Багануур дүүрэг нь Улаанбаатар хотоос зүүн тийш 130 км зайд Хэрлэн голын сав газарт оршдог Улаанбаатар хотыг нүүрсээр хангадаг нүүрсний томоохон үйлдвэрлэлийг түшиглэн бий болсон стратегийн ач холбогдол бүхий дүүрэг юм. 2015 онд Багануур дүүргийн иргэдийн санал асуулгын дагуу Нийслэлийн иргэдийн Төлөөлөгчдийн Хурлаас Нийслэлийн дагуул хот болгох шийдвэр гаргасан.

Тус дагуул хотын ерөнхий төлөвлөгөөг Засгийн газрын 2017 оны 347 дугаар тогтоолоор баталсан бөгөөд 2030 оны түвшинд 15,000 өрхийн 60 мянган хүн амтай байхаар тооцож төлөвлөлтийн хугацаанд

12,600 суралцагчийн сургууль

5,800 хүүхдийн цэцэрлэг

630 ортой эмнэлэг

1,560 үзлэг/өдөр бүхий нарийн мэргэжлийн поликлиник

4800 м2 талбай бүхий спорт цогцолбор

990 суралцагчийн МСҮТ бий болохоор төлөвлөгдсөн.

Багануур дагуул хот нь дараах тэргүүлэх чиглэлээр хүрээнд үйл ажиллагаа явуулж Улаанбаатар хотын дагуул хот болон хөгжинө.

Их дээд сургууль

Уул уурхайн үйлдвэрлэл 

Нүүрс гүн боловсруулах үйлдвэр

Шингэрүүлсэн хийн түлшний үйлдвэр

Биотехнологийн үйлдвэр

Үйлдвэрлэл технологийн парк