ХБНГ улсын ХААС группийн дулааны алдагдалгүй угсармал модон барилгыг Монголдоо нэвтрүүлэн эрчим хүчний хэмнэлттэй, эко модон барилгын угсралтын ажлыг гүйцэтгэж буй Норбрү ХХК-ийн Ерөнхий захирал Ж.Бадрахтай бүтээгдэхүүн, үйлчилгээний талаар ярилцлаа. 

Норбрү ХХК-ийн үйл ажиллагаа, салбараа оруулсан хувь нэмэр, шинэ шинэлэг ажлуудынх талаар асуумаар байна?

Манай компани 2018 оноос угсармал модон барилгын чиглэлээр үйл ажиллагаа явуулдаг. ХБНГ улсын ХААС группийн дулаан алдагдалгүй, эрчим хүчний хэмнэлттэй, эко, угсармал модон барилгын үйлдвэрлэл, угсралтын технологийг Монголдоо нэвтрүүлэн, Хаас Систем Хаус буюу HSH модон барилгын үйлдвэрийг 2018 онд барьж 2019 онд ашиглалтад оруулаад байна. 2019 оны хагас жилээс эхний барилгуудаа ХБНГ улсаас шууд захиалагчдаа нийлүүлж эхэлсэн. Харин ХААС группийн хувьд 50 жилийн түүхтэй, технологийн хөгжүүлэлт, суурь бааз 50000 байшинг хэдий нь барьж байгуулсан арвин туршлагатай Европт тэргүүлэгч угсармал модон барилгын компани юм.

Бид 2020 онд Олон улсын төслийн барилгыг барьж ашиглалтад хүлээлгэн өгөөд, одоо “Бавариа Гарден” төсөл болон захиалагчийн эзэмшлийн газарт энэхүү технологийн байшингаа бариад захиалга аваад явж байна.  

“Бавариа Гарден” төслийн онцлог давуу тал нь юу вэ? 

Энэ төслийн гол давуу тал болох дулааны алдагдалгүй, эко модон барилгадаа сэргээгдэх буюу нарны эрчим хүч ашиглах Герман улсын ХАРК брэндийн барилгын халаалтын болон хэрэглээний халуун усны технологийн тоног төхөөрөмж суурилуулснаар эрчим хүчний хэрэглээг 70-80% хүртэл хэмнэх боломжтой. Энэ нь манай барилгын давуу талыг илүү тодотгож өгч байгаа юм.

Энэхүү төслийг эхлүүлэхдээ Монголын зах зээл, нөхцөл байдлыг судалвуу? Эрчим хүчний хэмнэлттэй хаус зах зээлд хэр эрэлттэй байна? 

Монголд төдийгүй дэлхийд угсармал, тэр дундаа дулаан алдагдалгүй, эрчим хүчний хэмнэлттэй гэх нэр томъёо ихээр яригдах болсон. Түүнийгээ дагаад сэргээгдэх эрчим хүчийг түлхүү хэрэглэх болжээ. Мөн модон бүтээгдэхүүн нь байгалиас бидэнд заяасан барилгын эко материал учраас эрүүл мэндэд хамгийн сайн хүчилтөрөгчийг өөрөөсөө ялгаруулдаг, амьсгалдаг бүтээгдэхүүн юм. 

Монголчууд эрүүл орчинд үр хүүхдээ өсгөж, ая тухтай амьдраасай гэдэг үүднээс энэхүү төслийг эхлүүлсэн.

Мөн манай орны эрс тэс цаг уурын нөхцөлд тохирсон технологийн шаардлага хангасан материалаар үйлдвэрлэгддэг нь та бидний амьдрах таатай орчныг бүрдүүлж өгдөг.

Дэд бүтцийн шийдлийн хувьд төвийн шугам сүлжээнээс алслагдсан бие даасан дэд бүтэцтэй. Тиймээс ашиглалтаас гарах зардлаа хянах бүрэн боломжтой.

Интерьер болон экстрьерь ямар хэв маягтай вэ? Мөн дотор заслын материалуудын талаар?  

“Бавариа Гарден” төслийн хувьд 2 төрлийн загвар байгаа. Интерьер, экстирьерийг Скандинавын орны хэв маягтайгаар 2 давхар, давхар тус бүрдээ 2 автомашины гарааштай 201 болон 248 мкв-ын сонголттой байна. Нэгдсэн тоглоомын талбай, авто зам, харуул хамгаалалт бүхий нийт 20 айлын хаус хотхон байх юм. 

Герман стандартын сантехник зэс хоолой, дотор заслын материалууд байх ба тухайлбал Эггэр брэндийн модон паркет, Итали плита Kerama marazzi, итали ханын цаас Zambaiti Parati гэх мэт бүтээгдэхүүнүүд байна.

Энэхүү төслийн мэргэжлийн баг, хүний нөөцийн бүрдүүлэлтийн талаар танилцуулаач? 

ХБНГУлсад бид 2 удаагийн урт болон богино хугацааны дадлага сургалтыг явуулаад байгаа бөгөөд нийт 7 хүнийг сургаад байна. Эдгээр хүний нөөц маань бусдадаа зааж сурган хамтдаа хөгждөг. ХААС группийн албан ёсны технологийн лицензийн эрхтэй учраас манай инженер техникийн ажилчид тус группийнхантай өдөр тутамдаа байнгын харилцаа, холбоотой ажилладаг даа.

вэб сайт: https://norbru.barilga.mn/