Барилгад хэрэглэгдэх гол нэр төрлийн барилгын материалын үнийн судалгаа, мэдээлэл /2021.5 сар/
Барилгад хэрэглэгдэх гол 12 нэр төрлийн барилгын материалын албан ёсны үнийн судалгаа, мэдээллийг Барилга хот байгуулалтын яам, Барилгын хөгжлийн төв, Барилга МН хамтран сар бүр гаргаж эхэллээ. Барилгын материалын дундаж үнэ болон хамгийн дээд, доод үнийг судалгаагаар гарган, үнийн эх сурвалжийн хамт хүргэж байна.
Барилгад хэрэглэх гол нэрийн 11 нэр төрлийн 39 материалын үнийн мэдээллийг аж ахуйн нэгжүүдээс тогтмол авч нэгтгэн гаргаж байна. Дэлхийн улс орнуудад Коронавируст халдвар /Ковид-19/-ын цар тахлын дараах эдийн засгийн өсөлтөөс шалтгаалан бүтээн байгуулалтын ажлууд идэвхжиж байгаатай холбогдуулан зарим барилгын материалын түүхий эдийн үнэ, тээвэрлэлт өсөөд байна. Тус материалуудын тайлбарыг оруулав.
Арматурын гол түүхий эд болох төмрийн хүдэр, коксжих нүүрсний үнийн савалгаа үүсэж, арматурын Монгол Улс дахь худалдаалагдах үнэ огцом нэмэгдсээр байна. Тухайлбал, олон улсын зах зээл дээрх нэг тонн арматурын үнэ 2020 оны 05 дугаар сарын 15-ны өдрийн байдлаар 404 ам.доллар байсан бол 2021 оны 05 дугаар сарын 18-ний өдрийн байдлаар 775 ам.долларт хүрч 91.8 хувиар өсөөд байна.
Барилгын зах зээл дээр 2019 онд 244.5 мян.тонн арматурыг импортоор авч, 55.7 мян.тн-ыг дотооддоо үйлдвэрлэсэн бол 2020 онд 240.1 мян.тонныг импортолж, 12.3 мян.тонныг дотооддоо үйлдвэрлэсэн.
Арматурын үнэ өссөнтэй холбоотой төмөр бетон эдлэлийн үнэ дагаад өсөх хандлагатай байна. Одоогоор төмөр бетон эдлэлийн үнэ тодорхой болоогүй байна.
Хөөсөн полистирол EPS хавтангийн түүхий эдийн үнэ /30 хувь/, тээврийн зардал /1.5 дахин/ нэмэгдсэнээр бүтээгдэхүүний үнэ дагаад нэмэгдэж байна. Түүхий эд орж ирэхгүй байгаа учраас ихэнх үйлдвэрүүд зогсонги байдалтай байна.
Дэлхийн зах зээлд хайлах кокосын үнэ өссөний улмаас эрдэс хөвөнгийн үнэ өсч 2021 оны 05 дугаар сарын үнийн мэдээллийг өмнөх сарынхтай харьцуулахад 14850-18810 төгрөгөөр нэмэгдсэн. Хөөсөн шахмал / XPS/ хавтан ОХУ-д үнэ өссөнтэй холбоотой тус материалын үнэ дагаад өслөө.
Модон материал нь тээвэрлэлтийн асуудлаас болж татан авалт болон нөөц багасаж мөн үнэ өссөн үзүүлэлттэй байгаа юм. Үнэ өсөөд байгаа зарим барилгын материалын дундаж үнийн мэдээллийг 2021 оны 03, 04, 05 сарын байдлаар графикаар үзүүлэв.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.