2011 онд үүсгэн байгуулагдаж өнөөг хүртэл уул уурхай, зам тээвэр, аж үйлдвэрийн салбаруудад шаардагдах бараа бүтээгдэхүүн, тоног төхөөрөмж нийлүүлэлтийн цогц үйлчилгээг үзүүлдэг “Ухаа сар’’ ХХК-ийн Гүйцэтгэх захирал Т.Наранзултай ярилцлаа. 

Ковид-19 гэх цар тахлаас шалтгаалан олон 10 компани эдийн засгийн хямралд өртөж, ажиллах боломжгүйд хүрсэн байдаг. Ийм нөхцөл байдалд үйл ажиллагаагаа царцаахгүйн тулд жишээ нь танай компани хэрхэн, ямар зохион байгуулалтаар ажиллаж байна? 

Бизнес эрхлэгчдэд ковид-19 хүндээр нөлөөлж зогсонги байдал үүссэн. Манай компанийн хувьд Showroom-ээр үйлчлүүлдэг үйлчлүүлэгчдийн тоо эрс цөөрсөөр байна. Тиймээс бид ажлын цагаа багасгаж, бүх нийтийг хамарсан уулзалт, зөвлөгөөнүүдийг хойшлуулан, FB Page болон mail-ээр дамжуулан харилцагчидтайгаа холбогдож, хүргэлтийн үйлчилгээ үзүүлж байна. Хаа, хаанаа хэцүү байгаа энэ үед бусад байгууллагуудаа дэмжих зорилгоор гэрээ байгуулан дараа төлбөрт нөхцөлөөр бараа материалуудаа нийлүүлж байна. 

Мөн цар тахалтай холбоотойгоор ачаа тээвэрлэлт бага болж бүтээгдэхүүн таталтын явц өмнөх үеэ бодвол хамаагүй удаашралтай байна. Дээрээс нь Монголын зах зээлд үнийн хөөрөгдөл их байна. Тийм хэдий ч бид бараа бүтээгдэхүүнийхээ хуучин үнийг барин ажилласаар байна. 

Танай компани материал импортлогч тул материалын чанарыг мэдээж 1-рт тавьдаг байх?  

Мэдээж чанарыг нэгт тавина. Чанартай бараа нийлүүлж байгаа тул захиалагчидтайгаа нүүр бардам харилцаж чаддаг. Манайх YATO брэндээс гадна өөр барааны захиалга мөн байнга авдаг л даа. Тэр бараанууддаа чанарын сертификат олгож үнийн хувьд ч боломжийн үнээр бүтээгдэхүүнээ нийлүүлдэг. Чанараас гадна тээвэрлэлтийн асуудал байна, энэ нь  зөвхөн Монгол улсад биш дэлхий даяар тулгамдаж байгаа асуудал тул бид аль болох боломжоороо зохицуулан ажиллаж байна. 

Материал импортлогчдод тулгамдаж буй асуудлууд нэлээдгүй байдаг байх. Төрийн зүгээс ямарваа нэг дэмжлэг хэрэгтэй ч юм уу, ер нь төр, хувийн хэвшлүүдийн хоорондын уялдаа холбооны талаар юу хэлэх вэ?

Улс төрийн тогтворгүй байдлаас үүссэн хор уршгийг хувийн байгууллагууд амсаж байна. Төрийн нэгдсэн бодлогогүйн улмаас үнийн хөөрөгдөл, ханш валютын өсөлт, татварын бодлого буруу явагддаг. Улсаас ямар нэгэн дэмжлэг, тусламж байдаггүй л дээ. Гэхдээ татвараа цаг тухай бүрдээ тогтмол төлдөг байгууллагуудад татварын хөнгөлөлт үзүүлэх хэрэгтэй. Хувийн хэвшлүүд үйл ажиллагаагаа доголдуулахгүй, ажлын байраа үгүй хийхгүй, ажилтнуудаа ажилтай, орлоготой байлгах гэж мөн энэхүү салбартаа хувь нэмэр оруулан дэлхийн шинэ, шинэлэг гэсэн бүтээгдэхүүнүүдийг дотоодын зах зээлд нийлүүлэхийн төлөө өндөр хүүтэй зээл аван бор зүрхээрээ зүтгэдэг хүмүүс шүү дээ.  

Энэ төрлийн худалдаа эрхлэхэд манай улсын зах зээл хэр хүртээмжтэй байна? Ижил төрлийн компаниудаас танай компанийн ялгарах онцлог юу вэ? 

Багаж тоног төхөөрөмжийн чанартай брэнд оруулж ирдэг олон компаниуд байгаа. Худалдан авагч хувь хүн, байгууллагууд нь үнийн хувьд хямд бүтээгдэхүүн сонгодог байсан бол одоо үнэ биш чанарыг эрхэмлэдэг болсон нь үнэхээр сайшаалтай. Энэ нь ажлын бүтээмж аюулгүй байдалд сайнаар нөлөөлдөг. Ижил төрлийн компаниудаас манайх дэлхийн стандартад нийцсэн багаж тоног төхөөрөмж оруулж ирдгээрээ мөн үнийн уян хатан байдал, багаж тоног төхөөрөмжийн засвар үйлчилгээг өөрсдөө хариуцан ажилладгаараа онцлогтой. 

Танай компанийн онцлох бүтээгдэхүүн болох УАТО брэндийг уншигчид маань сонирхож байгаа байх?  

YATO нь Польш улсын TOYA буюу 20 гаруй жилийн турш үйл ажиллагаагаа явуулж байгаа корпорацын үүсгэн байгуулсан цахилгаан багаж хэрэгслийн брэнд. 20 жилийн хугацаандаа аж үйлдвэрийн бүтээгдэхүүний зах зээл, хөгжлийн чиглэл, үнийн чиг хандлагын талаар маш сайн ойлголттой болсон түүхтэй. 

