Аливаа барилгын зураг төслийг нарийн өнгө аяс, бусдын зовлонг ойлгох болон харилцан ойлголцох явдалд тулгуурлан гаргадаг. Өөрөөр хэлбэл үйлчлүүлэгч хийгээд тухайн байршлын онцлог шинж чанар, нөхцөл байдал, шаардлага хэрэгцээг харгалзан үзсэний дүнд хамгийн тохиромжтой шийдлийг гаргана гэсэн үг юм. 

Харин тэрхүү барилгын загвар зургийг гүйцэтгэгч этгээд нь эдгээр хүчин зүйлсийн талаар мэдээлэлтэй байсны үндсэн дээр тухайн ажлыг хийж гүйцэтгэдэг байх шаардлагатай. 

Тэгвэл Интерсекци ойлголтыг тусгасан барилгын зураг төслийг боловсруулахдаа тухайн хүмүүсийг тодорхойлж буй нас хүйс, арьс өнгө, бэлгийн чиг хандлага, нийгэмд эзлэх байр суурь гэх мэт маш олон төрлийн хүчин зүйлсийг хэрхэн өөр хоорондоо харилцан нөлөөнд орж байгааг бодолцож үзсэний дүнд хийдэг. Эдгээр хүчин зүйлүүд нь хэрхэн өөр хоорондоо уялдаатай байдгийг ойлгосноор тухайн барилга захиалагчид юу чухал болох, мөн юунд зориулж барьж байгаа вэ гэдгийг илүү гүнзгий хүрээнд ойлгох боломжтой болох юм. 

Intersectionality буюу Интерсекци ойлголт гэдэг нь хүмүүс зөвхөн нэг төрлийн бүтцийн ялгаварлан гадуурхах явдалд өртдөг бус түүний олон хэлбэрүүдэд давхар өртөж болзошгүй байдаг талаарх ойлголт ба энэхүү нэр томьёог анх Кимберле Уильямс Кренчав гаргаж ирсэн байна. 

Тухайн нийгмийн бүлэг тус бүрийн амьдралын туршлагыг соёл, төрөөс гаргах бодлого, барилгын зураг төсөл зэрэгт тусгах нь илүү олон нийтийг хамруулсан, шударга, эрх тэгш бүхий орчныг бүрдүүлэх боломжийг бий болгодог. Энэхүү процессыг зохицуулахад туслах олон нөөц бололцоо бий. Тухайлбал, Жоанна Симпсоны Интерсекцийг хэрэгжүүлэх гарын авлага, бүх нийтийг хамруулсан төрийн бодлого, иргэдийн төлөөлөл, сургалт семинар зэрэг ашиглаж болох олон хэрэгслээр дамжуулан тэдгээр нийгмийн бүлгүүдэд хүрч ажиллах, тэдэнд зөвлөгөө өгөх боломжтой.

“Интерсекци” ойлголтыг тусгасан барилгын загварчлал нь тухайн дизайнерийн өөрийн өрөөсгөл хандлагадаа үнэлэлт дүгнэлт хийх, аливааг сурах хүсэл эрмэлзэлд тулгуурлан гаргадаг.

Интерсекци дизайны талаар илүү гүнзгий судалж үзвэл Жакки Шоунийн хийсэн интерсекци нь хэрхэн дизайн, судалгааны практикт хөгжиж байгааг судалсан судалгаа юм. Түүний судалгаанд энэхүү арга барилаар дамжуулан дизайнерууд хэрхэн өөрсдийнхөө давуу эрх, эрх мэдэлтэй нүүр тулж болохыг харуулсан. 

Эцэст нь хэлэхэд аливаа барилга байгууламжийг өөр, өөр өнцгөөс харж тооцоолон, үйл ажиллагааны зөвшөөрөлд хамрагдсан түүхий эд, тухайн барилгын цар хүрээг олон талт байдлаар тодорхойлдог үйл явц юм. 

Гол анхаарах зүйл нь тухайн барилга байгууламж улс төр, нийгэм, эдийн засаг, экологийн ач холбогдолтой байхаас гадна үйлчлүүлэгчдийн хэрэгцээ болон гоо зүйд нийцсэн байх явдал юм. Нийгэм, хүрээлэн буй орчинтой холбоотой шударга ёсны асуудлыг интерсекцийн линзээр харж шийдвэрлэхийн тулд архитекторууд зөвхөн уг салбарыг төдийгүй түүний бүтэц тогтолцоо, хэнд зориулж байгааг дахин тунгаан бодолцож эхэлцгээж байна. 

Иймд архитектурт хувьсгал хийхийн тулд интерсекци ойлголт нь дизайнеруудад өөрсдийн давуу эрх, эрх мэдэлтэй нүүр тулах боломжийг олгон, цаашлаад тэдэнд үйлчлүүлэгчдийнхээ төдийгүй нийгмийн бусад олон бүлгүүдийн эрэлт хэрэгцээнд нийцсэн загварыг гаргахад нь туслах хэрэглүүр нь болж байгаа юм. 

Нийтлэлч: Эрик Балдвин \09.09.2021\

Орчуулсан: О.Наранцэцэг

Эх сурвалж: https://www.archdaily.com/967692/intersectional-design-rethinking-architecture-for-the-future