21-р зуунд дэлхий дахинд франчайз бизнес маш хурдацтай өсөж Монгол улсын зах зээлд Франчайзингийн талаарх ойлголт мөн өргөн тархсаар байна. Яагаад франчайз бизнес хийнэ гэж? гэсэн асуулт танд төрж байж магадгүй. 

Өөрийн онцлог шинж, үнэт зүйлс бүхий нэр хүндтэй брэндийн эрхийг авч цогц заавар, чиглүүлэлттэйгээр бие даан үйл ажиллагаа явуулах нь бизнесээ хурдацтай өсгөж хөгжүүлэх боломжийг олгодог. Түүнчлэн маркетинг, менежмент, хүний нөөц гэх мэт олон талын асуудалд шинэ бодлого, төлөвлөлт гаргах шаардлагагүй байдаг. Энэ нь цаг хугацаа хэмнэхийн зэрэгцээ зардал болон эрсдэлийг хэд дахин бууруулж буй хэрэг юм. Мөн Франчайзинг нь гарааны бизнестэй харьцуулахад амжилтад хүрэх магадлал илүү өндөр байдаг нь судалгаагаар батлагдсан ойлголт билээ. 

Энгийнээр тайлбарлавал франчайз бизнес нь хоёр төрөлтэй. Шууд болон шууд бус. Шууд франчайз бизнесүүдэд KFC, McDonald’s, Burger King, FamilyMart гэх мэт брэндүүд багтах бөгөөд соуснаас эхлээд бизнесийн арга зүй хүртэлх цогц системийг нарийн заасан байдаг. Та эрхийг нь эзэмшин үйл ажиллагаагаа явуулж олсон орлогынхоо тодорхой хувийг эрх шилжүүлэгчид шимтгэл төлөх үйл явцаар ажилладаг гэж ойлгож болно. 

Харин зарим франчайз бизнесүүд нь илүү уян хатан нөхцөлтэй байдаг. Жишээлбэл, CENTURY 21 үл хөдлөх хөрөнгийн брэндийн онцлог нь франчайз олгогч буюу эрх шилжүүлэгч Мастер Франчайз нь өөрөө үл хөдлөх хөрөнгийн бизнес эрхэлдэггүй. Харин франчайз эрх буюу CENTURY 21 брэндийн нэр хүндийг ашиглан үл хөдлөх хөрөнгийн бизнес эрхлэх эрхийг тохиромжтой этгээдэд олгодог. Энэ төрлийн франчайз нь брэндийн өнгө төрх, логог стандартын дагуу ашиглах шаардлага тавьдаг бөгөөд өөрийн бизнесээ чөлөөтэй удирдан зохион байгуулах боломжтой байдгаараа давуу талтай. 

Яагаад CENTURY 21® брэнд таны зорилгодоо хүрэх дөт зам байж чадах вэ?

1. Брэндинг

CENTURY 21® нь олон жилийн турш өөрийн онцлог шинж чанар бүхий брэндийг бүтээж чадсанаар өдгөө дэлхийд танигдсан нэр хүндийг бий болгосон билээ. Энэ нь та үнэ цэнтэй, нэр хүндтэй, өөрийн гэсэн үнэт зүйлс бүхий үл хөдлөх хөрөнгийн бизнесийг амжилттай эрхлэх үндэс суурь болдог. 

2. Борлуулалтын хурд

CENTURY 21® нь дэлхий даяар 40 секунд тутамд 1 үл хөдлөх хөрөнгө борлуулдаг. Манай мэдээллийн санд тавигдсан үл хөдлөх хөрөнгө бүрийн борлуулалт дээр CENTURY 21- ийн агентууд тасралтгүй ажилладаг бөгөөд хамтарсан борлуулалтын тусламжтайгаар борлуулалтын хурд илүү өсдөг. Франчайз бизнес эрхлэгчид маань 121% сэтгэл ханамжийг харилцагчдадаа бэлэглэж, үр бүтээмжтэй, амжилттай ажиллахад бид бүхий л талаар туслахад бэлэн байдаг. 

