“Barilga expo - 2021” үзэсгэлэн, яармаг зохион байгуулагдах өдрүүдэд үзүүлэнгийн павилонд ажиллах ажилтнууд Коронавируст халдвар цар тахлын эрсдэлээс урьдчилан сэргийлэх чиглэлээр дор дурдсан зөвлөмжийг баримталж ажиллана уу.

1. Үзэсгэлэнгийн үеэр ажиллах ажилтанд тавигдах шаардлага 

1.1  9 м2 павилонд 2 хүн ажиллахаар тооцох 

1.2  Вакцины 2 дахь тунгаа хийлгэсэн, хэвийн халуунтай байх

1.3  Тухайн 2 ажилтан PCR шинжилгээг өгч 2021.09.08-ны өдөр хариу гарсан байх

1.4 Халдваргүйжүүлэх бодис, амны хаалт, нүүрний хаалт, бээлий, гар халдваргүйжүүлэх спиртэн суурьтай бодис болон салфетка, цэвэрлэгээний материалын 4 хоногийн нөөцийг бүрдүүлэн ажиллах 

1.5  Ажилтнууд маскаа тогтмол зүүж, павилонд олноороо цугларч хоол идэхгүй байх /ус, ундаанаас бусад хүнсний бүтээгдэхүүн хэрэглэхийг хориглох/

1.6 Ажилтан нь үйлчлүүлэгчтэй 1.5 метрээс дотогш зайд харьцахгүй байх

1.7 Хаалгыг хөлөөр түлхэх, шуугаар татах зэргийг хаалганы бариул барихгүйгээр гүйцэтгэх 

1.8 Оролцогч тус бүрийн үүргийг тодорхой тодорхойлсон ажил үүргийн хуваарь баталж, гаргах

2. Үйлчлүүлэгчидтэй харьцах болон павилоныг халдваргүйжуулахад анхаарах зүйл 

2.1 Павилоны үйлчлүүлэгчтэй харьцах хэсэгт тунгалаг өнгөтэй гялгар хаалт унжуулах /Өндөр - 1,6м, Өргөн - Тухайн стэнтний хэмжээнээс шалтгаална/

2.2 Хүний гар ихээр хүрч байгаа ширээ, үзүүлэнгийн талбай, тараах материалыг арчиж ариутгах /2 цаг тутамд/

2.3 Тараах материал болон цаасан хэлбэрийн материалыг шаардлагагүй тохиолдолд үйлчлүүлэгчид өгөх, авах, солилцохгүй байх. Сурталчилгааны хэлбэрийг цахим хэлбэрт оруулбал эрсдэл илүү багасана

2.4 Бусадтай гар барихгүй байх. Мэндчилгээний өөр хэлбэрийг сонгох 

2.5 Аль болох бэлэн мөнгөөр үйлчлэхгүй байх /төлбөрийн карт, дансны дугаар ашиглан хийх, картыг “ПОС” машинаар уншуулах, товчлуурыг тухай бүр халдваргүйжүүлэх уусмалаар арчих/

2.6 Хэрэглэсэн маск, нэг удаагийн бээлий гэх мэт хог хаягдлыг хийх тагтай савыг бэлтгэх 

2.7 Уулзалтууд  хийхээр төлөвлөсөн бол хаалтаар тусгаарласан ширээг бэлтгэсэн байх 

3. Үйлчлүүлэгчдэд дараах шаардлагыг тавьж ажиллана 

3.1 Очер дараалал үүсвэл үйлчлүүлэгчид тус бүрийг газарт тэмдэглэсэн зай /1,5метр/ - г баримтлахыг шаардана  

3.2 Үйлчлүүлэгчдийг маскаа зүүх, гар ариутгагч бодисоор гараа ариутгахыг байнга сануулна 

4. Биеийн халуун хэмжигчийн эхний үзлэгээр үйлчлүүлэгч эсвэл ажилтнуудаас температурын заалт хэвийн хэмжээнээс өндөр байвал дараах арга хэмжээг авна 

4.1 Сэжигтэй хүнийг тусгаарлах өрөөнд оруулах 

4.2 Бид ямар арга хэмжээ авч болох талаар тухайн хүнд мэдээллэх, ямар нэгэн сэтгэл санаагаар унагахгүй байхад анхаарах 

4.3 Гэр бүлийн болон найз, хамт ажилладаг хүн хамт яваа эсэхийг шалгана 

“BARILGA EXPO 2021” үзэсгэлэнгийн зохион байгуулах комисс