон Бассетт тосгоны нэрээр нэрлэгдсэн 72 акр газартай Комптон Бассетт хаусыг ноён Уильямс 2009 онд 8.1 сая фунт стерлингээр худалдаж авснаас хойш түүний өмчлөлд шилжсэн билээ. 

47 настай ноён Уильямс "Комптон Бассетт хаус бол манай гэр бүлийн хувьд төгс хоргодох газар минь байсаар ирсэн. Цэцэрлэгүүд, моднууд биднийг ид шидээрээ гайхшруулж, бороотой өдрүүдэд бид усан бассейны эргэн тойронд тоглож, хөгжилддөг байсан" гэж Knight Frank Үл Хөдлөх Хөрөнгийн агентлагаар дамжуулан мэдэгджээ. 

Байшингийн дундуур эргэлддэг үзэсгэлэнт гудамжруу харсан долоон унтлагын өрөөтэй байшин нь 1929 онд баригдсан бөгөөд өмнө нь нэрт архитектор, дизайнер Сэр Норман Фостер эзэмшиж байсан нь гайхмаар зүйл биш юм. Орчин үеийн сонгодог архитектур бүхий уг хаус нь дотор усан сангаас гадна биеийн тамирын заал, уурын өрөө бүхий амралт зугаалгын хэсэг, билльярдын өрөө, тансаг гал тогооны өрөө, мөн хоёр угаалгын өрөө, хос хувцас солих өрөө, зочны өрөө, ажлын өрөө, дээд давхарт гарах далд шат бүхий үндсэн унтлагын өрөө зэргээс бүрдэнэ.

Агент Руперт Свитинг уг байшинг "Хэдийгээр манай үйлчлүүлэгчид уг хаусыг орхин явах гэж байгаадаа гунигтай байгаа ч дараагийн эзэд нь тэдэн шиг хайртай байх болно гэдэгт итгэлтэй байна" хэмээн өгүүлжээ. 

Тус хаус нь тосгоны захад байрладаг давуу талтай бай ба эргэн тойронд үзэсгэлэнтэй цэцэрлэгүүд, хувийн сууцнуудтай хамгаалалтыг бүрэн хангасан газар нутагт оршдог. Мөн өргөн цэлгэр талбайтай нисдэг тэрэгний зогсоол, цэцэрлэг, теннисний талбай, хөл бөмбөгийн талбай, ажилтнуудын сууц,  тусдаа зуслангийн байшин зэрэг оршино. 

Ноён Уильямс "Комптон Бассетт” хаус бол гэр бүлээрээ инээд хөөртэй цагийг өнгөрөөхөд тохирсон, гэр бүлд ээлтэй байшин ба "Ирээдүйн эзэн нь бидэнтэй адил таашаал авч, аз жаргалтай байна гэж найдаж байна" хэмээжээ

Тэрээр бие даасан карьераа амжилттай эхлүүлэхээсээ өмнө Британийн "Take That" хөвгүүдийн хамтлагийн нэг хэсэг болж алдар нэрд гарсан билээ. Тэр Angels, Rock DJ, Let Me Entertain You зэрэг олон алдартай хит дуунуудтай билээ.

Эх сурвалж: Mansion global