Барилгын эдэлгээний хугацаа, ажлын чанарыг сайжруулах, өөрийн өртгийн хямдруулах, Экологийн цэвэр орчныг бүрдүүлэх, хаягдалгүй технологи бий болгох, эрчим хүч болон илүүдэл зардал хэмнэх зорилгоор барилгын технологид хуурай хольц ашиглах дэвшилтэт технологи нэвтэрсэн байна (1).

Хуурай бетон хольц нь олон улсад анх 1935 оны үед ахуйн хэрэглээнд бага хэмжээгээр ашиглах зорилгоор зах зээлд гарч эхэлсэн байна. Энэ бүтээгдэхүүн зах зээлд гарахаас өмнө, хэрэглэгчид өөрсдөө цемент, элс, хайрга зэргийг тус тусад нь өөр өөр газраас худалдан авдаг байсан нь цаг хугацаа шаардсан, төвөгтэй ажил байсан байна. (2).  Хуурай хольц зах зээлд гарч ирснээр эдгээр төвөгтэй байдал шийдвэрлэгдэж хэрэглэгчдэд илүү хялбар болсон байна. Улмаар гэрээт компаниуд, үйлчилгээний газрууд тоног төхөөрөмж суурилуулах, барилгын ажилд хэрэглэх, жижиг засварын ажилд ашиглах зэргээр хэрэглээ нь тэлсэн юм. 

Өмнө нь хуурай бетон хольцын орц зөвхөн цемент болон дүүргэгчээс бүрддэг байсан бол өдгөө хольцын найрлагад 20 гаруй төрлийн нэмэлт бүтээгдэхүүнийг ашиглаж байна. Жишээ нь, барьцалдуулагч (хурдан бэхэждэг цемент болон бусад цементийн төрлийн барьцалдуулагч), химийн болон эрдэс нэмэлт (хурдасгагч, удаашруулагч, агшилт тэнцвэржүүлэгч, реологийн шинж чанарыг тохируулах ус багасгагч, агаар оруулагч, агаар устгагч), полимерүүд, утаслаг хэрчдэсүүд зэрэг нэмэлт орцуудаар бүтээгдэхүүний орцыг баяжуулан хэрэглэж байна (3). 

Өнөөгийн байдлаар, зах зээл дээр олон төрлийн савлагаатай төрөл бүрийн хуурай хольц худалдаалагдаж байна. 

АНУ-н  хувьд нийт портландцементийн хэрэглээнээс харахад нийт цементийн хэрэглээний 68.6%-ийг бэлэн бетон зуурмаг эзэлж байгаа бол 2.5%-г хуурай бетон хольц эзэлж байна (4). 

“Премиум Бьюлдинг Материалс” ХХК нь хэрэглэгчийн асуудлыг шийдэж, үнэ цэнэ өгөх 3 төрлийн хуурай хольцыг стандартын шаардлага  хангасан дүүргэгч материалыг ашиглан, мэргэшсэн лабораторийн чанарын хяналтын доор үйлдвэрлэн “PREMIX” нэртэйгээр зах зээлд гаргаж байна. Энэхүү хуурай хольц нь зуурч хэрэглэхэд хялбар, хөдөлгөөнт чанар өндөр, стандарт бат бэхтэй, чанарын баталгаатай, цаг хугацаа хэмнэсэн, бүтээмжийг нэмэгдүүлсэн зэрэг давуу талуудтай. 

“PREMIX” хуурай бетон хольц ямар асуудлыг шийдсэн бэ?

Бидэнд өөрсдийн үл хөдлөх хөрөнгө эсвэл газартаа  бага хэмжээний бүтээц эсвэл засвар хийх шаардлага байнгын гарч байдаг. Тэрхүү бага хэмжээтэй хэрэглээний хувьд их хэмжээгээр нь бетон зуурмаг захиалах нь мэдээж тохиромжгүй, мөн өөрсдөө олон цэгүүдээс материал цуглуулах, өөрсдийн баримжаагаар бетон зуурах зэрэг нь материал, цаг хугацаа, зардал мөнгийг гарздах бөгөөд цаашилбал чанаргүй, эдэлгээгүй зүйл хийхэд хүргэдэг. Тиймээс эдгээр асуудлыг шийдэхийн тулд бүгдийг нэг шуудайд багтаасан бэлэн хуурай бетон хольцоор шийдэх нь зүйтэй юм.

Жишээ нь: Дараах зураг дээр хувийн орон сууцны тохижилтыг дараах байдлаар, хуурай бетон хольц ашиглан хийж болно

Бүтээгдэхүүний төрөл

Хуурай бетон хольц нь зориулалт, хэрэглээнээс хамааран олон төрөл байдаг бөгөөд PREMIX хуурай хольцыг одоогоор 3 төрлөөр үйлдвэрлэн зах зээлд гаргаад байна. Үйлдвэрлэн гаргаж буй бүтээгдэхүүн тус бүрийн хэрэглээ, болон зориулалтыг доор тайлбарлан хүргэж байна. 

1.    PREMIX- Хуурай бетон  

Хуурай бетон хольцыг 50мм-с их зузаантай барилгын бүх ажилд хэрэглэж болно. Хуурай хольцод 15мм хүртэл хэмжээтэй дайрга, уян налархайжуулагч химийн нэмэлт зэрэг орсон бөгөөд орц найрлагын хувьд М250 марктай дүйцэх учир иргэний ба орон сууцны цөөн давхар барилгад хэрэглэх нь илүү тохиромжтой. Жишээ нь:

2.    PREMIX- Ердийн хэрэглээний хуурай бетон хольц  

 Ердийн хэрэглээний хуурай бетон хольцыг 50мм-с их зузаантай барилгын бүх ажилд хэрэглэж болно. Хуурай хольцод  9.5 мм хүртэл хэмжээтэй дайрга, уян налархайжуулагч химийн нэмэлт зэрэг орсон бөгөөд орц найрлагын хувьд “PREMIX” хуурай бетонтой харьцуулахад нарийн өнгөлгөө өгөх, шал, хавтан, зам зэрэгт хэрэглэхэд илүү тохиромжтой. Бат бэх нь  М250 буюу 28 хоногийн бат бэх 25МП байна.

3.    PREMIX – Өрлөг, өнгөлгөөний зуурмаг

Өрлөг, өнгөлгөөний зуурмаг хуурай хольцод нарийн ширхэглэлтэй элс, цемент зэрэг орсон учир гадна болон дотор шавардлага, тэгшилгээ, өрлөг зэрэгт хэрэглэхэд тохиромжтой. Жишээ нь:

Ишлэл авсан:

1. Б.Батцагаан, Д.Дамиран and Б.Энхболд. Барилгын хуурай хольцын технолги. Улаанбаатар : s.n., 2014.

2. Lamond JF, Pielert JH. Significance of tests and properties of concrete and concrete-making materials . USA : ASTM International standard, 2006.

3. Peter H.Emmons, Fred R Goodwin and Michael M. Sprinkel. Quality of Prepackaged Powdered Materials Used in Construction. s.l. : Concrete International, April 2014.

4. 1, Chapter. Design and Control of Concrete Mixtures. s.l. : PortlandCement Association, 2015.

Нийтлэлийг бэлтгэсэн Г.Тамир /Төслийн мэргэжилтэн/

Вэбсайт: www.premiumbm.mn

Сошиал: https://www.facebook.com/Premiumbm

Утас: 7012-2292