3. Цогц дэмжлэг

CENTURY 21® Mongolia нь франчайз оффисууддаа маркетинг, сургалт, идэвхжүүлэлт, урамшуулал, хүний нөөц бүрдүүлэлт гэх мэтчилэн зөвхөн CENTURY 21® онцгой эрхт үйлчилгээнүүдийг санал болгодог нь манай оффисуудад томоохон давуу талыг бий болгодог. Ингэснээр бизнес эрхлэгчдийн санааг зовоодог өдөр тутмын олон асуудлуудаас чөлөөлж өгдөг.

4. Мэдээллийн технологи

Дэвшилтэт технологиуд аливаа ажлын төлөвлөлт, зохион байгуулалт, гүйцэтгэлийг хялбарчилж үр бүтээмжийг нэмэгдүүлдэг гэдгийг бид мэднэ. Тийм ч учраас CENTURY 21® нь үйл ажиллагаандаа хамгийн сүүлийн үеийн технологийг нэвтрүүлж ажилладаг. Бид Монголын онцлогийг тусгасан CRM систем, утасны аппликейшн, хайлтын цогц систем бүхий вебсайт, дэлхийн 86 улсын зах зээлийг холбосон сүлжээ зэргийг үйл ажиллагаандаа ашиглаж байнга сайжруулан шинэчилдэг. 

5. Асар их боломж бүхий зах зээл

Судалгаанаас үзэхэд Монгол улсын хэмжээнд үйл ажиллагаагаа явуулдаг зуучлалын компаниуд нийт зах зээлийн ердөө 5%-ийг эзлэн ажилладаг байна. Цаашлаад нийслэлийн хүн амын тал хувь нь гэр хороололд амьдардаг. Эдгээр үзүүлэлтүүд нь үл хөдлөх хөрөнгийн салбарт асар их боломж байгааг бидэнд харуулж байгаа юм. Үүнээс гадна CENTURY 21® брэндийн тусламжтай дэлхийн 86 улсын үл хөдлөх хөрөнгийн зах зээлтэй холбогдож хамтран ажиллах гайхалтай боломжууд мөн нээлттэй байдаг. 

6. Оюунлаг бизнес

Үл хөдлөх хөрөнгө зуучлал бол оюуны бизнес юм. Ухаалаг, үнэнч шударга, ёс зүйтэй ажиллаж сэтгэл шингэсэн үйлчилгээ үзүүлбэл хүртэх боломж, олох өгөөжид хязгаар гэж үгүй. CENTURY 21® Mongolia нь таны оюуны хөгжилд хувь нэмэр оруулах зорилгоор хувь хүний хөгжил, ёс зүй болон эрх зүйн сургалтуудыг тогтмол зохион байгуулж насан туршид үлдэх мэдлэг, чадварыг олгодог. 

7. Уян хатан таатай нөхцөл

CENTURY 21® нь эрх хүлээн авагч удирдлагууддаа хараат бус бизнес эрхлэгч байж, өөрийн бизнесийг чөлөөтэй удирдан зохион байгуулах боломжийг бүрэн олгодог. Бид франчайз бизнес эрхлэгчдэдээ амжилтад хүрэх бүхий л арга техник, бодлого журмууд гэх мэт цогц системийг санал болгосоор ирсэн. Тиймээс хүсэл мөрөөдлөө бодит болгох бүхий л боломж таны гарт байдаг. 

Дахин давтагдашгүй онцлог шинж, үнэт зүйлстэй, дэлхийд танигдсан CENTURY 21® брэндийн нөү хауг ашиглан бидний цогц дэмжлэгтэйгээр дэлхийн зах зээлд амжилттай франчайз бизнес эрхлэх боломж хэн бүхэнд нээлттэй! 

“Таны амжилт бол Бидний амжилт” 

И-Мэйл: mongolia@c21.mn 

Утас: 7701-2121

Вэб сайт: https://c21.barilga.mn/