Энэ брэнд нь олон улсад чанар стандартыг хангасан үйлдвэрлэлийн зориулалт бүхий багаж тоног төхөөрөмж нийлүүлэлтээрээ дэлхийд дээгүүрт ордог. Евро ISO стандартын чанарын сертификаттай.  DIN, CrV, төмрийн хатуулгийн тэмдэглэгээтэй. Германд тестлэгдэн шаардлагатай цахилгааны хамгаалалттай багажуудаа Германд захиалгаар хийлгүүлдэг. 

Бид чанарыг эрхэмлэн энэхүү брэндийг сонгоод 2018 онд албан ёсны эрхээ аван ажиллаж байна. 9000 гаруй нэр төрөлтэй энэхүү брэндээс 4000 орчим нэр төрлийг Монголын зах зээлд нийлүүлж байна. 

Худалдан авагчид судалгаа мэдээллийг маш сайн хийж байж бүтээгдэхүүн сонголтоо хийдэг болж. Энэ нь тэдэнд зөв бүтээгдэхүүн сонгох эхний алхам болдог байх? 

Тийм шүү. Сүүлийн үед цахим орчин их хөгжиж байна. Бүхий л мэдээллийг тэндээс авах боломжтой. Дэлхийн томоохон ямар брэндүүд байна, тэднийг ямар компани монголын зах зээлд нийлүүлж байна гэдгийг өөрсдөө судлаад, хайгаад хүрээд ирдэг. Үүнээс худалдан авагчдын мэдлэг, боловсрол сайжирч байгаа нь харагддаг. 

Харин судалгаа хийгээгүй эсвэл тухайн багажаа яг ямар зориулалтаар юунд хэрэглэх гэж байгаагаа зөв тодорхойлоогүйн улмаас багажны эвдрэл болон аюулгүйн байдал алдагддаг учир багажтайгаа зөв зохистой харилцан, хэрэглээгээ зөв тодорхойлох шаардлагатай гэж үздэг. 

Манай бүтээгдэхүүнүүд Герман улсад  давхар тестлэгдэж ирдэг болохоор худалдан авагчдын сэтгэл ханамж өндөр байдаг. Харин баталгааны хувьд цахилгаан болон батерейгаар ажилладаг багажандаа 3 сар, гар багажандаа насан туршийн  баталгаа өгдөг дөө.

Энэ хугацаанд хамтран ажилласан төслүүдээсээ танилцуулбал?

Энэ хугацаанд Энержи Ресурс, Хүннү Коал, Баян Айраг, Sandvik Mongolia, АПУ, Ачит ихт ХХК, Steppe Gold, Cummins, Монголын төмөр зам зэрэг 400 гаруй байгууллагуудтай хамтран ажилласаар ирсэн. Мөн Өвөрхангай аймгийн Хужирт сумын бүтээн байгуулалтад оролцож гүүрийн нөхөн сэргээлт, сумын тохижилтын ажлуудыг гүйцэтгэсэн ба Тээврийн салбарт олон улсын тээвэр, зуучлалын үйл ажиллагаа явуулж байна. 

Нийгмийн хариуцлагын хүрээнд ямар ажлуудыг зохион байгуулдаг вэ? 

Нийгмийн хариуцлагын хүрээнд ханиад томуу болон ковидын эсрэг хамтдаа тэмцэж дархлаагаа дэмжье аян өрнүүлж дүүргүүдийн хэв журам болон Зам тээврийн цагдаагийн албан хаагчид, ХӨСҮТ-ийн эмч, сувилагч, албан ажилчдад, Хот тохижилтын ажилчдад халуун аарц, маск тараан хандивын аян өрнүүлсэн. Мөн Дакар 2019 болон Монголын Бартаат Замын Авто Спортын Холбооноос жил бүр зохион байгуулдаг холын зайн бартаат замын улсын аварга шалгаруулах ЗЭРЛЭГ 4X4 тэмцээнийг ивээн тэтгэж байна.

Амжилттай яваа компанийн ард мэдээж зөв удирдлага, туршлагатай хамт олон байдаг. Тэгэхээр удирдлагын хувьд ажилтнуудаа хэрхэн идэвхжүүлж, дэмжиж, ажлын эрч хүч бэлэглэдэг вэ? 

Мэдээж компанийнхаа ажилтнуудаа дэмжиж, хөгжүүлэх сургалт, семинарт оролцуулах, ажлын үр бүтээмжийг нэмэгдүүлэх, таатай нөхцөлөөр нь ханган ажилладаг. Цар тахлын үед хатуу хөл хорио олон удаагийн давтамжтай тогтоосон ч хамт олныхоо ар гэрт анхаарч цалин урамшууллыг цаг тухай бүрт нь тасралтгүй бүрэн гүйцэд олгосоор ирсэн, цаашдаа хичээх болно.  

Арван хүний бүрэлдэхүүнтэй чадварлаг хамт олон маан ковидын үед ажлын явц удааширч, ачаа тээврийн асуудал гарч байгаа хэдий ч цаг үеийн нөхцөл байдалд уялдан ажилласаар байгаагаар нь мөн бахархдаг.

Харин цаашдаа бүтээгдэхүүний нэр төрлөө нэмэгдүүлэн ажилчдын тоо, ажлын байраа өргөжүүлж, цар хүрээгээ улам тэлэн худалдаа үйлчилгээний үндэсний тэргүүлэгч компани болохыг зорин ажиллаж байна.  

Ярилцсанд баярлалаа. 

ВЭБ САЙТ: https://yato.barilga.mn/

УТАС: 7711-6006, 8610-2112