Дэлхийн өндөр хөгжилтэй улс орнуудад барилга бүтээн байгуулалтын салбарт олон шинэлэг инновац нэвтэрсээр байна. Үүний нэг жишээ болох Нидерланд улсад энэ оны 5-р сард анхны 3D хэвлэмэл бетонон амины орон сууцнуудыг барьж ашиглалтанд оруулсан. Энэхүү сууцнууд нь түрээсийн зарчмаар хэрэгжиж байгаа төсөл юм.

Өрөөний төлөвлөлт нь: Барилгын талбайн хэмжээ 94 м2 бүхий зочны өрөө, гал тогоо, ариун цэврийн өрөө, хоёр унтлагын өрөөтэй. Нийтдээ 24 хэвлэмэл бетон элементээс бүрдэнэ. Ачааны машинаар барилгын талбай руу зөөж хурдан хугацаанд угсарч, цаг хугацаа зардал хэмнэнэ. Нэмэлт дулаалга, төвийн дулаанд холбогдсон тул байшин нь маш тохь тухтай, эрчим хүчний өндөр хэмнэлттэй.

Зарчмын хувьд хэвлэмэл байшинг хурдан барих, архитектурын захиалгат дизайн гаргах боломжтой. Эйндховены Технологийн Их Сургуулийн Бетон бүтээцийн профессор Тео Салетийн хэлснээр: “Барилга бүтээн байгуулалтыг өндөр чанартай үйлдвэрлэлийн салбар болгон хөгжүүлэхэд анхны томоохон алхам боллоо гэж үзжээ. Үүний зэрэгцээ энэхүү шинэ технологи нь барилгын салбарт шаардлагатай тогтвортой байдлыг хангах, барилгын үйлдвэрлэлийг хурдасгах,хямд өртөгтэй байшин барих, өртөг зарлага бүх зүйл автомачлалаар тодорхой болох гэх мэтчилэн олон дэвшилттэй тал гарна. Энэхүү амины орон сууц нь тус улсынхаа барилгын хатуу норм дүрэм шаардлагыг бүрэн хангасан.

Эх сурвалж: aoc.mn